![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/17/Distribution_of_Gurjars_within_South_Asia.jpg/640px-Distribution_of_Gurjars_within_South_Asia.jpg&w=640&q=50)
گجر
گرجارا قوم کی تاریخ / From Wikipedia, the free encyclopedia
گُرجر ،گُجر، گُوجر (سنسکرت: گرجرہ/گرجرا) ہندوستان پاکستان اور افغانستان میں بڑی تعداد میں موجود ہیں اور ان کا ایک بڑا حصہ گوجری زبان بولتاہے ۔ تاریخ کے مستند ذرائع ، آثار قدیمہ اور آرکیالوجیکل سروے آف انڈیا انھیں اس خطے کی سابق حکمران قوم کے طور پر تسلیم کرتے ہیں ۔ انڈیا میں صوبہ گجرات ، پاکستان کے شہر گجرات ، گجرانوالہ ، گجرخان ، گجر گڑھی سمیت ہزاروں مقامات گجر قوم کی اس خطہ میں قدیم موجودگی، ان کی تاریخ اور تہذیب اور حکمرانی کا منہ بولتا ثبوت ہیں ۔[4]
گجر / گُوجر | |
---|---|
![]() جنوبی ایشیا میں گجر آبادی کی تقسیم | |
کل آبادی | |
تقریبا 150 تا 200 ملین | |
گنجان آبادی والے علاقے | |
![]() | 139,300,000+ (10% ملک کی کل آبادی کا)[1] |
![]() | 45,040,000+ (20% ملک کی کل آبادی کا)[1][2] |
![]() | 1,992,000+ (5% ملک کی کل آبادی کا)[3] |
زبانیں | |
گوجری • گجراتی • ہندی • کشمیری • پنجابی • اردو • پشتو • ہریانوی • سندھی • راجستھانی • بلوچی • پہاڑی • بھوجپوری • مراٹھی | |
مذہب | |
ہندو مت ![]() ![]() ![]() | |
متعلقہ نسلی گروہ | |
جاٹ • راجپوت • آہیر اور دیگر ہند آریائی لوگ |
گجر برصغیر میں زمانہ قدیم سے آباد ہیں۔ جن کا ذکر مہابھارت اور ویدوں میں بھی ملتا ہے۔ گجر زمانہ قدیم میں کھشتری اور آریا کے نام سے جانے جاتے تھے۔[1] ان کی بہادری اور شجاعت کی وجہ سے گرجر کا خطاب ملا جس کے معنی دشمن کو نیست و نابود کرنے والا ہے ان کی جسمانی خصوصیات ظاہر کرتی ہیں کہ یہ خالص ہند آریائی نسل سے تعلق رکھتے ہیں۔ یہاں سے یہ قوم دنیا کے دیگر حصوں میں پھیلی۔ یورپ میں گرجستان آباد کیا اور چین میں ریاست کھوٹان اس طرح روس میں چیچنیا اور دیگر کئی ملکوں میں صدیوں تک حکومت کی۔ یورپ سے گجر قوم کے کچھ قبیلے واپس وسطی ایشیا اور جنوبی ایشیا کی طرف پانچویں اور چھٹی صدی عیسوی میں واپس آئے اور یہاں کے مقامی یوچی گجر اور دیگر اقوام سے حکومت چھین لی یہ لوگ سفید ہن گجر کہلاتے تھے اور انھوں نے راجپوتانہ کا بڑا حصہ فتح کر لیا اور کئی صدیوں تک برصغیر کی تاریخ میں اہم کردار ادا کرتے رہے۔ ڈی آر بھنڈارکر نے ثابت کیا ہے کہ سفید ہن گجر شمالی ہند میں 550 عیسوی کے قریب داخل ہوئے تھے۔ ان کا ذکر سب سے پہلے پانا کی کتاب ’ہرش چرت‘ میں آیا ہے۔