Si Alma Andrea Meza Carmona (ipinanganak noong 13 Agosto 1994) ay isang modelo at beauty pageant titleholder na Mehikano na kinoronahan bilang Miss Universe 2020.[1] Si Meza ang ikatlong babaeng Mehikano na nanalo bilang Miss Universe. Si Meza ang may pinakamaikling natapos na panunungkulan sa kasaysayan ng Miss Universe hanggang sa kasalukuyan.[2]
Andrea Meza | |
|---|---|
.jpg) Si Meza noong 2021 | |
| Kapanganakan | Alma Andrea Meza Carmona 13 Agosto 1994 Lungsod ng Chihuahua, Chihuahua, Mehiko |
| Trabaho |
|
| Tangkad | 1.80 m (5 ft 11 in) |
| Titulo | Miss Chihuahua 2016 Miss Mexico 2017 Miss World Americas 2017 Mexicana Universal 2020 Miss Universe 2020 |
| Beauty pageant titleholder | |
| Hair color | Kayumanggi |
| Eye color | Kayumanggi |
| Major competition(s) | Miss Mexico 2017 (Nagwagi) Miss World 2017 (1st runner-up) Mexicana Universal 2020 (Nagwagi) Miss Universe 2020 (Nagwagi) |
Dati na ring siyang kinoronahan bilang Mexicana Universal 2020 at Miss Mexico 2017, at nagtapos bilang first runner-up sa Miss World 2017.[3]
Buhay at pag-aaral
Ipinanganak si Meza noong 13 Agosto 1994 sa Lungsod ng Chihuahua sa mga magulang na sina Alma Carmona at Santiago Meza. Lumaki siya sa Lungsod ng Chihuahua bilang panganay sa tatlong anak na babae na bahagyang may lahing Intsik.[4] Pagkatapos makatapos sa sekondaryang paaralan, lumipat si Meza sa Autonomous University of Chihuahua, kung saan siya nag-aral ng software engineering. Nagtapos siya ng kanyang degree noong 2017, at pagkatapos ay nagsimulang magtrabaho sa Mehiko bilang isang software engineer bilang karagdagan sa kanyang karera bilang isang modelo.[1] Sa kasalukuyan si Meza ay nakatira sa Miami kung saan siya ay nagtatrabaho bilang isang television presenter para sa kumpanyang Telemundo.[5]
Mga paligsahan ng kagandahan
Miss Mexico 2017
Nagsimulang sumali sa mga patimpalak ng kagandahan si Meza noong 2016, nang nanalo ito bilang Miss Chihuahua 2016 at kinatawan ang Chihuahua sa Miss World Mexico 2016.[6] Nagwagi si Ana Girault ng Lungsod ng Mehiko bilang Miss Mexico 2016 at nabigyan ng oportunidad upang kumatawan sa Mehiko sa Miss World 2016. Si Meza naman na siyang nagtapos bilang first runner-up sa nasabing patimpalak ay iniluklok bilang Miss Mexico 2017 at siyang kakatawan sa Mehiko sa Miss World 2017.
Miss World 2017
Bilang Miss Mexico 2017, si Meza ang kumatawan sa Mehiko sa Miss World 2017. Naganap ang kompetisyon noong 18 Nobyembre 2017 sa Sanya, Tsina. Sa mga pre-pageant activity, isa si Meza sa mga nagwagi sa Head-to-Head Challenge na siyang nagpapasok sa kanila sa Top 40. Bukod pa rito, nagtapos siya bilang fourth runner-up sa talent competition.
Pagkatapos ng Top 10, napabilang si Meza bilang isa sa limang pinalista na kakalahok sa question and answer round. Itinanong ni Megan Young kay Meza: "What is the most important quality that a Miss World should possess?", kung saan ipinarating niya:[7]
"It is love--the love that she has for herself and expresses to the world. Miss World should be someone who can talk to everyone and meet everyone."
Nagtapos bilang first runner-up si Meza sa kompetisyon, na siyang pinalanunan ni Manushi Chhillar ng Indiya.[8][9] Bukod pa rito, itinanghal si Meza bilang Miss World Americas.[10]
Mexicana Universal 2020
Noong 2020, kinoronahan si Meza bilang Mexicana Universal Chihuahua 2020, at kinatawan ang Chihuahua sa Mexicana Universal 2020 kung saan siya'y nagwagi. Naganap ang kompetisyon noong 29 Nobyembre 2020 sa lungsod ng Querétaro.[11][12]
Miss Universe 2020
Bilang Mexicana Universal 2020, si Meza ang kumatawan sa Mehiko sa Miss Universe 2020. Ang kompetisyon ay ginanap noong 16 Mayo 2021 sa Hollywood, Florida, Estados Unidos bunsod ng pandemya ng COVID-19.[13][14] Mula sa pitumpu't-apat na kandidara, napabilang si Meza sa labing-anim na dalawampu't-isang semi-finalist na sumabak sa swimsuit competition at sa sampung semi-finalist na sumabak sa evening gown competition.[15] Sinuot ni Meza para sa evening gown competition ang isang pulang gown na may low-back silhouette at cut-out bodice na dinisenyo ni Ivis Lenin.[16]
Pagkatapos ng evening gown competition, napabilang si Meza bilang isa sa limang pinalista na lalahok sa question and answer round at final question. Itinanong ni Miss Universe 1997 Brook Lee kay Meza: "If you were the leader of your country, how would you have handled the COVID-19 pandemic?", kung saan ipinarating niya:[17][18]
"I believe there is no perfect way to handle this hard situation such as COVID-19, but I believe what I would have done is to create the lockdown even before everything was that big, because we lost so many lives and we cannot afford that. We have to take care of our people, that’s why I would’ve taken care of them since the beginning."
Sa final statements round, nabunot ni Meza ang paksang "changing beauty standards", kung saan ipinarating niya:[19]
"We live in a society that more and more is more in advanced, and as we advanced as a society we’ve also advanced with stereotypes. Nowadays beauty isn’t only the way we look, for me beauty radiates not only in our spirit but in our hearts, and the way that we conduct ourselves. Never permit someone to tell you you are not valuable."
Pagkatapos ng kompetisyon, kinoronahan ni Zozibini Tunzi ng Timog Aprika si Meza bilang Miss Universe 2020. Ito ang pangatlong tagumpay ng Indiya sa kasaysayan ng kompetisyon, kasunod nina Lupita Jones noong 1991, at Ximena Navarrete noong 2010.[20][21] Sa panahon ng kanyang katungkulan bilang Miss Universe 2020, nakapaglakbay si Meza sa iba't-ibang lungsod sa Estados Unidos, Timog Aprika, Bahamas, Israel, at ang kanyang sariling bansang Mehiko.[22][23]
Mga sanggunian
Panlabas na kawing
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
