Abenida Kalaw

Ang Abenida Kalaw (Ingles: Kalaw Avenue), na dating tinawag na Kalye T.M. Kalaw (T.M. Kalaw Street), ay isang maiksing daan sa distrito ng Ermita sa Maynila, Pilipinas. Bumubuo ito sa katimugang hangganan ng Liwasang Rizal at dumadaan mula silangan pakanluran, mula Kalye San Marcelino hanggang Bulebar Roxas. Nagsisimula ito bilang isang daang apat ang mga linya sa sangandaan nito sa Kalye San Marcelino. Lalawak ito at magiging apat ang mga linya at hinahatian sa gitna paglampas ng Abenida Taft sa kahabaan nito sa may Liwasang Rizal. Ang haba nito ay 1.1 kilometro (0.7 milya). May maiksing karugtong ito patungo sa tinambak na lugar (reclaimed area) ng Luneta at Quirino Grandstand bilang South Drive. Itinakda ang bahagi ng abenida mula Abenida Taft hanggang Bulebar Roxas bilang isang pambansang lansangan ng sistema ng lansangang bayan sa Pilipinas bilang N155.^[2]

Abenida Kalaw Kalaw Avenue
Kalye T.M. Kalaw (T.M. Kalaw Street)
Abenida Kalaw pasilangan mula sa sangandaan nito sa Kalye Del Pilar.
Impormasyon sa ruta
Pinangangasiwaan ng Kagawaran ng mga Pagawain at Lansangang Bayan[1]
Haba	1.1 km (0.7 mi)
Bahagi ng	N155 mula Abenida Taft hanggang Bulebar Roxas
Pangunahing daanan
Dulo sa silangan	N181 (Kalye San Marcelino)
	N170 (Abenida Taft) Abenida Maria Orosa Kalye Mabini Kalye Del Pilar
Dulo sa kanluran	AH26 / N120 (Bulebar Roxas)
Lokasyon
Mga pangunahing lungsod	Maynila
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Pinangalanan ang abenida mula kay Teodoro Kalaw, isang mambabatas, edukador, at mananalaysay noong panahon ng Komonwelt na nangungkulan din bilang tagapamahala ng Pambansang Aklatan na matatagpuan sa abenida. Dati itong tinawag na Kalye San Luis (Ingles: San Luis Street, Espanyol: Calle San Luis).^[3][4]

Tingnan din

• Talaan ng mga lansangan sa Kalakhang Maynila