Remove ads
Si Zozibini Tunzi (ipinanganak noong 18 Setyembre 1993), na kilala rin bilang Zozi Tunzi, ay isang modelo, artista at titulo ng beauty pageant sa Timog Aprika na kinoronahan bilang Miss Universe 2019.[1] [2] Siya ang pangatlong babae mula sa Timog Aprika na nanalo ng titulo, at ang unang itim na babae mula nang si Leila Lopes ng Anggola ay nakoronahan bilang Miss Universe 2011.
Zozibini Tunzi | |
|---|---|
.jpg) Si Tunzi noong 2020 | |
| Kapanganakan | 18 Setyembre 1993 Tsolo, Eastern Cape, Timog Aprika |
| Nagtapos | Cape Peninsula University of Technology |
| Titulo |
|
| Beauty pageant titleholder | |
| Hair color | Itim |
| Eye color | Kayumanggi |
| Major competition(s) |
|
Ipinanganak si Tunzi noong 18 Setyembre 1993 sa Tsolo, Eastern Cape sa mga magulang na sina Philiswa Nodapu at Lungisa Tunzi.[3][4] Si Tunzi ay isa sa apat na magkakapatid na babae.[5] Kalaunan ay lumipat siya sa Lungsod ng Cabo at nanirahan sa suburb ng Gardens, upang makapag-aral sa Cape Peninsula University of Technology. Nagtapos siya na may National Diploma sa public relations management noong 2018. Noong 2017, nagtrabaho si Tunzi bilang isang modelo at nanirahan sa East London, Eastern Cape.
Bago ang kanyang pagkapanalo bilang Miss South Africa, nagtapos si Tunzi ng Bachelor of Technology graduate degree sa public relations management sa Cape Peninsula University of Technology, at nagtrabaho bilang isang graduate intern sa public relations department ng Ogilvy Cape Town.
Remove ads
Miss South Africa 2019
Sinimulan ni Tunzi ang kanyang karera sa beauty pageants noong 2017, nang siya ay tinanggap bilang isa sa dalawampu't-anim na mga semi-finalist ng Miss South Africa 2017.[6] Bumalik siya sa pageantry upang lumahok sa Miss South Africa 2019. Noong 26 Hunyo 2019, kinumpirma si Tunzi bilang isa sa Top 35 semi-finalists ng kompetisyon. Pagkatapos ng mga karagdagang audition, inanunsyo si Tunzi bilang isa sa labing-anim na pinalista noong 11 Hulyo.
Matapos mapili bilang isa sa mga pinalista, nagpatuloy si Tunzi upang lumahok sa Miss South Africa 2019 pageant na naganap sa Pretoria noong 9 Agosto. Umabante si Tunzi sa kompetisyon mula sa top ten, pagkatapos sa top five, at panghuli ang top two hanggang sa siya ay kinoronahan bilang Miss South Africa 2019 ng kanyang hinalinhan na si Tamaryn Green. Ang kanyang runner-up ay si Sasha-Lee Olivier na siyang ipinadala sa Miss World 2019.
Kasunod ng kanyang panalo, tumanggap si Tunzi ng mga premyo kabilang ang R1 milyon, isang bagong kotse, at isang apartment na kumpleto sa gamit sa kabayanan ng Sandton, Johannesburg na nagkakahalaga ng R5 milyon, para magamit niya sa buong panahon ng kanyang katungkulang. Ang tagumpay ni Tunzi ay nagbigay-daan sa kanya upang kumatawan sa Timog Aprika sa Miss Universe 2019.
Remove ads
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads