Mga Aklat ng mga Kronika

Ang Mga Aklat ng mga Kronika, Mga Aklat ng mga Paralipomeno^[1], o Mga Aklat ng Kasaysayan (Ebreo: דברי הימים, divre hayamim, "mga bagay ng mga araw") ay tumutukoy sa dalawang aklat na nasa Lumang Tipan ng Bibliya. Kabilang dito ang 1 Kronika at 2 Kronika.^[1]

Mga Aklat ng Bibliya

Tanakh o Lumang Tipan Torah Aklat ng Genesis Aklat ng Exodo Aklat ng Levitico Deuteronomio Aklat ng mga Bilang Neviim (Propeta) Aklat ni Josue Aklat ng mga Hukom 1 Samuel 2 Samuel 1 Hari 2 Hari Aklat ni Isaias Aklat ni Jeremias Aklat ni Sofonias Aklat ni Hageo Aklat ni Zacarias Aklat ni Malakias Ketuvim (Kasulatan) Aklat ng mga Awit Aklat ng mga Kawikaan Aklat ni Rut Awit ni Solomon Eclesiastes Aklat ng mga Panaghoy Aklat ni Ester Aklat ni Daniel Aklat ni Esdras Aklat ni Nehemias Mga Aklat ng mga Kronika Deuterocanon(Ikalawang Kanon) Aklat ni Tobit Aklat ni Judith 1 Macabeo 2 Macabeo Karunungan ni Solomon Sirach Aklat ni Baruc Mga Karagdagan sa Esther Mga Karagdagan sa Daniel Awit ng Tatlong Kabataan Aklat ni Susana Si Bel at ang Dragon Kanon ng Silangang Ortodokso Panalangin ni Manases 1 Esdras 2 Esdras Awit 151 3 Macabeo 4 Macabeo Kanon ng Simbahang Etiopano Aklat ni Enoch Josippon Meqabyan Bagong Tipan Mateo Marcos Lucas Juan Mga Gawa Mga Sulat Mga Sulat ni Pablo Mga Taga-Roma 1 Mga Taga-Corinto 2 Mga Taga-Corinto Mga Taga-Galacia Mga Taga-Efeso Mga Taga-Filipos Mga Taga-Colosas 1 Mga Taga-Tesalonica 2 Mga Taga-Tesalonica 1 Timoteo 2 Timoteo Tito Filemon Mga Hebreo Santiago 1 Pedro 2 Pedro 1 Juan 2 Juan 3 Juan Judas Aklat ng Pahayag

t u b Ketuvim
Tatlong Poetikong Aklat
1. Tehillim (Mga Awit)
2. Mishle (Mga Kawikaan)
3. Iyyov (Job)
Limang Megilla
4. Shir haShirim (Awit ng mga Awit)
5. Rut
6. Ekha (Mga Panaghoy)
7. Kohelet (Mangangaral)
8. Ester
Mga Ibang Aklat
9. Daniyyel (Daniel)
10. Ezra-Neẖemya (Esdras-Nehemias)
11. Divre haYamim (Mga Kronika)

Pamagat

Katumbas ng Mga Aklat ng mga Paralipomeno sa Bibliyang Ebreo ang pamagat na Mga Aklat ng mga Kronika. Nangangahulugang "kasaysayan" ang salitang Kronika o Cronica. Sa wikang Ingles, ito ang mga Chronicle (bigkas: Kronikel). Nang masalin sa Griyego napalitan ang pamagat nito, kaya naging Mga Paralipomeno, na nangangahulugang "mga nakaligtaan" o "mga nakalimutang" bahagi na dapat naisama sa mga naunang Aklat ng mga Hari ng Bibliya.^[1]

May-akda at layunin

Pinaniniwalaan na si Esdras, o kaya isang Levita mula sa Herusalem, ang sumulat ng mga aklat na ito. At naging layunin ng may-akda ng mga aklat na ito ang maipakita ang pagsubaybay ng Diyos sa mga naging hari ng Juda, partikular na kung magiging matapat ang mga ito sa mga batas na itinagubilin ng Panginoon nilang Diyos. Tinatayang nasulat ang mga librong ito noong mga 300 BC.^[1]

Pinaniniwalaan din na isang mang-aawit ang Levitang sumulat sa Unang Aklat ng mga Paralipomeno, at naisulat ang libro noong mga huling bahagi ng ika-4 na daantaon BC.^[2]

Layunin ng Paralipomeno na bigyang diin ang cultus o malapananampalatayang bahagi ng Hudaismo, di-tulad sa Mga Aklat ng mga Hari, kung saan ito kadalasang sumasalungat.^[3]

Paglalarawan

Katulad ang paksa ng Mga Aklat ng mga Paralipomeno sa mga tinatatalakay sa Aklat ng Henesis at Mga Hari, partikular na ang paglikha sa sandaigdigan magpahanggang sa pagkakadala at pagkakabihag ng mga mamamayan ng Kaharian ng Juda sa Babilonia.^[1]

Mga bahagi

Unang aklat

Binubuo ng dalawang bahagi ang Unang Aklat ng mga Paralipomeno:

• Mga Kalahian (1-9)
• Kasaysayan ni David (10-29)

Pangalawang aklat

Binubuo ng dalawa ring bahagi ang Ikalawang Aklat ng mga Paralipomeno:

• Kasaysayan ng Paghahari ni Solomon (1-9)
• Kasaysayan ng Ibang mga Hari ng Juda (10-36)

Buod at panahon

Ang dalawang aklat ng mga Paralipomeno o Kronika ay dating iisang libro lamang na pinaghiwalay ng lumaon. Kaparis ng mga Una (o 3 Mga Hari) at Ikalawang Aklat ng mga Hari (o 4 Mga Hari) ang kapanahunang nilalahad sa mga pahina ng mga libro ng mga Kasaysayan o Kronika, bagaman may mga kaganapan at mga tauhan tinanggal, katulad ng mga propetang sina Elijah at Elisha, samantalang may mga nadagdag namang ibang mga materyal at binigyang diin ang mga kaugnay sa pananampalataya.^[2]

Unang aklat

Isinasalaysay sa Unang Aklat ng mga Paralipomeno ang mahabang panahon ng paghahari at kagitingan ni Haring David, kasama ang mga paghahanda sa pagtatayo ng isang templo sa Herusalem at ang mga nararapat na isagawang ritwal sa templong iyon.^[2]

Pangalawang aklat

Nagsimula ang Ikalawang Aklat ng mga Paralipomeno sa paglalarawan ng kadakilaan ng paghahari ni Haring Solomon, anak ng haring si David. Binibigyang tuon ang lubos na kagustuhan ni Solomon sa pagtatayo ng templo sa Herusalem at ang pagbabalangkas ng mga gawaing maipaglilingkod nito sa mga mamamayan. Karamihan sa nilalaman ng libro ang naglalahad sa panahon ng pagkakaroon ng mga pagkakahati sa monarkiyang sumunod kay Haring Solomon makaraan itong mamamatay. Hindi gaanong binigyan ng pansin ng hindi nakikilalang may-akda ang "hilagang kaharian" sapagkat kinalimutan ng "sampung tribo" ito ang pagsamba sa Diyos, kaya't hindi na sila kumakatawan sa tunay na Israel. Para sa may-akda, ang kaharian ng Judah - ang "katimugang kaharian" - ang siyang nananatiling "piniling mga mamamayan" ng Diyos. Tinatanggap ng may-akda ng ikalawang aklat na ito ang pananaw mula sa aklat ng Deuteronomio, na sanhi ng kasalanan at pagkukulang ng sangkabansaan ang suliraning ng buong sambayanan. At binibigyang diin din ng may-akda ang paniniwalang "nagmumula ang mga biyaya mula sa pagbibigay-galang sa batas ng Diyos."^[2]

Tingnan din

• Kaharian ng Israel

Mga sanggunian

1. Abriol, Jose C. (2000). "Mga Aklat ng mga Paralipomeno". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077.{{cite ensiklopedya}}: CS1 maint: date auto-translated (link)
2. Reader's Digest (1995). "1 Chronicles at 2 Chronicles". The Reader's Digest Bible, Illustrated Edition (Condensed from the Revised Standard Version: Old and New Testaments). The Reader's Digest Association, Inc., Pleasantville, London/New York/Montreal/Sydney/Auckland/Cape Town, ISBN 0276420136.{{cite ensiklopedya}}: CS1 maint: date auto-translated (link)
3. The Jewish Study Bible. 2004. OUP: New York.

Panlabas na kawing

Unang Aklat ng mga Paralipomeno

• Unang Aklat ng mga Paralipomeno (1 Chronicles), mula sa Ang Dating Biblia (1905)
• Unang Aklat ng mga Cronica, mula sa Ang Biblia, AngBiblia.net

Ikalawang Aklat ng mga Paralipomeno

• Ikalawang Aklat ng mga Paralipomeno (2 Chronicles), mula sa Ang Dating Biblia (1905)
• Ikalawang Aklat ng mga Cronica, mula sa Ang Biblia, AngBiblia.net