بھارتی فلمی اداکارہ From Wikipedia, the free encyclopedia
کیرتھی سُریش یا کیرتی سُریش (ولادت: 17 اکتوبر 1992ء) ایک بھارتی فلم اداکارہ ہیں جو تمل، ملیالم اور تیلگو زبان کی فلموں میں اداکاری کرتی ہیں۔[4][5] آپ ملیالم پروڈیوسر سریش کمار اور تمل اداکارہ مینکا کی بیٹی ہے۔ کیرتی نے 2000ء کی دہائی کی ابتدا میں ہی سے ایک چائلڈ آرٹسٹ کے طور پر اپنے فلمی کیرئیر کی شروعات کرلی تھی اور فیشن ڈیزائن میں تعلیم مکمل کرنے کے بعد وہ فلموں میں مرکزی کردار نبھانے لگیں۔ کیرتھی نے بطور ہیروئن 2013ء میں ملیالم فلم گیتانجلی میں اپنا پہلا مرکزی کردار ادا کیا اور اس کے بعد تمل اور تیلگو میں بھی فلموں کیں۔ 2018 میں ساوتری فلم میں اداکاری کے لیے ان کو قومی فلم ایوارڈبرائے بہترین اداکارہ سے نوازا گیا۔[6]
کیرتھی سریش فلم پروڈیوسر، ڈائریکٹر سریش کمار کی بیٹی ہیں۔[7] کیرتھی سریش نے 2000ء کی دہائی کے اوائل میں بطور بچہ اداکارہ کیریئر کا آغاز کیا اور فیشن ڈیزائن کی تعلیم حاصل کرنے کے بعد فلموں میں دوبارہ واپس آئیں۔
کیرتی سریش 17 اکتوبر 1992ء کو بھارت کے چنئی میں ملیالم فلم پروڈیوسر، ڈائریکٹر سریش کمار اور تامل اداکارہ مینکا کے یہاں پیدا ہوئیں۔[8][9][10][11] اس لحاظ سے وہ تمل اور نصف ملیائی ہے۔ کیرتی نے چوتھی جماعت تک ، اپنی اسکول کی تعلیم چنئی میں مکمل کی۔[12] کیرتی کی ایک بڑی بہن ریواتھی سرش ہیں جو وی ایف ایکس ماہرین کے طور پر کام کرتی ہیں اور اس سے قبل وہ شاہ رخ خان کے پروڈکشن ہاؤس ریڈ چلیز انٹرٹینمنٹ کے لیے کام کرچکی ہیں۔ کیرتی نے ابتدائی چار کلاسیں چنائی تمل ناڈو میں مکمل کیں اس کے بعد وہ کیندریا ودیالہ (اکیڈمی)، تروواننتاپورم میں پڑھنے چلی گئیں اور پھر چنائی واپس آکر پل اکیڈمی میں فیشن ڈیزائننگ کی ڈگری مکمل کر لی۔[13] لندن میں دو مہینے کی انٹرنشپ مکمل کرنے سے پہلے چار مہینے تک اسکاٹ لینڈ میں وقت بھی گذرا۔ اداکاری میں ایک کیریئر بنانے کے باوجود، وہ فیشن ڈیزائننگ میں کیریئر کو سنجیدگی سے اپنانے پر بھی غور کررہی ہیں۔[14] کیرتی وایلن بھی بجاتی ہیں۔[15]
2000ء کی دہائی کے آغاز میں، کیرتی نے اپنے والد کی پروڈکشنز میں بننے والی کچھ فلموں مثلاً پائلٹ (2000ء)، آچانی نینکیاکشٹم (2001ء) اور کوبیران (2002ء) اور چند ٹیلی ویژن سیریلز میں چائلڈ آرٹسٹ کے طور پر کام کیا۔[13][16] کوبیران کے 11 سال بعد، انھوں نے پریدرشن کی ہارر فلم گیتانجلی میں ایک اہم کردار ادا کیا، اس فلم میں انھوں نے دوہرا کردار ادا کیا۔[17][18] وہ اس وقت بھی تعلیم حاصل کررہی تھیں اور اپنے سمسٹر کے وقفے کے دوران گیتانجلی فلم کی شوٹنگ کی تھی۔
2014ء میں، کیرتھی نے اپنی اگلی فلم رنگ ماسٹر، کی جسے رفیع مکارٹن نے ہدایت کی، جس میں انھوں نے اداکار دلیپ کے ساتھ اداکاری کیا۔ اس فلم میں کیرتی نے ایک اندھی لڑکی کا کردار ادا کیا،[19] یہ ایک کامیاب فلم ثابت ہوئی۔[20][21] کیرتی نے بتایا کہ اس فلم میں کام کرنا فلم گیتانجلی میں دوہرے کردار سے زیادہ مشکل تھا۔[22]
2014ء ہی میں، کیرتھی نے کئی تمل فلموں کو سائن کیا۔ تمل زبان میں ان کی اس کی پہلی فلم، اداکار وکرم پربھو کے ساتھ ہدایت کار اے ایل ویجی کی رومانٹک مزاحیہ فلم ادہو ایننا میمام (2015ء) (ہندی ڈب نام: دو بلوان) تھی۔ فلم نے باکس آفس میں اچھی کارکردگی کا مظاہرہ نہیں کیا تھا۔ 2016ء میں ان کی کئی فلمیں کامیاب رہیں، جن میں نینو شیلجا (ہندی ڈب نام: سپر کھلاڑی 3) اداکار شیرکاکتیکان کے ساتھ رجنی مرگان اور ریمو اور اداکار دھنش کے ساتھ فلم تھوڈاری شامل ہے۔
سال 2017ء میں کیرتھی نے اداکار وجے کے ساتھ تمل فلم بھیروا، اداکار نانی کے ساتھ فلم نینو لوکل (ہندی ڈب نام: سپر کھلاڑی 4) میں اداکاری کی۔
2018ء میں کیرتھی نے اداکار پون کلیان کے ساتھ اگنیاتھواسی اور سوریا کے ساتھ فلم تھانہ سیرنڈا کوٹم (ہندی فلم اسپیشل چھبیس کا ری میک) میں بھی کام کیا۔[23] فلم تھانہ سیرنڈا کوٹم ایک کامیاب فلم ثابت ہوئی۔[24][25] اسی سال ماضی کی مشہور تیلگو اداکارہ ساوتری کی زندگی پر بننے والی تیلگو فلم مہانٹی (جو تمل زبان میں نادیگایر تھلگام میں بنائی جارہی ہے ) میں ساوتری کا مرکزی کردار ادا کیا ہے۔[26] 2018ء میں آپ نے اداکار وکرم کے ساتھ فلم سامے اسکوائیر، اداکار وشال کے ساتھ سنداکوزی 2 اور اداکار وجے کے ساتھ سرکار میں کام کیا۔[27][28][29]
| † | فلم ابھی زیر تکمیل ہے |
| سال | فلم | کردار | زبان | ساتھی فنکار | ڈب/ری میک | ایوارڈ /تبصرہ |
|---|---|---|---|---|---|---|
| 2000ء | پائلٹس | چائلڈ آرٹسٹ | ملیالم | ، | ، | چائلڈ آرٹسٹ |
| 2001ء | آچانی نینکیاکشٹم | چائلڈ آرٹسٹ | ملیالم | ، | ، | چائلڈ آرٹسٹ |
| 2002ء | کوبیران | سدھارتھ کی بیٹی | ملیالم | ، | ، | چائلڈ آرٹسٹ |
| 2013ء | گیتانجلی | گیتا/انجلی | ملیالم | موہن لال، | ، | دوہرا کردار، پہلی فلم |
| 2014ء | رِنگ ماسٹر | کارتکا | ملیالم | دلیپ، | ، | |
| 2014ء | دربونی | دیوی | ملیالم | ، | ، | آرٹ فلم |
| 2015ء | ادہو ایننا میمام | مایا | تمل | وکرم پربھو، نودیپ | ہندی ڈب: دوبلوان | پہلی تمل فلم |
| 2016ء | نینو شیلجا | شیلجا | تیلگو | رام پوتھنینی، ستیہ راج | ہندی ڈب: سپر کھلاڑی 3 | پہلی تیلگو فلم |
| 2016ء | رجنی مرگان | کارتیکا دیوی | تمل | شیرکاکتیکان | ||
| 2016ء | تھوڈاری | سروجا | تمل | دھنش، ہریش عثمان | ہندی ڈب: ایکسپریس کھلاڑی | |
| 2016ء | ریمو | کاویہ | تمل | شیرکاکتیکان | ہندی ڈب:ریمو | |
| 2017ء | بھیروا | مالاروزی | تمل | وجے، جگپتی بابو | ہندی ڈب: بھیروا | |
| 2017ء | نینو لوکل | کیرتھی | تیلگو | نانی، نوین چندرا | ہندی ڈب: سپر کھلاڑی 4 | |
| 2017ء | پامبھو ستائی | وینی | تمل | بوبی سمہا | ||
| 2018ء | اگنیاتھواسی | سوکماری | تیلگو | پون کلیان، انو ایمانویل | ہندی ڈب: یاویڈو 3 | |
| 2018ء | تھانہ سیرنڈا کوٹم | مدھو | تمل | سوریا، رمیہ کرشنن | ہندی ڈب: سوریا کی گینگ
ماخوذ از ہندی: اسپیشل چھبیس |
|
| 2018ء | مہانٹی / نادیگایر تھلگام | ساوتری | تیلگو/تمل | ذوالقر سلیمان،سامنتھا اکنینی، ناگ چیتنیا | ||
| 2018ء | سامے 2 | دیا | تمل | وکرم | ||
| 2018ء | سینڈاکوزی 2 | سمبھورتھی | تمل | وشال | ||
| 2018ء | نلا | تمل | وجے، ورلکشمی سرتھکمار | |||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_(cropped).jpg)
