پاکستانی اداکارہ اور ماڈل From Wikipedia, the free encyclopedia
مایا علی یا مریم تنویر علی [1] 27 جولائی 1989ء کو پیدا ہونے والی ایک پاکستانی اداکارہ, ماڈل ، وی جے اور زیادہ تر پاکستانی ٹی وی ڈراموں اور فلموں میں کردار سے پہچانی جاتی ہیں۔ فلمی آغاز ایکشن ڈراما فلم "طیفہ ان ٹربل" سے کیا۔ اس کے بعد 2019 میں "پرے ہٹ لو" میں شہریار منور کے مقابل کام کیا جو کمرشل سطح پر کامیاب رہی جس پر انھیں لکس اسٹائل ایوارڈز میں بہترین اداکارہ کے لیے نامزد کیا گیا [2] ۔
مایا علی کا پیدائشی نام مریم تنویر علی [3] ہے اور وہ لاہور [4] میں 27 جولائی 1988 کو پیدا ہوئی [5]۔ مایا علی نے کیوئین میری کالج ، لاہور سے ابلاغ عامہ میں ماسٹر کیا۔ مایا علی پھر وی جے بن گئیں۔ مایا کھیلوں میں دلچسپی رکھتی ہیں اور باسکٹ بال ، کرکٹ ، ہاکی ، ٹینس اور بیڈمنٹن کھیلنے کے ساتھ ساتھ اپنی اسکول ٹیم کی نمائندگی بھی کر چکی ہیں [6] ۔
مایا نے اپنے پیشے کا آغاز سما ٹی وی ،وقت نیوز اور دنیا نیوز سے بطور وی جے کیا [7]۔ مایا علی نے پہلا ڈراما سیریل دُر شہوار (2012) میں کیا [8] ، ڈرامے میں مایا کا کردار مختصر تھا، ڈرامے کی ہدایات حسام حسین نے دیں اور لکھا عمیرہ احمد نے [9] [10] ۔اس کے بعد اک نئی سنڈریلا اور آؤ ذرا میں عثمان خالدبٹ کے مقابل کام کیا [11] [12] [13] [14] ۔ اک نئی سنڈریلا جیو ٹی وی پر ٹیلی کاسٹ ہوا اور اس میں مایا علی کا مرکزی کردار تھا۔ سیریل میں سنڈریلا کی کہانی کو نئے انداز میں بیان کیا گیا ، ہدایات حسام حسین نے دیں اور لکھا فائزہ افتخار نے [15] ۔ اس کے بعد فائزہ افتخار کا ہی لکھا ڈراما آؤ ذرا میں مایا نے کام کیا جس کی ہدایات بھی حسام حسین نے دیں [16] ۔ 2013 میں حسام حسین کی ہدایت میں بننے والے ڈراموں کو چھوڑ کر ایک نئے ہدایت کارکے ڈرامے کھویا کھویا چاند میں جلوہ گر ہوئیں جسے پھر فائزہ افتخار نے ہی لکھا تھا۔ مایا نے اس میں ایک ایسی لڑکی کا کردار ادا کیا جو محبت اور خیال رکھنے والی بہن ہے [17] ۔ 2013 میں جیو ٹی وی کے سیریل رنجش ہی سہی میں ایک بہن کا کردار ادا کیا [18]۔2013 میں ہی جیو ٹی وی پر ایک اور ڈراما سیریل "میری زندگی ہے تو" جس کی ہدایت کاری امین اقبال نے کی ، لکھا فائزہ افتخار نے اور اے اور بی اینٹرٹینمنٹ نے بنایا۔ یہ سیریل انڈین چینل زندگی ٹی وی چینل پر اسی نام سے چلایا گیا [19] ۔
مایا کا اگلا پراجیکٹ "لاڈوں میں پلی" تھا جسے جیو ٹی وی پر ٹیلی کاسٹ کیا گیا [20] ۔ 2014 میں ڈراما "شناخت" میں قرۃ العین کا کردار ادا کیا جو اسلام پر عمل کی وجہ سے فیملی اور معاشرے کی تنقید کا نشانہ بنتی ہے [21] ۔ مایا نے احسن خان کے ساتھ ڈراما "ضد" کیا جو ہم ٹی وی پر چلا [22]۔ اس ڈرامے کی کاسٹ میں احسن خان ، مایا علی ، انجلینا ملک ، عصمت زیدی شامل تھے۔ ڈرامے کی کہانی ایک بلند نظر لڑکی ثمن کے گرد گھومتی ہے [23] ۔ 2015 میں مایا نے مہرین جبار کے ڈرامے "میرا نام یوسف ہے" میں کام کیا جس میں عمران عباس کے مقابل زلیخا کا کردار ادا کیا [24] ۔ اسی سال مایا نے دیار دل میں عثمان خالد بٹ کے مقابل فرح کا کردار ادا کیا جس پر ہم ایوارڈ کی جیوری نے بہترین آن اسکرین جوڑی کا ایوارڈ دیا [14] [25] ۔ 2016 میں مایا علی نے حمزہ علی عباسی کے ساتھ ڈراما من مائل میں کام کیا جس پر انھیں لکس اسٹائل ایوارڈ کی طرف سے بہترین ٹی وی اداکارہ کا ایوارڈ ملا۔ یہ ڈراما مومنہ درید ، ثمینہ ہمایوں سعید اور طارق شاہ نے مل کر بنایا۔ ہم ٹی وی پر یہ ڈراما درید پروڈکشن کمپنی کے بینر تلے چلا [26] ۔ من مائل کا پریمیئر بیک وقت پاکستان ، برطانیہ ، متحدہ عرب امارات اور امریکا میں ایک ہی تاریخ اور وقت پر ہوا [27] ۔ عثمان خالد بٹ اور حریم فاروق کے ساتھ "صنم" میں کام کیا [14][28] ۔ ڈرامے کی کہانی حارب کے گرد گھومتی ہے جو ایک کامیاب کاروباری ہے اور وہ شریک حیات اور شریک روح کا فرق پہچان پاتا ہے[28] ۔ ٹی وی شو ہم ٹی وی پر چلا اور اس کا پریمیئر پاکستان ، امریکا ، برطانیہ اور متحدہ عرب امارات میں بیک وقت ہوا [29] ۔ جنوری 2017 میں احسن رحیم کی ایکشن کامیڈی فلم "طیفا ان ٹربل" میں علی ظفر کے ساتھ کام کیا [30] ۔ علی ظفر اور مایا علی دونوں کی یہ پہلی پاکستانی فلم تھی جو 20 جولائی 2018 میں ریلیز ہوئی [31] ۔ 2020 تک 50 کروڑ کمانے والی یہ تیسری پاکستانی فلم تھی باوجود احتجاج اور فلم چوری کے واقعات مسلسل ہو رہے تھے [32] ۔ 19 اپریل 2017 کو 16ویں لکس اسٹائل ایوارڈز میں علی ظفر کے گانے "عشق" پر پرفارم کیا [33] [34] اور یہ پہلا موقع تھا کہ مایا علی نے لکس اسٹائل ایوارڈز میں پرفارم کیا [27] ۔ پاکستان سپر لیگ 2018 میں کوئٹہ گلیڈی ایٹرز کی برانڈ سفیر بنیں [35] ۔ مایا نے میچوں کے لیے شان پاکستان جرسی بھی بنوائی اور اکثر اسے زیب تن کرکے سفیر بنیں [36] ۔ نومی انصاری کے دلہن ویک 2018 میں مایا علی نے شو اسٹاپر کے طور پر واک کی اور کئی سالوں سے نومی انصاری کی برانڈ سفیر ہیں [37] ۔ ایل اوریل پیرس دلہن ویک میں بھی نومی انصاری کے لیے شو اسٹاپر بنیں۔ ایل اوریل پیرس دلہن ویک 2019 میں ایم این آر ڈیزائن اسٹوڈیو کے مجموعے چہار باغ پیش کیا۔ محسن نوید رانجھا نے اپنے کام کے ذریعے اسلامی آرٹ اور فن تعمیر کو خراج تحسین پیش کیا۔ 18ویں لکس اسٹائل ایوارڈز میں مایا علی نے پرفارم کیا [38] ۔
مایا کا ایک ہی بھائی عفنان [39] ہے اور والد کی وفات 2016 میں ہوئی [40] ۔
مایا علی کی ٹی وی شو میں شراکتیں
٭ سن رائز فرام استنبول [41] ٭ آفٹر مون ود یاسر [42]
٭ ٹونائٹ ود ایچ ایس وائی [43]
٭ روائنڈ ود ثمینہ پیرزادہ [44]
٭ ون ٹیک [45]
٭ بی بی سی ایشین نیٹ ورک پر انٹرویو [46]
٭ آپ کے ستارے حدیقہ کیانی کے ہمراہ [47]
٭ بول نائٹس ود احسن خان [48]
٭ وائس اوور مین [49]
٭ دا منشی شو [50]
٭ طیفا ان ٹربل [51]
٭ پرے ہٹ لو [52]
٭ در شہوار
٭ اک نئی سنڈریلا
٭ آؤ ذرا
٭ کھویا کھویا چاند
٭ رنجش ہی سہی
٭ میری زندگی ہے تو [53]
٭ شناخت
٭ لاڈوں میں پلی
٭ ضد
٭ میرا نام یوسف ہے
٭ دیار دل [12]
٭ من مائل
٭ صنم [54]
مایا علی شوکت خانم ہسپتال کی برانڈ سفیر بھی ہیں [55] ۔ بریسٹ کینسر سے اموات کے خطرے کی آگاہی کے لیے مایا علی نے کئی کالج اور جامعات کا دورہ کیا اور نچلی سطح تک آگاہی پھیلانے پر زور دیا [56] ۔ مایا نے 7 فروری 2017 کو ایک عید شو میلان بھی ہوسٹ کیا [57] ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.