From Wikipedia, the free encyclopedia
بیعت عقبہ اولیٰ یہ بیعت12 نبوی میں ہوئی جس میں 12 آدمیوں نے بیعت کی۔
مکہ اور طائف کے مشرکوں نے رسول اللہ ﷺ کو دل برداشتہ کر دیا تو اللہ نے تبلیغ اسلام کا ایک نیا باب کھول دیا۔ یثرب سے ہر سال لوگ حج کرنے مکہ آیا کرتے تھے۔ حضور اکرم نے ان کے سامنے اسلام پیش کیا۔ وہ یہودیوں سے ایک نئے نبی کے آنے کی پیشن گوئیاں سنتے رہتے تھے۔ انھیں یقین ہو گیا کہ یہ وہی رسول ہیں۔ قبیلہ خزرج کے چھ آدمی مسلمان ہو گئے۔ انھوں نے واپس جاکر اسلام کا پیغام دوسرے لوگوں تک پہنچایا۔ اگلے سال حج کے موقعے پر یثرب کے بارہ آدمیوں نے حضور کے ہاتھ پرمنیٰ کی اسی گھاٹی میں چھپ کر بیعت کی۔ یہ 12 نبوی کا واقعہ ہے۔ بیعت اس جگہ لی گئی جہاں اب مسجد عقبہ ( یہ وہ مسجد ہے جو منی کے قریب اس جگہ کی طرف منسوب ہے جہاں بیعت عقبہ ہوئی تھی) ہے۔ اسے بیعت عقبہ اولی کہتے ہیں۔ اس کے بعد حضور نے مصعب بن عمیر کو مسلمانوں کے ساتھ تبلیغ اسلام کے لیے مدینہ روانہ کیا۔
وہ مدینہ میں حضرت اسعد بن زرارہ رضی اﷲ تعالیٰ عنہ کے مکان پر ٹھہرے اور انصار کے ایک ایک گھر میں جا جا کر اسلام کی تبلیغ کرنے لگے اور روزانہ ایک دو نئے آدمی آغوش اسلام میں آنے لگے۔ یہاں تک کہ رفتہ رفتہ مدینہ سے قباء تک گھر گھر اسلام پھیل گیا۔
قبیلۂ اوس کے سردار سعد بن معاذ بہت ہی بہادر اور بااثر شخص تھے۔ مصعب بن عمیر نے جب ان کے سامنے اسلام کی دعوت پیش کی تو انھوں نے پہلے تو اسلام سے نفرت و بیزاری ظاہر کی مگر جب مصعب بن عمیر نے ان کو قرآنِ مجید پڑھ کر سنایا تو ایک دم اُن کا دل پسیج گیا اور اس قدر متاثر ہوئے کہ سعادتِ ایمان سے سرفراز ہو گئے۔ ان کے مسلمان ہوتے ہی ان کا قبیلہ اوس بھی دامنِ اسلام میں آ گیا۔[1]
بیعت عقبہ میں شامل 5 افراد اس بیعت میں بھی شامل تھے
7 نئے افراد شامل ہوئے ان سات شامل افرادکے نام یہ ہیں
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.