Henri Pétrez, on scrijheu e walon, sipoté el Baron d' Fleuru a skepyî e 1886 et mori e 1967.
![Thumb](http://upload.wikimedia.org/wikipedia/commons/thumb/d/df/Henri_Petrez.jpg/320px-Henri_Petrez.jpg)
![Thumb](http://upload.wikimedia.org/wikipedia/wa/1/12/Petrez_fauves1.jpg)
![Thumb](http://upload.wikimedia.org/wikipedia/wa/d/da/Petrez_fleuru.jpg)
Biyografeye
Il a moussî dessineu dins ene casrolreye a l' ådje di 13 ans.
Ouve pol walon
I va aprinde a scrire e walon avou Jean Wijns et rexhe docô des pîces di teyåte eyet des tchansons.
Li prumire did zeles, "On concours di galants", fourit ene operete, djouwêye e 1909. I moussa-st a l' A.L.W.A.C. e 1908 et ås Relîs Namurwès e 1920.
Il a bråmint eplaidî dins l' Bourdon.
E 1948, i vude on limero des Cahiers Wallons rén k' por lu, avou deus ramexhnêyes di powinmes "L' an cwarante" eyet "Fleurs et fruts".
I rmete ça e 1953 et c' est «Moman» ene longue powezeye po s' mame.
Mins Hinri Pétrez, c' est aprume les «Fåves do Baron d' Fleuru», des fåves ki li prumire volêye mousse foû e 1928, li deujhinme e 1933, li troejhinme e 1950, li cwatrinme e 1957 eyet li cénkinme e 1999, après si moirt. C' est des fåves å pus sovint a môde da Lafontinne avou des biesses, mins måy ricopieyes so Lafontinne. Li deujhinme eyet l' cénkinme volêye sont gårnis di beas desséns e coleur da Elizabeth Ivanovsky.
Si a-t i scrît troes lives di prôze: «Fleuru dins m' vicåreye», publiyî e 1960, eyet «Tambu Tambe, blanc negue» et "Mi testamint di scrijheu", les deus dierinnes nén eplaideyes.
A stî relî come mimbe del S.L.L.W. e 1932 ey a rascodou li pris do govienmint po "Fleuru dins m' vicåreye" e 1962.
Dissus si tombe dins l' cimintire di Fleuru, il est scrît: "Walon, e Djokant Divant M' Croes / Euxhoz ene Pinsêye e Patwès / Henri Petrez / Scrijheu Walon / 1886 - 1967".
Hårdêyes difoûtrinnes
- Li pådje do Baron d' Fleuru so l' Aberteke
Li Wiccionaire si rsieve di sacwantès fråzes da Henri Pétrez po-z enimådjî des mots k' i gn a.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.