From Wikipedia, the free encyclopedia
جمشید مارکر، ہلال امتیاز (24 نومبر 1922ء – 21 جون 2018ء)، ایک پاکستانی سفیر تھے۔ ان کا قابل ذکر دور 17 ستمبر 1986ء تا 30 جون 1989ء تک تھا جب وہ وزیر اعظم محمد خان جونیجو اور بینظیر بھٹو کے دور میں سفیر برائے ریاست ہائے متحدہ رہے۔ انھوں نے افغانستان سے روس کی بے دخلی کے لیے گفت و شنید کی۔[1] 1995ء سے 2005ء تک، ایکیرڈ کالج، سینٹ پیٹرزبرگ، فلوریڈا میں بین الاقوامی تعلقات میں سفارت کا مضمون پڑھاتے رہے۔ 2003ء میں، مارکر کو صدر پاکستان پرویز مشرف نے ہلال امتیاز عطا کیا۔[2]
جمشید مارکر | |||||||
---|---|---|---|---|---|---|---|
پاکستان کے سفیر برائے اقوام متحدہ | |||||||
مدت منصب ستمبر 1990 – مارچ 1995 | |||||||
وزیر اعظم | بینظیر بھٹو | ||||||
| |||||||
پاکستان کے سفیر برائے ریاست ہائے متحدہ | |||||||
مدت منصب 17 ستمبر 1986 – 30 جون 1989 | |||||||
وزیر اعظم | محمد خان جونیجو | ||||||
| |||||||
معلومات شخصیت | |||||||
پیدائش | 24 نومبر 1922ء کوئٹہ | ||||||
وفات | 21 جون 2018ء (96 سال) کراچی | ||||||
شہریت | ![]() ![]() | ||||||
اولاد | 2 | ||||||
عملی زندگی | |||||||
مادر علمی | فورمن کرسچین کالج | ||||||
پیشہ | سفارت کار | ||||||
پیشہ ورانہ زبان | فرانسیسی | ||||||
عسکری خدمات | |||||||
وفاداری | برطانوی ہند | ||||||
شاخ | ![]() | ||||||
لڑائیاں اور جنگیں | دوسری جنگ عظیم | ||||||
اعزازات | |||||||
درستی - ترمیم ![]() |
جمشید مارکر ایک پاکستانی پارسی خاندان سے تھے۔[3] انھوں نے اپنی ابتدائی تعلیم دون اسکول اور[4][5][6] او فورمن کرسچین کالج، لاہور سے حاصل کی۔[2]ڈیرہ دون، بھارت میں اسکول کی سطح پر ابتدائی دور میں اور بعد میں ایف سی کالج لاہور میں کرکٹ ٹیم کا حصہ رہے۔[2]
جمشید مارکر نے ایک ریدیو پر کرکٹ مبصر کی حیثیت سے کام کیا۔[2][7] پہلی بار باغ جناح، جو لارنس گارڈن کے طور پر جانا جاتا ہے اور لاہور میں واقع ہے وہاں 1954ء میں بھارت کے دورۂ پاکستان کے موقع پر مبصر (کمنٹیٹر) بنے۔[8] انھوں نے عمر قریشی کے ساتھ پہلی بار ریڈیو پاکستان سے کرکٹ پر تبصرہ کیا۔[9]
اپریل 1965ء تک وہ اپنے خاندانی کام سے منسلک رہے، اس کے بعد ان کو پاکستان کا ہائی کمشنر برائے گھانا، اس کے ساتھ ساتھ وہ جمہوریہ گنی اور مالی سے بھی ایکریڈیشن کرتے رہے۔[10] اس کے بعد انھوں نے رومانیہ، سوویت اتحاد تین سال کے لیے، کینیڈا، مشرقی جرمنی، جاپان، اقوام متحدہ کے جنیوا دفتر، مغربی جرمنی، فرانس، ریاستہائے متحدہ امریکا اور آخر کار اقوام متحدہ، نیو یارک شہر میں میں پاکستان کی نمائندگی کی۔[2][10] مارکر نے تیس سال تک مسلسل پاکستان کے سفیر کے طور پر خدمات انجام دیں، وہ انیس ممالک میں پاکستان کے سفیر رہے۔[11]
1986ء میں ریاست ہائے متحدہ امریکا میں سفیر لگائے گئے، جہاں پر انھوں نے افغانستان سے روسی انخلا کے لیے معاونت کی۔[1]1999ء میں انھوں نے اقوام متحدہ کے سیکرٹری جنرل کوفی عنان کے خصوصی نمائندہ کے طور پر مشرقی تیمور میں خدمات سر انجام دیں۔[12] عنان کو رپورٹ کیا گیا کہ مذاکرات میں فریقین نے مارکر کی "ہمدردی" کی حوصلہ شکنی کی ہے۔[13]
از 1995ء تا 2005ء تک، مارکر نے ایکیرڈ کالج، سینٹ پیٹرزبرگ، فلوریڈا، امریکا میں "بین الاقوامی تعلقات میں سفارت کاری" پڑھایا۔[13]
ستمبر 2004ء میں، پاکستانی وزیر اعظم شوکت عزیز نے طویل ترین سفارت کاری خدمات سر انجام دینے والا قرار دیا۔[14]
جون 2011ء میں، جمشید مارکر کو فورمن کرسچیں کالج یونیورسٹی، لاہور، 2011–12ء میں عطائے اسناد کے جلے میں اعزازی ڈاکٹریٹ کی سند عطا کی۔[15] جمشید مارکر کو ہلال امتیاز کا اعزاز صدر پاکستان پرویز مشرف نے عطا کیا۔[2]
جمشید مارکر نے ارناز منوالا سے شادی کی۔[14][16] ان کی پہلی شادی دیانا فریدون دنشاہ سے ہوئی جو 1979ء میں وفات پا گئیں تھیں، فریدون دنشاہ سے ان کی دو بیٹیاں، نیلوفر اور فیروزہ۔[17]
مارکن نے 21 جون 2018ء کراچی میں 95 سال کی عمر میں وفات پائی۔[2][10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.