Kanzas

Kanzas — AQShning markaziy qismidagi shtat. Maydon 213,1 ming km². Aholisi 2,68 mln. kishi (2000). Maʼmuriy markazi — Topika shahar. Sanoat markazlari — Kanzas-Siti va Uichito shaharlari. Yer yuzasi toʻlqinsimon tekislik, Qoyali togʻlardan Missuri daryosiga tomon qiyalanib boradi. Markaziy qismida Smoki-Xils, Blu-Xils tepaliklari (balandligi 862 m gacha) bor. Iqlimi moʻtadil kontinental iklim (oʻrtacha oylik temperaturaalar —3° dan 26° gacha). Yillik yogin 550–950 mm, yozi qurgʻoqchil. Asosiy daryolari — Kanzas va Arkanzas (yilning koʻp qismida kamsuv). Kanzas — AQShning qishloq xoʻjaligi rivojlangan shtatlaridan. Qishloq xoʻjaligida 2/3 tovar mahsulotini chorvachilik, asosan, goʻsht chorvachiligi beradi. Dehqonchilikda joʻxori (sorgo) va kuzgi bugʻdoy yetishtiriladi. Mamlakatda bugʻdoy hosili boʻyicha birinchi, qoramol soni boʻyicha 4-oʻrinda. Oziq-ovqat (goʻsht-konserva, un tortish, yem ishlab chiqarish.) sanoati rivojlangan. Aviatsiya, avtomobilsozlik, qishloq xoʻjaligi mashinasozligi, neftni qayta ishlash, kimyo sanoati korxonalari bor. Neft, tabiiy gaz, geliy (AQShda 1-oʻrinda) olinadi.

Kanzas Kansas
Shtat
Kanzas bayrogʻi Kanzas tamgʻasi
Shtat laqabi: Kungaboqar shtati (Sunflower State)
Mamlakat	AQSh
Poytaxt	Topeka
Eng yirik shaharlar	Wichita Overland Park Kansas City
Maydon    • Butun    • % suv	AQSh: 15-oʻrinda 213,096 km² 0.56 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 33-oʻrinda 2,744,687 12.69 kishi/km² 4 6
YIM    • YIM    • YIM/kishi	AQSh: 32-oʻrinda $98,946 million $36,195
Ittifoqqa kirish    • Sana	34-boʻlib 29 yanvar 1861
Vaqt	UTC-6 (CST) / -7 (MST)
Qisqartma	KS [20]
Shtat guli	Sunflower (Helianthus annuus)
Shtat daraxti	Cottonwood (Populus deltoides)

Bu atamaning boshqa maʼnolari ham mavjud. Qarang: Kanzas (maʼnolari).

Kanzas hududini yevropaliklar egallagunga qadar, u yerda indeys qabilalari yashagan. Yevropaliklar Kanzasga il k bor 1541 yilda kelgan. 1803 yildan AQSH bu shtatni Luiziana tarkibida Fransiyadan sotib olgan. 1854 yilda AQShga qarashli hudud maqomi berildi.^[1]

Manbalar

1. OʻzME. Birinchi jild. Toshkent, 2000-yil