ჭვემა

ჭვემა — თხიერი ატმოსფერული ნოლექი, ნამუთ მუნაფეფშე მოურს 0.5 მმ დო უმოსი დიამეტრიშ მაღვენჯი ჭვათეფიშ სახეთ. წჷმარინუანს წყარიშ წირერთაფაშ ართ-ართ უშანულამაშ კომპონენტის. თეშ მოხ, ეკოსოსტემაშ გვარობეფშო აკმოქიმინუნს ხეონწყუე პიჯალეფს. თაშნეშე ჭვემაშ წყარი შანულამი რე ჰიდროელექტოდგმილეფიშო დო ირიგაციაშო. ჭვემა, მუჭოთ წესი, ესვარილი ტიპიშ, უმენტაშო ფა-ჭვემაშ დო მაღალი ფა მუნაფეფშე მოურს. ჭვემაშ წჷმოქიმინუაშ თარი ბაძაძი სილამიე, ნამუთ მუკმურს ტემპერატურაშა დო სილამეშ კონტრასტეფიშ სუმგოზჷმილაფიან ზონას, ნამუსჷთ ატმოსფეროშ ფრონტის უძახჷნა. თე ეკონია წჷმარინუანს თაშ გედვალირ გჷმართუ ჟინპიჯიშ შხვადოშხვა ფიზიკური მუშობურობეფიშ მაღვენჯი ჰავაშ ჟირ მასაშ შქას.

ტაროსი
წანმოწანაშ ბორჯეფი
ზომიერი აფუნი · ზარხული დამორჩილი · ზოთონჯი
ტროპიკული ჭოროფა · გოლოფა
შტორმი
ტყვაცი დო გურგინი · ტორნადო ტროპიკული ციკლონი (წალიკონი) ექსტრატროპიკული ციკლონი ზოთონჯიშ წალიკონი · ქარშხუფი ჸინამი შტორმი
ნოლექეფი
ნირსი · ცჷნაფი · ჭვემა ჸინიშ ჭვემა · ღირღი ჸინი კირცხი · თირი ნოლექი · სუნჯი
თემეფი
მეტეოროლოგია ტაროსიშ პროგნოზი კლიმატი · ჰავაშ დონძვარება
ტაროსიშ პორტალი
ძ • ს • რ

ჭვემა დანიას

ჭვემა

ჭვემა

ვაიალეალე (1544 მ, ჰავაიშ კოკეფიი) ჭვემაშ სახეთ ოშქაშეთ ღებულენს 11.700 მმ ნოლექის; თენა რე დიხაუჩას არსებული არძაშე ლექინი აკანი. მაჟირა შანულამი ნოლექიანი პუნქტი რე ინდოეთის მადვალუ ჩერაპუნჯი, ნამუთ ღებულენს 11.430 მმ ნოლექის. ევროპაშ დიდ ნორთის, ობჟათე დო ოორუე ამერიკას დო ცენტრალურ აფრიკას ირწანურო გემანტირე ჭვემა 500 მმ-ს ოჭირინუანს, თიმ ბორჯის, მუჟამსჷთ აზიაშ დიდ ნორთის (ინდოეთიშ დო ტიბეტ-ჩინეთიშ უმუშო) ირწანურო ჭვემაშ სახეთ მოურს 500 მმ-შე მერკე ნოლექი, უმოს მერკე რე — 250 მმ — არაბეთიშ ჩქონს დო მონღოლეთიშ ოორუე-ბჟაეიოლ ნორთის. ავსტრალიაშ ცენტრალურ დო აფრიკაშ ობჟათე-ბჟადალ ნორთის, ამერიკაშ აკოართაფილ შტატეფიშ გვალონაოშქაშე დო ობჟათე ამერიკაშ ბჟადალ ცენტრალური წყარპიჯეფიშ ტერიტორიეფს წანმოწანას ჭვემაშ სახეთ მოურს 250 მმ მერკე ნოლექი.

აფრიკაშ, ინდოეთიშ დომიანმარიშ წყარპიჯეფს დო ოორუე დო ობჟათე ამერიკაშ ზჷმიერ განედეფს წანმოწანას ჭვემაშ სახეთ მოურს 2.500 მმ ნოლექი.

კონვექციური მუნაფეფიშ შედეგო წჷმიქიმინუაფუ კონვექციური ჭვემა, ნამუსჷთ ფა-ჭვემაშობური ვარდა მაღალ-ბოქვამი მუნაფეფი ჯოხო. ზჷმიერ ორტყაფუეფს კონვექციური ნოლექუანობა გოსიფილი რე დო მერსხილი რე ბაროკლინურ თანჯეფწკჷმა, მუნერით რე: რგილი ფრონტეფი, გირგალიშ ღოზი დო ტიბუ ფრონტეფი.

pH გოლინათ ითირუ ჭვემაშ ფაქტორი, ნამუსჷთ მჟავა ჭვემეფი ჯოხო, ნამუთ მიარე რეგიონშო რე ელმოლიშ დოძაკუაშ თოლწონუათ ართ-ართი შანულამი პრობლემა. ააშ-იშ ბჟაეიოლ წყარპიჯეფს, ჭვემა, ნამუთ ატლანტიშ ოკიანეშე მოურსჷნ pH-შ ფაქტორი 5.0-5.6 რე; ჭვემა, ნამუთ ახოლუ კონტინენტურ კლიმატის pH-შ ფაქტორი 3.8-4.8 რე; pH-შ ფაქტორი აკანურ შტორმეფშო ხვალე 2.0 რე.

0.5-შე 6-7 მმ მერკე დიამეტრიშ მაღვენჯი თხიერი ნოლექი რე ცჷნაფი. ნძლიერ ჭვემას ჯოხო გემანტირე ჭვემა ვარდა თქვარშალი. უმოს ჭიფე ჭვემა რჩქინელი რე სიმორიშ ჯოხოდვალათ.

თაშნეშე ქოძირით

• მჟავა ჭვემეფი
• კონვექცია

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ჭვემა“ ვიკიოწკარუეს.
• ჭვემა (ინგლისური) — სტატია ენციკლოპედია ბრიტანიკაშე