Amerika horror janridagi filmlar seriyasi From Wikipedia, the free encyclopedia
Sokin hudud eshitish qobiliyati kuchli boʻlgan koʻrmaydigan oʻzga sayyoralik mavjudotlarning yerga bosqiniga asoslangan horror janridagi apokaliptik va post-apokaliptik mediafranshiza. John Krasinski tomonidan 2018-yilda franshizaning ilk qismi Sokin hudud hamda 2020-yilda Sokin hudud 2 filmlari suratga olingan. Lekin 2024-yilning 28-iyunda ekranlarga chiqqan hamda filmdagi voqealardan uzoqroq hududda sodir boʻladigan hodisalarni oʻz ichiga olgan Sokin hudud: Birinchi kun nomli qismiga Michael Sarnoski rejissyorlik qilgan.
Sokin hudud | |
---|---|
![]() Franshizaning rasmiy logosi | |
Muallif(lar) |
Bryan Woods Scott Beck |
Birinchi asar | Sokin hudud (2018) |
Filmlar va teleseriallar | |
Film(lar) |
Sokin hudud (2018) Sokin hudud 2 (2020) Sokin hudud: Birinchi kun (2024) |
Oʻyinlar | |
Videooʻyin(lar) | A Quiet Place: The Road Ahead (2024) |
Boshqa | |
Egasi | Paramount Pictures |
Franshizaning Sokin hudud 3 nomli uchinchi qismi Krasinski boshchiligida suratga olinmoqda. Franshizaning filmlardan tashqari 2024-yilda Saber Interactive bilan hamkorlikda chiqariladigan A Quiet Place: The Road Ahead nomli videooʻyini ham mavjud.
Film | AQShdagi namoyish sanasi | Rejissyor | Ssenariy muallif(lar)i | Hikoya muallif(lar)i | Prodyuser |
---|---|---|---|---|---|
Sokin hudud | 6-aprel, 2018-yil | John Krasinski | Scott Beck & Bryan Woods va John Krasinski |
Scott Beck va Bryan Woods | Brad Fuller, Andrew Form va Michael Bay |
Sokin hudud 2 | 8-mart, 2020-yil | John Krasinski | Brad Fuller, Andrew Form, Michael Bay va John Krasinski | ||
Sokin hudud: Birinchi kun | 28-iyun, 2024-yil | Michael Sarnoski | John Krasinski va Michael Sarnoski |
Syujet voqealari eshitish qobiliyati yuqori boʻlgan koʻr yirtqich maxluqlar yashaydigan post-apokaliptik dunyoda omon qolish va farzandlarini tarbiyalash uchun kurashayotgan ona (Emily Blunt) va ota (Krasinski) atrofida sodir boʻladi.
Bu qism birinchi filmning davomi hisoblanib, bunda ham oila omon qolish uchun turli yoʻllarni izlab topishadi. Cillian Murphy va Djimon Hounsou ushbu qismning asosiy roldagi qahramonlari qatoriga qoʻshilishadi.
2020-yil noyabr oyida John Krasinski ssenariysi asosida yozuvchi/rejissyor sifatida faoliyat olib boradigan Jeff Nichols spin-off prequel film ishlab chiqilayotganini eʼlon qildi. Ushbu loyihaga Platinum Dunes hamda Sunday Night Production hamkorlik qilib, Michael Bay, Andrew Form, Brad Fuller va Krasinskilar prodyuserlik qilishgan[1][2][3]. 2021-yil may oyida Krasinski Nicholning ssenariysi yakunlanganini va studiyaga topshirilganini eʼlon qildi. Oktyabrga kelib, Nichols ijodiy tafovutlar sababli direktorlik lavozimidan ketishiga toʻgʻri keldi[4]. 2022-yil yanvar oyida Michael Sarnoski loyihaga rejissyor va ssenariy muallifi sifatida shartnoma imzoladi[5].[6][7]. 2022-yil aprel oyida CinamCon kinoteatrida film nomi rasman „Sokin hudud: Birinchi kun“ deb eʼlon qilindi[8][9][10]. Suratga olish ishlari esa 2023-yil 2-yanvarda Londonda boshlangan[11].
Film 2024-yil 28-iyunda premyera qilingan[12].
Sokin hudud 3 (TBA)
2021-yil may oyida Blunt Krasinski „Sokin hudud“ filmining uchinchi va oxirgi qismi uchun rejalari borligini maʼlum qildi. Navbatdagi qismga oʻtishdan avval u filmning ikkinchi qismi tomoshabinlar tomonidan qanday qabul qilinishini koʻrmoqchi boʻlgan va film trilogiya boʻlishini taʼkidlagan[13]. Iyul oyida Blunt Krasinski yana bir bor rejissyorlik qilish niyatida, uchinchi va oxirgi qism ustida ishlayotganini tasdiqladi[14]. 2022-yil fevral oyida Sokin hudud 3 filmining chiqishi rasman eʼlon qilingan va 2025-yilda ommaga taqdim etilishi rejalashtirilgan edi[15]. Biroq, 2024-yil fevral oyida filmning premyera sanasi belgilanmaganligi eʼlon qilindi[16].
Scott Beck va Bryan Woods kollejda oʻqib yurgan paytlarida A Quiet Place nomli hikoya yozadilar[17][18]. Platinum Dunes bilan ushbu hikoya haqidagi ilk suhbatda, ikkisi ham ona roli uchun Emily Bluntni asosiy nomzod qilib koʻrsatadilar[19]. Platinum Dunes vakili Michael Bay Paramount Pictures bilan ilk kelishuvga erishadi va ssenariyni oʻzi sotib olgan studiyaga joʻnatadi[20][17]. Platinum Dunes prodyuserlari ssenariyni ota roli uchun nomzod boʻlgan Krasinskiga joʻnatishadi[21][22]. Ota-onaning farzandlarini himoya qilish gʻoyasi Krasinskiga yoqadi[23][22]. Ssenariyni oʻqib boʻlgach, oʻz fikrlariini Bluntga aytdi hamda u suratga olish ishlari uchun boshqaruvni taklif qildi[24][25]. Krasinski ssenariyni qayta yozayotganida, ona roli uchun Bluntni taklif qilishni oʻylagan, biroq uning yaqinda farzandli boʻlgani, boshqa filmda rol oʻynayotgani, uning taklifiga rozilik berishi yoki bermasligi haqida oʻylab, bu haqida u bilan gaplashmagan[24][22]. „Men shunchaki, agar u bunga rozilik bersa, bu rolni yaxshi oʻynay oladi deb oʻyladim“, - deydi Krasinski. Emily Blunt dastlab filmda rol oʻynashga rozilik bermaydi, lekin samolyotda Krasinskining ssenariysini oʻqiganidan keyin, „ichidagi eng kuchli qoʻrquv — farzandlarimni himoya qila olmaslik“ hissi tufayli rolni gavdalantirishga rozilik beradi. Krasinski ssenariyni yakunlagandan soʻng, Paramount Picturesga film haqida oʻzining fikrlarini bildirdi[25][24][21][22].
Beck va Woodsning taʼkidlashicha, Krasinski filmni rejissyor sifatida oʻz zimmasiga olishi „ssenariyni tubdab oʻzgartirish emas“ balki „ularning hikoyalaridagi qarashlarini qoʻllab-quvvatlagan“ edi[18]. Krasinski shunday degan edi: „Ssenariy ularnikidan baʼzi detallari bilan farq qiladi, biroq asosiy mohiyat ularniki boʻlgan. Ularning hikoyasida men judaham boʻlishni xohlagan bir jihat bor edi“[24]. Krasinski hikoyaning markazida oila turishini xohladi va shunday deydi: „Har bir qoʻrquv bu oilani yaxshi koʻrishga undashi, har bir kichik detal shunchaki yaxshi yoki qoʻrqinchli boʻlishi emas, balki ushbu oilaga undashi kerak“. Uning ssenariyga qoʻshgan hissasi imo-ishora tilidan foydalanish, qum yoʻlaklar, chiroqlar osti, oʻrmon va dorixonada yurishni oʻz ichiga oladi[24][22]. Imo-ishora tili gʻoyasi suratga olishdan oldin kar aktrisa Simmonds Krasinskiga sahna dialogi uchun Amerika imo-ishora tili qoʻllanmasini koʻrsatganida paydo boʻldi va u aktrisaning imo-ishoralarini „bu soʻzlarni aytishdan koʻra kinematikroq“ deb topdi[26]. Emily Blunt filmni ishlab chiqarishdan oldingi bosqichiga hissa qoʻshdi[23][24]. Blunt oʻz gʻoyalarini ilgari surib, ikkalasi ssenariy ustida birga ishlashdi va film ishlab chiqarilishidan oldin uning kadrlarini muhokama qilishdi[24][23][26].
Film 17 million dollarlik byudjet bilan ishlab chiqarilgan va 36 kun ichida suratga olingan[27][26]. Suratga olish ishlari 2017-yilning may oyidan noyabrigacha Nyu-York shahrining yuqori qismidagi Dutchess va Ulster okruglarida amalga oshirilgan. Suratga olish paytida guruh shovqin qilishdan qochdi[28]. Musiqiy partitura filmda ustunlik qilmasdan, balki tomoshabinlarga yanada tanish kino tarjibasini taqdim etish maqsadida ishlatilgan, shuning uchun ular oʻzlarini „sukunat tarjibasi“ning bir qismi kabi his qilmadilar[28]. Aadahl va Van der Ryn mavjudotlarning hatti-harakatlari uchun hayvonlarning exolokatsiyasidan, masalan, koʻrshaparaklardan ilhomlanib yaratganliklarini taʼkidlashdi. Ovoz muharrirlari odatda chetlab oʻtadigan fikr-mulohaza ovozi hikoyaga tomoshabinlarni ortiqcha bezovta qilmydigan tembrda yaratilgan[29].
Film ijodkorlari kar Douglas Ridloffni aktyorlarga Amerika imo-ishora tilini oʻrgatish va tuzatishlar kiritish uchun yollashdi. Shuningdek, ular Simmonds uchun ham Amerika imo-ishora tili tarjimonini yollashdi, shu yoʻl boilan ular aktrisaning harakatlarini tarjima qilish va unga soʻzlarni tushuntirishga imkoniyat yaratgan[30]. Shuningdek, Simmonds boshqa aktyor va aktrisalarga imo-ishora tilini oʻrganishiga ordam berdi[31][32][33]. Prodyuserlar Andrew Form va Bradley Fullerlar dastlab imo-ishora tili uchun subtitrlarni shart emas deb hisoblashgan va faqat „ kontekst koʻrsatmalarini“ taqdim etishlarini aytishgan, lekin ota va kar va soqov qizning takomillashtirilgan eshitish moslamasi ustidagi bahsi uchun subtitrlar zarurligini tushunishgan. Shundan keyin ular filmdagi barcha imo-ishora tili mavjud boʻlgan dialoglarga subtitrni qoʻshib qoʻyishgan[34].
2018-yil aprel oyida Paramount Pictures rahbari va bosh direktori Jim Gianopulos filmning davomi ishlab chiqilayotganini eʼlon qildi[35]. Krasinski birinchi filmdan keyin uni bir qismli film deb aytgan. Filmining davomi bunday muvaffaqiyat qozonishiga ishonmay Krasinski avvaliga boshqa rejissyor topishni taklif qilgan[35]. Birinchi film ssenariy mualliflari Scott Beck va Brian Woods filmning davomi uchun qaytishmadi. Woods franchayzing yondashuviga qiziqmasliklarini va ular „asl gʻoyalar yaratishga“ harakat qilishlarini hamda yozmalarini „bir nechta loyihalarni ilgari surish imkoniyati sifatida“ ishlatishlarini taʼkidladi[36]. Beck esa shunday degan: „Oʻz-oʻzidan davomiy filmlarga eʼtibor qaratish oʻrniga, bu katta bozorda asl gʻoyalar ekotizimiga sarmoya kiritish kerak“[37].
Krasinskining soʻzlariga koʻra, Paramount Pictures boshqa qator ssenaristlar va rejissyorlarning franchayzingga yoʻnaltirilgan takliflarini rad etgan[38]. U shunday deydi: „Menda Millie (Simmonds)ni filmning asosiy qahramoni qilish haqida gʻoya bor edi… Unig xarakteri birinchi filmda men muhokama qilgan barcha mavzular uchun eshiklarni ochdi“[39]. Studiya Krasinskiga gʻoyasi asosida ssenariy yozishni taklif qildi[38]. U ssenariyni yozish va rejissyorlik qilishga qaror qildi[40]. Birinchi filmdagi rol ijrochilari Emily Blunt, Millicent Simmonds va Noah Jupe oʻz rollarini yana bir bor ijro etishdi, Cillian Murphy hamda Djimon Hounsoular esa aktyorlar safiga qoʻshilishdi[41][42][43].
Suratga olish ishlari 2019-yilning iyun oyidan sentyabr oyining oxirigacha Nyu-Yorkda boʻlib oʻtdi[44][45][46].
„Sokin hudud“ filmining premyerasi 2018-yil 9-mart kuni South by Southwestda boʻlib oʻtdi va Paramount Pictures tomonidan 2018-yil 6-aprelda Amerika Qoʻshma Shtatlarida namoyish etildi[47]. Film butun dunyo boʻylab 340 million dollardan koʻproq daromad keltirdi va atmosferasi, rejissyorligi, aktyorlarning roli va ovoz dizayni uchun tanqidchilar tomonidan olqishlandi[48]. Film „smart, wickedly frightening good time“ deb taʼriflangan hamda National Board of Review va Americna Film Institute tomonidan 2018-yilning eng yaxshi 10 ta filmining biri sifatida tanlab olingan[49].
2020-yil 8-mart kuni Nyu-York shahridagi Linkoln markazida „Sokin hudud 2“ filmining premyerasi boʻlib oʻtdi[50]. Paramount Pictures kinoteatrlarda namoyish qilish sanasini dastlab 2020-yill 20-martga rejalashtirgan, ammo COVID-19 pandemiyasi tufayli uni 2020-yil 4-sentyabrga koʻchirishgan[51][52]. Keyinchalik filmning kinoteatrlardagi premyerasi yana 2021-yil 23-aprelga koʻchirildi[53]. U yana 2021-yil 17-sentyabrga ham qoldirildi va oxirida film 2021-yilning 28-mayiga koʻchirildi[54][55].
Film | Umumiy daromad | Byudjet | |||
---|---|---|---|---|---|
Shimoliy Amerika | Boshqa hududlar | Dunyo miqyosida | |||
Sokin hudud | $188,024,361 | $152,928,610 | $340,955,294 | 17 million dollar | [63][64] |
Sokin hudud 2 | $160,072,261 | $137,300,000 | $297,372,261 | 61 million dollar | [65][66] |
Sokin hudud: Birinchi kun | $135,656,796 | $119,500,000 | $255,156,796 | 67 million dollar | [67][68] |
Umumiy | $ 483,753,418 | $ 409,728,610 | $ 893,484,351 | million dollar 145 |
Personajlar | ||||
---|---|---|---|---|
Sokin hudud | Sokin hudud 2 | Sokin hudud: Birinchi kun | ||
2018 | 2020 | 2024 | ||
Evelyn Abbott | Emily Blunt | |||
Regan Abbott | Millicent Simmonds | |||
Marcus Abbott | Noah Jupe | |||
Lee Abbott | John Krasinski | |||
Beau Abbott | Cade Woodward | Dean Woodward | ||
Man in the Woods | Leon Russom | |||
Emmett | Cillian Murphy | |||
Henri | Djimon Hounsou[69] | |||
Marina Man | Scoot McNairy | |||
Roger | Wayne Duvall | |||
Ronnie | Okieriete Onaodowan | |||
Samira „Sam“[70] | Lupita Nyong'o[71] | |||
Eric[70] | Joseph Quinn[72] | |||
Reuben | Alex Wolff[73] | |||
Zena | Eliane Umuhire | |||
Frodo[70] | Nico—Schnitzel[74] |
Guruh/Detallar | Filmlar | ||
---|---|---|---|
Sokin hudud | Sokin hudud 2 | Sokin hudud: Birinchi kun | |
2018 | 2020 | 2024 | |
Kinematograf | Charlotte Bruus Christensen | Polly Morgan | Pat Scola |
Muharrir | Christopher Tellefsen | Michael P. Shawver | Andrew Mondshein Gregory Plotkin |
Bastakor | Marco Beltrami | Alexis Grapsas | |
Ishlab chiqaruvchi kompaniya | Platinum Dunes Sunday Night Productions | ||
Distribyutor | Paramount Pictures | ||
Namoyish sanasi | 6-aprel, 2018-yil | 8-mart, 2020-yil | 28-iyun, 2024-yil |
Davomiyligi | 90 daqiqa | 97 daqiqa | 99 daqiqa |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.