طائف

طائف (عربی: الطائف) سعودی عرب کے صوبہ مکہ کا ایک شہر ہے جو مکۃ المکرمہ کے نزدیک واقع ہے۔ یہ سطح سمندر سے 1,700 میٹر (5,600 فٹ) کی بلندی پر واقع ہے۔ طائف کا موسم خوشگوار ہے اس لیے سعودی حکومت کے بیشتر عمال گرمیوں میں طائف منتقل ہو جاتے ہیں۔ اس کی آبادی ساڑھے پانچ لاکھ کے قریب ہے۔ اس کے انگور اور شہد مشہور ہے۔ اس شہر کا تذکرہ اسلامی تاریخ میں بھی آتا ہے۔ حضرت محمد صلی اللہ علیہ و آلہ وسلم نے تبلیغ کے لیے طائف کا سفر کیا تھا لیکن طائف کے لوگوں نے ان سے برا سلوک کیا اور پتھر برسائے یہاں تک کہ آپ صلی اللہ علیہ و آلہ وسلم کے نعلین مبارک لہولہان ہو گئے۔

Aṭ-Ṭāʾif (ٱلطَّائِف)
شہر
Taif, as seen from الہدا
عرفیت: Madīnat al-Wurūd (اسکرپٹ نقص: فنکشن «langx» موجود نہیں ہے۔) Summer capital of the Kingdom
طائف کا نقشہ دیکھیں سعودی عرب طائف کا نقشہ دیکھیں مشرق وسطی طائف کا نقشہ دیکھیں مغربی اور وسطی ایشیا Location in the Kingdom of Saudi Arabia
متناسقات: 21°16′30.34″N 40°24′22.16″E
ملک	سعودی عرب
سعودی عرب کے صوبے	المکہ علاقہ
سعودی عرب کے محافظات کی فہرست	Taif
حکومت
• میئر	HRH Nahar Alsaud
رقبہ
• شہر	321 کلومیٹر2 (124 میل مربع)
بلندی	1,879 میل (6,165 فٹ)
آبادی (2022 census)[1]
• شہر	563,282
• درجہ	6
• کثافت	2,144/کلومیٹر2 (5,554/میل مربع)
• میٹرو	913,374 (Taif Governorate)
نام آبادی	Taifian
منطقۂ وقت	GMT + 3 (UTC+3)
رمز ڈاک	26XXX
ٹیلی فون کوڈ	+966 12
ویب سائٹ	http://www.taifcity.gov.sa

طائف
(عربی میں: الطائف)[2]
تاریخ تاسیس	6ویں صدی
نقشہ
انتظامی تقسیم
ملک	سعودی عرب   [3]
جغرافیائی خصوصیات
متناسقات	21°16′00″N 40°25′00″E
رقبہ	321 مربع کلومیٹر
بلندی	1879 میٹر
آبادی
کل آبادی	579970 (مردم شماری ) (2010)[2]
مزید معلومات
اوقات	مشرقی افریقہ وقت ،  متناسق عالمی وقت+03:00
رمزِ ڈاک	21944
قابل ذکر
قابل ذکر	غزوہ طائف
باضابطہ ویب سائٹ	باضابطہ ویب سائٹ
جیو رمز	107968
درستی - ترمیم

طائف میں ایک خوبصورت مسجد کا منظر

تاریخ

چھٹی صدی عیسوی میں اس علاقہ میں بنو ثقیف کا قبیلہ رہتا تھا۔ شہر کے اردگرد دیوار تھی اور لوگ بت پرست تھے۔ ان لوگوں نے کعبہ پر حملہ کے وقت ابرہہ کا ساتھ دیا تھا۔ 620ء میں حضرت محمد صلی اللہ علیہ و آلہ وسلم نے طائف کا سفر کیا جو اسلامی تاریخ کا ایک مشہور واقعہ ہے۔ 631ء میں غزوہ تبوک کے وقت مسلمان بہت طاقتور ہو چکے تھے اور طائف والوں نے محسوس کیا کہ وہ اکیلے رہ گئے ہیں اس لیے انھوں نے وفود کو مکہ بھیج کر اسلام قبول کرنے کا اعلان کر دیا۔ عرصہ بعد حضرت محمد صلی اللہ علیہ و آلہ وسلم نے حکم بن ابی العاص اور مروان بن حکم کو ان کی کچھ حرکتوں کی بنا پر مدینہ منورہ سے شہر بدر کر دیا اور طائف بھیج دیا جہاں سے ان دونوں کو حضرت عثمان رَضی اللہُ تعالیٰ عنہُ کے دور تک واپس آنے کی اجازت نہ ملی۔ طائف پر کافی صدیوں تک عربوں کی حکمرانی رہی مگر اسے 1517ء میں شریف مکہ نے عثمانی سلطان سلیم اول کے حوالے کر دیا۔ 1802ء میں نجدی افواج نے اسے فتح کر لیا جن کا تعلق آل سعود سے تھا مگر 1813ء میں عثمانی سلطان محمود دوم نے اسے واپس حاصل کر لیا۔ 1916ء میں شریف مکہ نے اس پر قبضہ کیا۔ مگر کچھ ہی عرصہ بعد شریف مکہ حسین بن علی اور نجد کے حکمران عبدالعزیز السعود میں اس شہر پر جھگڑا رہا حتیٰ کہ 1926ء میں طائف عبد العزیز السعود کے بادشاہ بننے پر اس کے قبضہ میں آیا اور سعودی عرب کا حصہ بنا۔

طائف میں پیدا ہونے والے اصحاب

• حضرت عثمان ابن عفان رَضی اللہُ تعالیٰ عنہُ
• مغیرہ ابن شعبہ
• حجاج بن یوسف
• امیر مختار
• ہانی حنجور
• نايف بن عبد العزيز آل سعود

اصحاب جنھوں نے طائف میں سکونت اختیار کی

• حضرت عثمان ابن عفان رَضی اللہُ تعالیٰ عنہُ جو تیسرے خلیفہ راشد ہیں۔
• ہادی صوعان الصمیلی جنھوں نے سعودی عرب کے لیے اولمپکس میں پہلا تمغا جیتا
• عداس طائف کا پہلا مسیحی جو حضرت محمد صلی اللہ علیہ و آلہ وسلم کے عہد میں طائف کی وادی سے مسلمان ہوا۔
• حضرت عبداللہ بن عباس