gazete sicrîte e walon From Wikipedia, the free encyclopedia
El Bourdon, c' est ene gazete e walon ki parexhe tos les moes dispoy setimbe 1949.
C' est purade des scrijhaedjes di belès letes.
Les Eplaidreyes do Bourdon editnut des lives sicrîts pa les cis ki metnut leus bokets dins ç' gazete la.
Si no provént do spot del grosse clotche do cloke-poite di Tchålerwè. On dessén di ç' befrwè la avou l' cloke padvant a dmoré dessiné so tote el prumire rîlêye del gazete.
El Bourdon fourit metou en alaedje pa Félicien Barry, ecoraedjî pa Henri Van Cutsem, po-z eplaidî des tecses di belès letes e walon di scrijheus d' Tchålerwè et co d' ôte pårt, et eto dner des noveles (e francès) des boutaedjes pol walon dins l' Hinnot, dins l' Roman Payis, et co pus lon.
Cwand i parexhe, on dit k' i zûne (come li Moxhon d' Ônea et li Viye Sprewe xhuflèt). I vude tos les moes.
E 2004, i s' a etroclé avou l' Moxhon d' Ônea, mins tot wårdant tchaeke si tite.
E 2007, il a fwait parey avou l' gazete e picård "No boutique".
Èl bourdon est sicrite e troes lingaedjes : e walon, e picård ey e francès.[1] Tot rwaitant les prumîs lingaedjes, les oteurs scrijhnut avou l' ortografeye k' est l' pus djondant d' wice k' is vicnut. Adon, pol walon, les scrijheus uznut voltî li sistinme Feller. Pol picård, c' est puvite do Feller-Carton.
Aprume, c' est Félicien Barry ki l' a-st imprimé divins si imprimreye. C' est ene cogne A4 avou do papî d' gazete. Tchaeke limero a ene coviete diferinne, mins todi so on cåde avou l' poite-cloke di Tchålerwè (et l' grosse cloke lomêye «El Bourdon») dissu, a hintche. Eyet l' malton ki s' enûle dins l' coine ådzeu, divant l' tite : «el bourdon», et l' sortite «d'Châlèrwè èt co d'ayeûr».
Adonpwis, il a stî a stî imprimé pa l' Imprimreye Scaillet, di Montniye-Tiyoû. C' est l' coleccion avou ene coviete di cwårton et do papî d' silabusse. El dessén del coviete, c' est èn amineu ki tént l' mårtea et fé aler on drapea, avou les cawoûtes des oujhenes padrî. L' årtike «el» eyet l' mot «bourdon» prindèt des grandès letes «El Bourdon»
Onk des prumîs limeros insi, c' est li 293, di fevrî 1977. Onk des dierins, li 371, do d' decimbe 1984.
Il vudive adon a cwénze cints egzimplaires.
Li novele cogne, pus ptite (c' est d' l' A5) kimince dandjreus après. Li limero 452 date do moes d' djanvî 1993. Li tite ridvént e ptitès letes, avou èn accint so l' årtike: «èl bourdon».
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.