From Wikipedia, the free encyclopedia
يېڭىشەھەر ناھىيىسى تارىم ئويمانلىقىنىڭ غەربىي چېتىگە، پامىر ئېگىزلىكىنىڭ شەرقىي ئېتىكىگە، قەشقەر دەرياسىدىن ھاسىل بولغان تىنما تۈزلەڭلىككە جايلاشقان. شەرق تەرىپى پەيزىۋات ناھىيىسى، يوپۇرغا ناھىيىسى بىلەن تۇتىشىدۇ، جەنۇب تەرىپى يېڭىسار ناھىيىسى بىلەن تۇتىشىدۇ. غەرب، شىمال تەرىپى ئاقتو ناھىيىسى، كونىشەھەر ناھىيىسى، قەشقەر شەھىرى بىلەن تۇتىشىدۇ. شەرقتىن غەربكىچە بولغان ئۇزۇنلۇقى 106 كىلومېتىر، جەنۇبتىن شىمالغىچە بولغان كەڭلىكى 69 كىلومېتىر، ئومۇمىي يەر مەيدانى 2270.7 كۋادرات كىلومېتىر.
يېڭىشەھەر ناھىيىسى
疏勒县.Yéngisheher County | |
![]() | |
مەمۇرىي رايون شەكلى | ناھىيە |
ئاپتونوم رايون | شىنجاڭ ئۇيغۇر ئاپتونوم رايونى |
ۋىلايەت | قەشقەر ۋىلايىتى |
مىللەتلەر | ئۇيغۇر |
تىللار | ئۇيغۇرچە |
بازارلىق سانى | 3 دانە |
يېزا سانى | 13 دانە |
نوپۇس | 300 مىڭ |
يەر مەيدانى | 2,262.75 كۋادرات كىلومېتىر |
ۋاقىت رايونى | UTC+6 |
تېلېفون رايون نومۇرى | 998(0)86+ |
ماشىنا تاختا نومۇرى | 新Q |
غەربتىن شەرققە پەسىيىپ بارىدۇ. تۈزلەڭلىك % 74.7 نى، قۇملۇق % 25.3 نى ئىگىلەيدۇ. قىزىل دەرياللار، گەز دەرياسى، كۇسەن دەرياسى قاتارلىق دەرياسى تەۋەسىدىن كېسىپ ئۆتىدۇ. يىللىق ئوتتۇرىچە ئېقىن مىقدارى 541 مىليون كۇب مېتىر. تۈزلەڭلىك رايونلارنىڭ يەر ئاستى سۇ زاپىسى 859 مىليون كۇب مېتىر.
قەشقەر ۋىلايىتى يېڭىشەھەر ناھىيىسى قارمىقىدا 3 بازارلىق ۋە 12 يېزا بار بولۇپ، ئۇلار تۆۋەندىكىچە:
نومۇرى | ئىسمى | ئۇيغۇر لاتىن يېزىقى
دا يېزىلىشى |
ئىنگلىزچە ئىسمى | خەنزۇچە ئىسمى | مەھەللە/كەنت سانى | نوپۇسى(مىڭ) | يەر مەيدانى(km2) |
1 | يېڭىشەھەر بازىرى | Yéngisheher baziri | Yengisheher town | 英协海尔镇 | 10 | 41 | 13 |
2 | ياپچان بازىرى | Yapchan baziri | Yapchan town | 牙甫泉镇 | 21 | 25 | 178.3 |
3 | خانئېرىق بازىرى | Xanériq baziri | Hanerik town | 罕南力克镇 | 22 | 24.5 | 77.8 |
4 | بارىن يېزىسى | Barin yézisi | Barin town | 巴仁乡 | 15 | 32.2 | 1,087 |
5 | باغچى يېزىسى | Baghchi yézisi | Baghchi town | 巴合齐乡 | 14 | 21.9 | 116 |
6 | تازغۇن يېزىسى | Tazghun yézisi | Tazghun town | 塔孜洪乡 | 20 | 27.4 | ؟ |
7 | يېڭىئېرىق يېزىسى | Yéngiériq yézisi | Yengierik town | 英艾力克乡 | 18 | 20.5 | 106 |
8 | قۇمۇشئېرىق يېزىسى | Qumushériq yézisi | Kumusherik town | 库木西力克乡 | 21 | 20.4 | 120 |
9 | تاغارچى يېزىسى | Tagharchi yézisi | Tagharchi town | 塔尕尔其乡 | 9 | 9.3 | 116.5 |
10 | ياندۇما يېزىسى | Yanduma yézisi | Yanduma town | 洋大曼乡 | 16 | 17.3 | ؟ |
11 | يامانيار يېزىسى | Yamanyar yézisi | Yamanyar town | 亚曼牙乡 | 15 | 15.5 | 124 |
12 | ئەرمۇدۇن يېزىسى | Ermudun yézisi | Ermudun town | 艾尔木东乡 | 11 | 12.4 | 174.6 |
13 | ئارال يېزىسى | Aral yézisi | Aral town | 阿拉力乡 | 9 | 11.2 | 123.5 |
14 | يېڭىئاۋات يېزىسى | Yéngiawat yézisi | Yengiawat town | 英阿瓦提乡 | 10 | 9.9 | 2,404 |
15 | ھاراپ يېزىسى | Harap yézisi | Harap town | 阿拉甫乡 | 14 | 18.8 | 622.4 |
ئىزاھات:
يېڭىشەھەر ناھىيىسى مۆتىدىل بەلۋاغ قۇرغاق ئىقلىم رايونىغا كىرىدۇ. يىللىق ئوتتۇرىچە تېمپېراتۇرىسى 11.4، كۈننىڭ يىللىق ئوتتۇرىچە چۈشۈش ۋاقتى 2822 سائەت. قىروسز مەزگىلى 215 كۈن. يىللىق ئوتتۇرىچە ھۆل-يېغىن مىقدارى 65 مىللىمېتىر، سۇنىڭ يىللىق ئوتتۇرىچە پارغا ئايلىنىش مىقدارى 2605 مىللىمېتىر.
بۇ ناھىيىدە يېزا ئىگىلىك ئاساس قىلىنىدۇ. ھازىر 35 مىڭ 100 گېكتار(527 مىڭ مو) تېرىلغۇ يەر، 14 مىڭ 400 گېكتار(216 مىڭ مو) ئورمان، 37 مىڭ 800 گېكتار(567 مىڭ مو) ئوتلاق بار. يېزا ئىگىلىك مەھسۇلاتلىرىدىن بۇغداي، كۆممىقوناق، كېۋەز، قوغۇن-تاۋۇز، مېۋە-چېۋە، كۆكتات، ئاپتاپپەرەس، زېغىر قاتارلىقلار بار. چارۋىچىلىقتا كالا، قوي، ئات، ئېشەك بېقىش ئاساس قىلىنىدۇ. سانائىتىدىن توقۇمىچىلىق، قۇرۇلۇش ماتېرىياللىرى، ئاشلىق، ماي پىششىقلاپ ئىشلەش قاتارلىقلار بار.