![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Shodimulk_oqo_maqbarasi2.jpg/640px-Shodimulk_oqo_maqbarasi2.jpg&w=640&q=50)
Turkan ogʻo maqbarasi
Samarqanddagi Shohi Zinda majmuasiga kiruvchi maqbara / From Wikipedia, the free encyclopedia
Turkan ogʻo maqbarasi, Shodimulk ogʻo maqbarasi – Samarqanddagi meʼmoriy yodgorlik (1372). Shohizinda ansambli tarkibida. Amir Temurning opasi Turkan ogʻo vafot etgan qizi Shodimulk ogʻo (1370—71)ga atab qurdirgan[1]. 1383-yilda Turkan ogʻoning oʻzi ham qizi yoniga dafn etilgan. Maqbara (8,65x9,85 m) bir xonali, gumbazi qobirgʻali, tashqi tomonlari bezaksiz. Peshtogʻi va ichki tomoni sirkori gʻishtchalar, oʻymakor sirli parchin bezaklari feruza rangda nafis bezatilgan. Ichkarisidagi izora va namoyonlari, gumbazi serhasham bezaklarga boy. Shipi 8 boʻlakka boʻlinib, 8 qirrali yulduzchalar ichi naqshlar bilan toʻldirilgan va har biriga alohida turunj ishlangan. Mukarnaslar yuzasi va peshtoq ustunida samarqandlik Shamsiddin, Badriddin va buxorolik Zayniddin ustalarning nomlari yozilgan. Maqbara 1954-yilda ilmiy oʻrganilib, taʼmirlash ishlari olib borilgan. Maqbarada XIV—XV-asrlardagi xalq ustalarining meʼmorlik va naqqoshlikda erishgan yutuklari yuksak mahorat ila aks etgan.
Turkan ogʻo maqbarasi | |
---|---|
![]() Turkan ogʻo maqbarasining (Shodimulk ogʻo) kirish qismi | |
Umumiy maʼlumot | |
Maqomi | YuNESKOning Butunjahon merosi obyekti № 603 |
Turi | Maqbara |
Meʼmoriy uslubi | Markaziy Osiyo meʼmorchiligi |
Joylashuvi | Samarqand, Oʻzbekiston |
Manzili | Shohi Zinda koʻchasi 1-uy |
Texnik holati | |
Material | Pishiq gʻisht |
Dizayn va konstruksiya | |
Meʼmor | Usta Zayniddin va Bahriddin |