انوش

انوس (عبرانی: אֱנוֹשׁ، جدید Enosh ، طبری ʼĔnôš نسل آدم میں اہم ترین بزرگ ہیں۔جن کا تذکرہ بائبل کی پہلی کتاب پیدائش میں آیا ہے۔ انوس کو نسل آدم کے آئندہ نسب میں اور یسوع کے نسب نامہ میں خصوصی اہمیت حاصل ہے۔انوش شیث کے بیٹے اور قینان کے والد ہیں۔^[1]

انوس ابن شیث

نام:	انوس
پیدائش:	235 یوم العالم
وفات:	1140 یوم العالم
اولاد:	قینان اور دیگر بیٹے اور بیٹیاں
والدین:	شیث (والد)، عزورا (والدہ)
بیوی:	نعوم
قابل احترام:	مسیحیت، مندائیت اور اسلام
ضیافت:	30 جولائی

بائبل کی کتاب پیدائش کے مطابق جب حضرت شیث علیہ السلام کی عمر 105 سال ہوئی تو تب انوش پیدا ہوئے۔^[2]سدر اولام ربی کے مطابق وہ یوم العالم کا 235 واں سال تھا۔ لیکن بائبل کے ہفتادی نسخہ کے مطابق یوم العالم کا 435 واں سال تھا۔

انوش کے والد حضرت شیث علیہ السلام ہیں۔ انوش حضرت آدم علیہ السلام کے پوتے ہیں۔ بائبل کی کتاب پیدائش کی روایات سے معلوم ہوتا ہے کہ جب انوس پیدا ہوئے تو تب حضرت آدم علیہ السلام 235 سال کے تھے اور انوش کے والد حضرت شیث علیہ السلام 105 سال کے تھے ۔^[3] انوس کی پیدائش کے بعد اُن کے والد حضرت شیث علیہ السلام مزید 807 سال زندہ رہے ^[4] جب حضرت شیث علیہ السلام فوت ہوئے تو انوش 707 سال کے ہو چکے تھے۔

علمائے نصاریٰ انوش کو یسوع(عیسیٰ) کے شجرہ نسب میں اہم ترین فرد خیال کرتے ہیں۔ کیونکہ انوش شیث علیہ السلام کے بیٹے اور آدم علیہ السلام کے پوتے تھے۔^[5]

جب انوش 90 سال کے ہوئے تو اُن کے یہاں قینان پیدا ہوئے۔^[6] بائبل کے شمار کے مطابق اُس وقت یوم العالم کا 325 واں سال تھا۔