From Wikipedia, the free encyclopedia
Alphonso Boyle Davies (talaffuzi: Alfonso Devis; 2000-yil 2-noyabrda tugʻilgan)[2] — kanadalik professional futbolchi, Bundesliga FC Bayern Munich klubi va Kanada terma jamoasida chap qanot va qanot himoyachisi sifatida oʻynaydi. U tezligi, driblingi va kreativligi tufayli dunyoning eng yaxshi himoyachilaridan biri hisoblanadi[3][4].
![]() Davies Bayern Munichda, 2019-yil | |||
Shaxsiy maʼlumot | |||
---|---|---|---|
Toʻliq ismi | Alphonso Boyle Davies | ||
Tavallud sanasi | 2-noyabr 2000-yil | ||
Tavallud joyi | Buduburam, Ghana | ||
Boʻyi | 1.83 m[1] | ||
Ampluasi | Chap qanot himoyachisi, himoyachi | ||
Klub maʼlumoti | |||
Joriy klub | Bayern Munich | ||
Raqami | 19 | ||
Yoshligida aʼzo boʻlgan klublar | |||
2005 | Edmonton Internationals | ||
2006—2014 | Edmonton Strikers | ||
2015—2016 | Whitecaps FC Residency | ||
Professional faoliyati* | |||
Yillar | Jamoa | Isht. | (Gol.) |
2016 | Whitecaps FC 2 | 11 | (2) |
2016—2018 | Vancouver Whitecaps FC | 65 | (8) |
2018—2019 | Bayern Munich II | 6 | (0) |
2019- | Bayern Munich | 80 | (5) |
Milliy terma jamoa | |||
2016 | Kanada U17 | 2 | (1) |
2016 | Kanada U20 | 1 | (0) |
2017- | Kanada | 32 | (12) |
*Professional klublardagi gollari (ichki chempionat) (14-may uchun) |
Davies 2000-yillarda tugʻilgan Oliy liga oʻyinida oʻynagan birinchi futbolchi edi. Davies Bayernga 2019-yilning yanvar oyida MLS jamoasidan Vancouver Whitecapsdan oʻsha vaqtdagi MLS rekord darajadagi transfer narxi evaziga 2023-yilgacha moʻljallangan shartnoma asosida qoʻshilgan edi[5][6]. Davies Bundesliganing 2019-20-yilgi mavsumdagi eng yaxshi yangi futbolchisi deb topildi[7]. Oʻsha mavsumda Bayern Bundesliga, UEFA Chempionlar Ligasi va DFB-Pokalda gʻalaba qozonganidan keyin qitʼa treblini yutgan jamoa aʼzosi edi. Baʼzilar uni oʻz avlodining eng yaxshi chap qanot himoyachisi deb bilishadi[8][9].
2017-yilning iyun oyida Davies Kanada erkaklar terma jamoasida maydonga tushgan eng yosh futbolchiga aylandi[10]. 2017 CONCACAF Gold Cup doirasida Fransiya Gvianasiga qarshi oʻyinda ikkita gol urib, Kanada erkaklar terma jamoasi safida gol urgan eng yosh futbolchi, CONCACAF oltin kubogida gol urgan eng yosh futbolchi va 2000-yillarda tugʻilgan yuqori darajadagi xalqaro turnirdagi birinchi oʻyinchi boʻldi[11]. 2021-yilgi CONCACAFda yilning eng yaxshi erkak futbolchisi deb topildi[12]. Kanada terma jamoasining eng yaxshi futbolchisi ham, yuzi ham sanaladi[13][14][15].
Davies Birlashgan Millatlar Tashkilotining qochqinlar boʻyicha xayriya tashkiloti UNHCR elchisi boʻlgan birinchi futbolchi va birinchi kanadalik hisoblanadi[16].
Daviesning Ota-onasi liberiyalik boʻlgan. Ganadagi qochqinlar lageri Buduburamda tugʻilgan[17][18]. Otasi Debeah Davies va onasi Viktoria Davies dastlab Liberiya poytaxti Monroviyada yashagan[19]. Ular 450 000 dan ortiq liberiyaliklarni koʻchirib yuborgan Ikkinchi Liberiya fuqarolar urushi paytida qochib ketishdi[20][21]. 2005-yilda oila Kanadaga koʻchib oʻtdi va oxir-oqibat Edmontonga koʻchib oʻtdi[10][20]. Edmontonda boʻlganida Vancouverdagi University Hill oʻrta maktabida futbol akseleratoriga qoʻshildi[22]. 2017-yil 6-iyunda Kanada fuqaroligini oldi[23]; shu paytgacha Liberiya fuqarosi edi[20].
Davies Edmonton katolik maktabi okrugidagi Avliyo Nicholas Katolik oʻrta maktabida oʻqidi. Uning maktabdagi futbol jamoadoshi Onesphore Hamis shunday deb eslaydi: „U futbolga kirishni xohlar edi, lekin til muammosi edi“[24]. Uning sinfdoshi va hamkasbi liberiyalik muhojir Chernoh Fahnbulleh Davies haqida shunday deb eslaydi: „U ingliz tilida yaxshi gapira olmasdi“[24].
Edmonton Internationals va Edmonton Strikers klublarida oʻynaganidan soʻng, Davies 2015-yilda 14 yoshida Whitecaps FC rezidensiyasiga qoʻshildi[17][25][26].
2016-yilgi MLS mavsumoldi safari chogʻida Vancouver Whitecaps FCga qoʻshilganidan soʻng[27], Davies 2016-yil 23-fevralda USLda Whitecaps FC 2 bilan shartnoma imzoladi[28]. Imzolangan paytda u 15 yil-u 3 oylik USL shartnomasiga imzo chekkan eng yosh futbolchiga aylandi. Davies Whitecaps FC 2 safidagi professional debyutini 2016-yilning aprelida 15 yosh, 5 oyligida qilgan[29]. 2016-yilning 15-mayida oʻzining birinchi professional golini urdi va 15 yoshu 6 oylik bilan USL tarixidagi eng yosh gol muallifiga ega futbolchi sifatida kirdi[30], bu rekord 2020-yilgacha yangilanmadi. Davies 2016-yilgi mavsumda 11 oʻyinda maydonga tushib 2 ta gol urdi[31].
Davies qisqa muddatli shartnoma asosida 2016-yilgi Kanada chempionati uchun Whitecaps roʻyxatiga kiritilgan[32]. 2016-yilning 1-iyunida u Kanada chempionatining birinchi oʻyinida Ottawa Fury klubiga qarshi oʻyinda debyut qildi va ikkinchi oʻyinni Vancouverda boshladi[33].
2016-yil 15-iyulda Davies Whitecaps bilan 2019- va 2020-yilgi mavsum variantlari bilan 2018-yilgacha asosiy jamoa shartnomasini imzoladi. Imzolangan paytda u Oliy ligadagi eng yosh faol oʻyinchi va MLS bilan shartnoma imzolagan uchinchi eng yosh futbolchi edi[34]. Davies MLSdagi debyutini 2016-yil 16-iyulda oʻtkazdi va Freddt Adudan keyin MLSda oʻynagan ikkinchi eng yosh futbolchiga aylandi[35]. 2016-yil sentyabr oyida 2016-17-yilgi CONCACAF Chempionlar Ligasida Sporting Kansas City ga qarshi oʻyinda jarohatlandi, klubdagi birinchi golini urdi va klubni pley-off bosqichiga chiqishiga yordam berdi[36]. 2016-yil sentyabrida Davies Colorado Rapidsga qarshi oʻyinni boshlaganida MLS tarixidagi ikkinchi eng yosh boshlovchiga aylandi[37]. 2016-yil 2-oktyabrda u raqib klubi Seattle Sounders FCga qarshi maydonga tushdi va penalti tepdi[38]. 2016-yilgi mavsumda Davies MLSda sakkizta oʻyinda[39], Kanada chempionatida toʻrtta oʻyinda[39] va CONCACAF Chempionlar Ligasida uchta oʻyinda maydonga tushdi[40].
MLSdagi oʻyinlaridan soʻng, Daviesga nisbatan Yevropa klublari, jumladan, Manchester United, Chelsea va Liverpool[41] qiziqdi va 2017-yilda dunyodagi eng yaxshi 60 yosh futbol iqtidorlaridan biri deb topildi[42]. 2018-yilgi mavsumda Monreal Impactga qarshi oʻyinda Davies MLSdagi birinchi golini urdi va Key Kamara goliga assistentlik qildi[43]. 2018-yilning 10-iyunida u Orlando Cityga qarshi oʻyinda (5:2) gol urdi va uchta golli uzatmani amalga oshirdi[44]. Davies 29-iyul kuni Minnesota United ni 4:2 hisobida magʻlub etishganida ikkita gol urdi va ikkita golli uzatma berdi[45]. 2018-yilning 29-iyunida Davies 1-avgust kuni Juventusga qarshi oʻtkaziladigan 2018-yilgi MLS yulduzlar oʻyini uchun MLS yulduzlari roʻyxatiga kiritildi[46]. Davies zaxiradan maydonga tushdi va 1:1 hisobidagi durangdan keyin penaltilar seriyasida 3:5 hisobidagi magʻlubiyat bilan oʻyin yakunlandi[47]. Davies 24-oktyabrda[48] Vancouver Whitecaps FK ning yilning eng yaxshi futbolchisi deb topildi va shuningdek, Whitecaps tomonidan yilning eng yaxshi goli sovrinini oldi[49]. 28-oktyabr kuni Daviesning Vancouver safida soʻnggi oʻyinida Portlend Timbers ustidan 2:1 hisobida gʻalaba qozonishiniga koʻmaklashdi, ikkala golni ham urdi[50].
2018-yilning 25-iyulida Vancouver Daviesni Bundesliga klubi Bayernga transfer qilishga rozi boʻlganini eʼlon qildi, Davies 2019-yil yanvarida Bayernga qoʻshilishdan oldin MLS-2018 mavsumini Vancouver bilan oʻtkazdi[51][52]. Oʻtkazma uchun asosiy toʻlov 13,5 mln AQSh dollarini tashkil etdi, jami 22 mln dollarlik samaradorlik bilan bogʻliq bonuslar bilan, MLS uchun oʻsha paytdagi rekord edi[6]. Davies 2018-yil 21-noyabrda Bayern bilan birinchi mashgʻulotini oʻtkazdi[53] va 2019-yilning 12-yanvarida Telekom kubogi chempionati finalida Borussia Mönchengladbachga qarshi debyut qildi, Bayern hisobsiz durangdan keyin penaltilar seriyasida gʻalaba qozondi[54]. Davies Bundesligadagi debyutini 27-yanvar kuni VfB Stuttgartga qarshi oʻtkazdi va Kingsley Komanning 3:1 hisobidagi gʻalabasida zaxiradan maydonga tushdi[55]. U 17-mart kuni Bayern safidagi birinchi golini urdi va Mainz 05 ga 6:0 hisobida yakuniy golni kiritdi[56]. Shunday qilib 18 yosh, 4 oy va 15 kunligida, yigirma yil oldin Roque Santa Cruzdan keyin klub safida gol urgan eng yosh futbolchiga aylandi. Bayern safida gol urgan birinchi kanadalik futbolchi boʻldi[57]. 2019-yil 18-may kuni Davies oʻzining ilk Bundesliga chempionligini qoʻlga kiritdi, Bayern Dortmunddan 78 ochko toʻplagan holda ikki ochko yuqorida yakunladi. Bir hafta oʻtgach, Davies oʻzining birinchi DFB-Pokalini qoʻlga kiritdi, Bayern 2019 DFB-Pokal finalida RB Leipzigni 3:0 hisobida magʻlub etdi. Davies oʻyin kuni tarkibiga tanlanmagan edi[58].
Davies Bundesliganing 2019-20-yilgi mavsumining 9-turida Bayern bilan oʻzining birinchi Bundesliga startini oʻtkazdi, toʻliq 90 daqiqa davomida oʻynadi, Union Berlin ustidan 2:1 hisobida gʻalaba qozonishdi[59]. UEFA Chempionlar Ligasini 2019-yil 6-noyabrda Olimpiacos ga qarshi oʻyinda (2:0) boshlagan edi[60]. Davies bu rolda oʻynagan vaqtida yuqori maqtovga sazovor boʻlib, dunyodagi eng yaxshi chap qanot himoyachilaridan biri sifatida erta obroʻga ega boʻldi[61]. 2020-yil 25-fevralda Davies UEFA Chempionlar Ligasi 1/8 finalining birinchi oʻyinida Chelsea ustidan 3:0 hisobida gʻalaba qozonib, Robert Lewandowskining uzatmasini golga aylantirdi; uning oʻyini ommaviy axborot vositalarida keng maqtovga sazovor boʻldi, ekspert Gary Lineker Daviesning chiroyli oʻynaganini izohlagan boʻlsa, amerikalik sobiq futbolchi Stuart Holden uni jahon toifasidagi chap qanot himoyachisi deb taʼrifladi[62].
2020-yil aprel oyida Bayern va Davies shartnomani 2025-yilgacha uzaytirishga rozi boʻldi va uning amaldagi shartnomasiga ikki yil qoʻshildi[63].
Liberiyada tugʻilgan boʻlsa-da, Davies 2014- va 2015-yillarda 15 va 18 yoshgacha boʻlgan Kanada terma jamoasi yigʻiniga chaqirilgan. 2016-yilning 17-martida u 20 yoshgacha boʻlgan Kanada terma jamoasiga Angliyaga qarshi oʻrtoqlik oʻyiniga chaqirildi[64][65]. 2016-yil noyabr oyida Davies Kanadaning 17 yoshgacha boʻlgan lageriga tashrif buyurdi va u yerda Yamayka darvozasiga gol urdi[66]. 2016-yilda 17 yoshgacha va 20 yoshgacha boʻlgan terma jamoalar bilan oʻrtoqlik oʻyinlarida koʻrsatgan oʻyinlari uchun Kanada U17 yilning eng yaxshi erkak futbolchisi deb topildi[67]. 2017-yil mart oyida Davies intervyusida „Kanada vakili boʻlish mening orzularimdan biri“ deb aytdi[68]. 2017-yilda u kattalar jamoasidagi oʻyinlari tufayli ikkinchi marta Kanadaning 17 yoshgacha boʻlgan oʻsmirlar oʻrtasidagi eng yaxshi futbolchisi deb topildi[69].
Liberiyalik qochqin boʻlib tugʻilgan Davies dastlab faqat Liberiya terma jamoasiga kirishi mumkin edi[70][71]. 2017-yil 6-iyun kuni Davies Kanada fuqaroligidan oʻtdi va rasman Kanada fuqaroligini oldi, bu esa Kanada terma jamoasida oʻynash huquqini berdi[23]. Oʻsha kuni Davies Curaçaoga qarshi oʻrtoqlik oʻyini uchun kattalar jamoasi yigʻiniga qoʻshildi[72]. Davies 16 yoshida Curaçaoga qarshi oʻrtoqlik oʻyinida kattalar jamoasi safida debyut qildi va terma jamoada oʻynagan eng yosh futbolchiga aylandi[73]. 27-iyun kuni Davies 2017-yilgi Oltin Kubok uchun 23 kishilik yakuniy tarkibga kiritildi[74]. Kanadaning ushbu turnirdagi birinchi oʻyinida Davies jamoasi bilan Fransiya Gvuianasi ustidan 4:2 hisobida gʻalaba qozonib, ikkita gol urdi. Bu gollar uni Oltin Kubok tarixidagi eng yosh toʻpurarga aylantirdi[75][76]. Keyin u Kosta-Rikaga qarshi ikkinchi oʻyinda gol urdi (1:1)[77]. Davies turnirning eng yaxshi toʻpurari, Turnirning eng yaxshi yosh oʻyinchisi sovrini sifatida Oltin butsani qoʻlga kiritdi va turnirning eng yaxshi 11talik tarkibiga kiritildi[78].
2019-yil 30-may kuni Davies 2019-yilgi CONCACAF Oltin Kubogi uchun tarkibga kiritildi[79]. Davies 2019-yil 7- va 10-sentyabr kunlari Kubaga qarshi CONCACAF Millatlar ligasi A 2019-20 juftlik oʻyinlariga chaqirilgan edi. Ikkinchi oʻyinda Davies hal qiluvchi golni urdi va Kanada 1:0 hisobidagi gʻalabaga erishdi[80].
2021-yil iyul oyida Davies 2021-yilgi Millatlar ligasi 2022-23 CONCACAF Millatlar ligasi Oltin kubogi uchun Kanada terma jamoasiga tanlandi[81], biroq u 9-iyul kuni, Kanadaning turnirdagi ochilish oʻyiniga ikki kun qolganda toʻpigʻidan jarohat oldi, bu esa uni musobaqadan chetlashishiga sabab boʻldi[82]. Davies CONCACAF Millatlar ligasining 2022-23-yilgi mavsumi uchun Kanada terma jamoasiga kiritildi[83].
Garchi asosan chap qanotda hujumkor qanot himoyachisi sifatida oʻynasa-da, Davies oʻzining tezkor tezligi, driblingi, kreativligi va toʻp uzatish qobiliyati tufayli qanot himoyachisi, chap yarim himoyachi yoki qanot himoyachisi sifatida oʻynashga qodir. OAVda juda istiqbolli yosh futbolchi sanaladi[20][84].
Davies 2017-yilning sentyabr oyidan boshlab Paris Saint-Germain va Kanada ayollar terma jamoasi hujumchisi kanadalik Jordyn Huitema bilan ishqiy munosabatda edi[85]. 2019-yil sentyabrida u Parijdagi Huitemaga tashrif buyurganidan keyin Bayern mashgʻulotlariga kechikib kelgani uchun 20 000 evro miqdorida jarimaga tortildi[86]. 2020-yilning iyuniga kelib fransuz matbuoti Daviesning Bayernning ayollar jamoasi bilan Huitema bilan shartnoma imzolashdan manfaatdor boʻlishi mumkinligidan xabardor edi[87]. 2022-yil 22-may kuni Davies ijtimoiy tarmoqlarda Huitema bilan ajrashganini tasdiqladi[88].
Davies NHLning Edmonton Oilers muxlisi[89].
Jamoa | Mavsum | Liga | Milliy kubogi[lower-alpha 1] | Qitʼa | Boshqa | Jami | ||||||
---|---|---|---|---|---|---|---|---|---|---|---|---|
Liga | Ishtirok | Gollar | Ishtirok | Gollar | Ishtirok | Gollar | Ishtirok | Gollar | Ishtirok | Gollar | ||
Whitecaps FC 2 | 2016 | USL | 11 | 2 | — | — | 0 | 0 | 11 | 2 | ||
Vancouver Whitecaps FC | 2016 | MLS | 8 | 0 | 4 | 0 | 3[lower-alpha 2] | 1 | — | 15 | 1 | |
2017 | MLS | 26 | 0 | 2 | 2 | 4[lower-alpha 2] | 1 | 1[lower-alpha 3] | 0 | 33 | 3 | |
2018 | MLS | 31 | 8 | 2 | 0 | — | — | 33 | 8 | |||
Jami | 65 | 8 | 8 | 2 | 7 | 2 | 1 | 0 | 81 | 12 | ||
Bayern Munich II | 2018-19 | Regionalliga Bayern | 3 | 0 | — | — | 2[lower-alpha 4] | 0 | 5 | 0 | ||
2019-20 | 3. Liga | 3 | 0 | — | — | — | 3 | 0 | ||||
Jami | 6 | 0 | — | — | 2 | 0 | 8 | 0 | ||||
Bayern Munich | 2018-19 | Bundesliga | 6 | 1 | 0 | 0 | 0 | 0 | — | 6 | 1 | |
2019–20 | Bundesliga | 29 | 3 | 5 | 0 | 8[lower-alpha 5] | 0 | 1[lower-alpha 6] | 0 | 43 | 3 | |
2020–21 | Bundesliga | 23 | 1 | 2 | 0 | 6[lower-alpha 5] | 0 | 4[lower-alpha 7] | 0 | 35 | 1 | |
2021–22 | Bundesliga | 22 | 0 | 1 | 0 | 7[lower-alpha 5] | 0 | 1[lower-alpha 6] | 0 | 31 | 0 | |
Jami | 80 | 5 | 8 | 0 | 21 | 0 | 6 | 0 | 115 | 5 | ||
Jami faoliyati | 162 | 15 | 16 | 2 | 28 | 2 | 9 | 0 | 215 | 19 |
Kanada | ||
---|---|---|
Yil | Ishtirok | Gollar |
2017 | 6 | 3 |
2018 | 3 | 0 |
2019 | 8 | 2 |
2021 | 13 | 5 |
2022 | 2 | 2 |
Jami | 32 | 12 |
Yoʻq. | Sana | Joy | Raqib | Hisob | Natija | Musobaqa |
---|---|---|---|---|---|---|
1 | 2017-yil 7-iyul | Red Bull Arena, Harrison, AQSH | Fransuz Gvianasi | 3 — 0 | 4-2 | 2017 CONCACAF Oltin Kubogi |
2 | 4 — 2 | |||||
3 | 2017-yil 11-iyul | BBVA Compass Stadium, Huston, Amerika Qoʻshma Shtatlari | ![]() |
1 — 0 | 1-1 | 2017 CONCACAF Oltin Kubogi |
4 | 2019-yil 10-sentyabr | Truman Bodden sport majmuasi, George Town, Kayman orollari | ![]() |
1 — 0 | 1-0 | 2019-20 CONCACAF Millatlar ligasi A |
5 | 2019-yil 15-oktyabr | BMO Field, Toronto, Kanada | ![]() |
1 — 0 | 2-0 | 2019-20 CONCACAF Millatlar ligasi A |
6 | 29-mart, 2021-yil | IMG Akademiyasi, Bradenton, Amerika Qoʻshma Shtatlari | ![]() |
4 — 0 | 11-0 | 2022 FIFA Jahon chempionati saralashi |
7 | 9 — 0 | |||||
8 | 2021-yil 5-iyun | IMG Akademiyasi, Bradenton, Amerika Qoʻshma Shtatlari | ![]() |
5 — 0 | 7-0 | 2022 FIFA Jahon chempionati saralashi |
9 | 2021-yil 8-iyun | SeatGeek stadioni, Bridgeview, AQSH | ![]() |
1 — 0 | 4-0 | 2022 FIFA Jahon chempionati saralashi |
10 | 2021-yil 13-oktyabr | BMO Field, Toronto, Kanada | ![]() |
2 — 1 | 4-1 | 2022 FIFA Jahon chempionati saralashi |
11 | 2022-yil 9-iyun | BC Place, Vancouver, Kanada | ![]() |
1 — 0 | 4-0 | 2022-23 CONCACAF Millatlar ligasi A |
12 | 3 — 0 |
Individual
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.