scrijheu e walon From Wikipedia, the free encyclopedia
Henri Van Cutsem a skepyî li 8 d' awousse 1884 a Montniye-so-Sambe, et mori li 12 d' avri 1958 a Tchålerwè. C' esteut on scrijheu e walon.
Riprins dins l' grosse antolodjeye da Piron.
Di s' mestî, il esteut mwaisse di scole, pu directeur d' ene sicole prumaire a Tchålerwè. I scrijheut eto des pîces di teyåte e francès, k' i poleut ratourner e walon (Natole, 1916).
Il a cmincî pa scrire des rvuwes di teyåte : "Tot Montneye pasrè" (Tout Mont'gnè pass'ra) (1914).
E 1923, il a-st enondé ene rivuwe e walon, li Hoûlåd d' Tchålerwè.
Il a eto scrît des pårlaedjes di tchanson (El tchant d' Montneye), et des pîces di teyåte (Escrocreye å mariaedje, pîce po rire e troes akes). Li pus rlomêye serè «Tintin» (1930).
Après, i s' mete al powezeye, et c' est «Tchabaréyes» (1925, replaidî e 1936), pu "Clairs di lune" (Clérs di leune) (1941), la k' gn a eto des sovnances e prôzes.
Si mwaisse ouve dimorrè si roman "Mamjhele Chôze" (Mam'zèle Chôze) (1950).
E 1949, il enonde avou Félicien Barry li moetî «El Bourdon». C' est lu ki scrît l' atacaedje (e francès).
Van Cutsem ni sinéve nén ses lives e walon.
Li Wiccionaire si rsieve di sacwantès fråzes da Henri Van Cutsem po-z enimådjî des mots k' i gn a.
Vos trouvroz des racsegnes so les ouves da Henri Van Cutsem, u les ouves zeles-minmes, so Wikisourd e walon.Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
