From Wikipedia, the free encyclopedia
ملک میں 12 سال سے جاری دہشت گردی پر مؤثر حکمت عملی وضع کرنے کے لیے تمام سیاسی جماعتوں کا اجلاس اسلام آباد میں 9 ستمبر 2013ء کو بلایا گیا۔[1] اخبارات میں اسے آل پارٹیز کانفرنس لکھا گیا جس کا انگریزی مخخف APC بنتا ہے۔ یہ اجلاس نئی منتخب حکومت کی طرف سے وزیر داخلہ چودھری نثار کی کوشش سے ہوا۔[2] اجلاس وزیر اعظم گھر میں منعقد ہوا۔ اجلاس کی صدارت وزیر اعظم نواز شریف نے کی اور اس میں تحریک انصاف کے عمران خان، پیپلز پارٹی کے سید خورشید شاہ، جماعت اسلامی کے منور حسن وغیرہ نے شرکت کی۔ اجلاس کی کارروائی جلدی میں ختم کی گئی کیونکہ بیشتر مندوبین نے اسی شام صدر کی حلف برداری تقریب میں شرکت کرنا تھی۔ اجلاس میں قرارداد منظور کی گئی کہ دہشت گرد چونکہ ملک کے باشندے ہیں اس لیے ان سے مزاکرات کیے جائیں اور مسائل صرف مزاکرات سے حل کیے جاویں۔ دہشت گردوں سے تحریک طالبان پاکستان اور دوسرے دہشت پسند گروہ مراد لی جاتی ہے۔
البتہ اس کے بعد دہشت گردوں نے جو بیرونی ممالک سے پیسے وصول کرتے ہیں نے دہشت کارروائیاں تیز کر دیں۔ فوج کے اعلی عہدے دار کو شہید کیا گیا۔[3] پشاور میں ستمبر کے آخری ہفتہ میں گرجا گھر بمباری، سرکاری ملازمین لاری پر حملہ،[4] اور قصہ خوانی بازار پر حملہ[5] کر کے سینکڑوں افراد قتل کر دیے۔ یوں اجلاس کا اسلام آباد میں جاری اعلامیہ پشاور میں جل کر خاکستر ہو گیا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.