بمل رائے
From Wikipedia, the free encyclopedia
From Wikipedia, the free encyclopedia
ہندوستانی سینما کے مشہور ہدایت کار۔ جولائی 1909ء کو ڈھاکہ کے ایک زمیندار خاندان میں پیدا ہوئے، لیکن کم عمری میں ہی ان کے والد کا انتقال ہو گیا اور گھر کی ذمہ داریاں ان کے کاندھوں پر آپڑیں۔ اس زمانے میں زمینداروں کے ذریعہ مزارعوں پر جو مظالم کیے جاتے تھے یا کھیت مزدوروں کا جو استحصال کیا جاتاتھا، انھیں بمل رائے نے اپنی آنکھوں سے دیکھا تھا۔ اسی لیے بمل رائے نے جن فلموں کی ہدایت کاری کی ان میں یہ اثرات صاف نظر آتے ہیں۔ ملک کی تقسیم کے بعد 1947ء میں وہ بیوہ والدہ اور چھوٹے بھائی کے ساتھ کلکتہ چلے آئے تھے اور یہاں انھیں بہت ہی بے سروسامانی میں زندگی کے دن گزارنے پڑے۔ اس جدو جہد کے دوران ہی ان کی ملاقات فلموں سے وابستہ پی سی بروا سے ہو گئی، جنھوں نے بمل رائے کی صلاحیتوں کو دیکھتے ہوئے ان کو اپنی فلم دیو داس میں معاون بنایا تھا۔
بمل رائے | |
---|---|
(بنگالی میں: বিমল রায়) | |
![]() | |
معلومات شخصیت | |
پیدائش | 12 جولائی 1909ء [1] ڈھاکہ [2] |
وفات | 7 جنوری 1966ء (57 سال)[3] ممبئی |
شہریت | ![]() ![]() ![]() |
اولاد | رنکی بھتٹاچریا |
تعداد اولاد | |
عملی زندگی | |
مادر علمی | جامعہ کلکتہ |
پیشہ | فلم ہدایت کار ، ڈی او پی ، فلم ساز ، منظر نویس ، فلم مدیر |
اعزازات | |
فلم فیئر اعزاز برائے بہترین ہدایت کار (برائے:بندِنی ) (1964) فلم فیئر اعزاز برائے بہترین ہدایت کار (برائے:Parakh ) (1961) فلم فیئر اعزاز برائے بہترین ہدایت کار (برائے:سجاتا (1959ء فلم) ) (1960) فلم فیئر اعزاز برائے بہترین ہدایت کار (برائے:مدھومتی ) (1959) فلم فیئر اعزاز برائے بہترین ہدایت کار (برائے:براج باہو ) (1956) فلم فیئر اعزاز برائے بہترین ہدایت کار (برائے:پرینیتا (1953ء فلم) ) (1955) فلم فیئر اعزاز برائے بہترین ہدایت کار (برائے:دو بیگھہ زمین (ہندی فلم) ) (1954) | |
ویب سائٹ | |
ویب سائٹ | باضابطہ ویب سائٹ |
![]() |
IMDB پر صفحات |
درستی - ترمیم ![]() |
اس فلم کے ہیرو مشہور گلو کار کندن لال سہگل تھے۔ اس کے بعد بمل رائے نے نصف درجن سے زائد بنگلہ فلموں میں بطور معاون ہدایت کار اور پھر ہدایت کار کے طور پر کام کیا۔ 1950ء میں وہ ممبئی چلے آئے اور ہندی فلموں میں ہدایت کاری شروع کی۔ انھوں نے اپنی کمپنی بمل رائے پروڈکشن کی بنیاد رکھی۔ بعد میں انھوں نے پھر سے فلم دیو داس بنائی جس میں دلیپ کمار کو بطور ہیرو لیا۔
انھوں نے دو درجن سے زائد فلموں میں ہدایت کاری کے جوہر دکھائے تھے، ان میں سے نصف درجن فلموں کو تو فلم فیئر ایوارڈ ملا۔ جن میں دو بیگھا زمین، پرنیتا، براج بہو، مدھو متی، سجاتا، پرکھ اور بندنی شامل ہیں۔ بمل رائے کی فلم ”دو بیگھا زمین“ نے روایات کی تمام بندشوں کو توڑ دیا تھا، اسی لیے اس فلم کو نمایاں کامیابی حاصل ہوئی بلکہ اس نے اس دور میں کامیابی کے تمام ریکارڈ توڑ دئے تھے۔ اس فلم کو فرانس میں ہونے والے کانز فلمی میلے میں بھی بین الاقوامی ایوارڈ سے نوازا گیا تھا۔ بمل رائے نے صرف عصری فلموں پر ہی اپنی چھاپ نہیں چھوڑی تھی بلکہ بعد میں آنے والی فلمیں بھی اس سے متاثر نظر آتی ہیں۔ کتنے ہی نام ور فلمی ہدایت کار بمل رائے کے انداز کے خوشہ چین ہیں۔ ستیہ جیت رے، ریتوک گھٹک، مرنال سین، تپن سنہا وغیرہ نے بمل رائے کی صلاحیتوں کا کھلے دل سے اعتراف کیا ہے۔
جن اداکاروں اور مصنفین نے بمل دا کے ساتھ کام کیا تھا وہ ان کی صلاحیتوں کا کھلے دل سے اعتراف کرتے تھے اور یہ کہنے میں انھیں کوئی جھجھک نہیں تھی کہ بمل دا کی صلاحیتوں کی کوئی سرحد نہیں تھی یہ صلاحیتیں خداداد تھیں جن کا استعمال کر کے انھوں نے ان کو چمکایا تھا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.