ہندیات
ہندوستان کی تاریخ اور ثقافتوں، زبانوں اور ادب کا علمی مطالعہ / From Wikipedia, the free encyclopedia
ہندیات یا جنوب ایشیائی مطالعات تایخ، ثقافتوں، زبانوں اور ادب کا تعلیمی مطالعہ ہے اور یہ ایشیائی مطالعات کی ذیلی شاخ ہے۔ [1][2]
ہندیات کے لیے انگریزی زبان کا متبادل لفظ انڈیالوجی (Indology) ہے، جسے جرمن زبان میں اس کے مخصوص انداز کے حساب سے Indologie لکھا جاتا ہے۔ چوں کہ تحقیقی شعبے میں کافی کام جرمنی کے شہریوں نے کیا ہے، اس وجہ سے ان اصحاب کا یہاں خاص تذکرہ کیا جاتا ہے۔ اسے زیادہ معروف طور پر جرمن اور پورپ کے بر اعظم کی جامعات میں استعمال کیا جاتا ہے۔
نیدرلینڈز میں یہ اصطلاح Indologie کے طور پر معروف ہے، تاہم اس کا استعمال انڈونیشیا کی تاریخ اور ثقافت کے لیے ہوتا ہے جو ڈچ ایسٹ انڈیز کی استعماری خدمات کی تیاری کے لیے درکار تھی۔
بطور خاص ہندیات میں سنسکرت ادب اور ہندو مت کا مطالعہ دیگر بھارتی مذاہب، جین مت، بدھ مت، پالی زبان کا ادب اور سکھ مت شامل ہیں۔ اس کی ایک شاخ دراوڑیات ہے جو جنوبی بھارت کی دراوڑی زبانوں کے مطالعے کے لیے ہے۔
کچھ محققین کلاسیکی ہندیات کو جدید ہندیات سے مختلف بتاتے ہیں۔ ان کے مطابق اول الذکر سنسکرت اور قدیم زبانوں کے ماًخذ کے مطالعے پر مرکوز ہے، جب کہ ثانی الذکر معاصر بھارت اور اس کی سیاست اور عمرانیات کا مطالعہ کرتی ہے۔