Lalawigan ng Trat
From Wikipedia, the free encyclopedia
Ang Lalawigan ng Trat (Thai: ตราด,binibigkas [tràːt]), na binabaybay rin bilang lalawigan ng Trad, ay isa sa pitumpu't pitong lalawigan ng Thailand (changwat), at matatagpuan sa rehiyon ng Silangang Taylandiya. May hangganan ito sa lalawigan ng Chanthaburi sa hilagang-kanluran, at Camboya at mga lalawigan nito ng Pailin, Battamabang, Pursat, at Koh Kong sa hilaga, hilagang-silangan at silangan nito. Sa timog, nasa hangganan nito ang Golpo ng Taylandiya at Karagatang Pasipiko. Sa Taylandiya, ito ang ika-15 pinakamaliit na lalawigan sa 2,819 km 2 at ika-4 na lalawigan na may pinakamaliit na populasyon sa 229,958 noong 2019. Ang kabisera nito ay bayan ng Trat.
Trat ตราด | |||
|---|---|---|---|
 | |||
| |||
 Map of Thailand highlighting Trat province | |||
| Mga koordinado: 12°24′N 102°31′Ecenter of province | |||
| Bansa | Thailand | ||
| Kabesera | Trat | ||
| Pamahalaan | |||
| • Gobernador | Chamnanwit Terat (simula Oktubre 2021) | ||
| Lawak | |||
| • Kabuuan | 2,819 km2 (1,088 milya kuwadrado) | ||
| Ranggo sa lawak | Ika-62 | ||
| Populasyon (2019)[2] | |||
| • Kabuuan | 229,958 | ||
| • Ranggo | Ika-74 | ||
| • Kapal | 81.57/km2 (211.3/milya kuwadrado) | ||
| • Ranggo sa densidad | Ika-60 | ||
| Human Achievement Index | |||
| • HAI (2017) | 0.6049 "somewhat high" Ika-27 | ||
| Sona ng oras | UTC+7 (ICT) | ||
| Postal code | 23xxx | ||
| Calling code | 039 | ||
| Kodigo ng ISO 3166 | TH-23 | ||
Sa panahon ng kaharian ng Ayutthaya, ang Trat ay naging isang mahalagang lokasyon para sa kalakalan. Sa panahon ng krisis sa Paknam noong 1893, sinakop ng mga sundalong Pranses ang lalawigan, kung saan ibinigay ng Siam ang Trat sa kolonyal na pamamahala ng Pransiya bilang kapalit ng lalawigan ng Chanthaburi. Gayunpaman, ang Trat ay ibinalik sa Siam noong 1907 bilang kapalit ng lupain ng Siames sa tabi ng ilog ng Mekong.
Ang Trat ay 315 km mula sa Bangkok.[4] Ang lalawigan din ay nagsisilbing pangunahing sentro para sa pagtatanim ng prutas, pagmimina ng hiyas at pangingisda sa rehiyon.[5]
Ang Trat ay pinaniniwalaan na isang korupsiyon ng "Krat"(กราด) ang pangalang Taylandes para sa punong Dipterocarpus intricatus, karaniwan sa rehiyon at ginagamit sa paggawa ng mga walis.[6] Ito rin ay binabaybay na Trad.[7][8][9]
Ang lalawigan ay sumasaklaw sa isang lupain na 2,917 square kilometre (1,126 mi kuw).[10] Ang kabuuang lugar ng kagubatan ay 899 square kilometre (347 mi kuw) o 31.4 porsiyento ng lawak ng lalawigan. [11]
Ang kasaysayan ng Trat ay matutunton pabalik sa unang bahagi ng ika-17 siglo sa panahon ng paghahari ni Haring Prasat Thong ng Kahariang Ayutthaya. Dating kilala bilang Mueang Thung Yai, ang Trat ay may mahalagang papel sa pag-unlad ng katatagan at ekonomiya ng bansa dahil sa estratehikong lokasyon nito. Ang bayan ng Trat ay naging komunidad ng mga mangangalakal na Tsino.
Matapos ang pagbagsak ng Ayutthaya sa Burmes noong 1767, ang Trat ay nagsilbing checkpoint at lungsod buffer at responsable sa pagbibigay ng mga probisyon kay Haring Taksin ang Dakila bago niya inilipat ang kanyang mga puwersa mula Chanthaburi patungong Ayutthaya. Nagtagumpay si Haring Taksin na palayasin ang mga mananakop na Burmese at pinalaya ang kaharian mula sa pamamahala ng dayuhan.
Sa panahon ng Rattanakosin, noong 1893 krisis sa Paknam, dumaong at sinakop ng mga tropang Pranses ang kanlurang bahagi ng lalawigan ng Chantaburi. Noong 1904, napilitan si Siam na isuko ang Trat sa Indotsinang Pranses upang mabawi ang Chantaburi. Pagkaraan ng tatlong taon, gayunpaman, nang makitang mahirap pamunuan ang Trat kasama ang halos buong populasyon nitong Taylandes, ibinalik ng mga Pranses ang Trat sa Thailand noong Marso 23, 1907, kapalit ng mas malalaking lugar sa tabi ng ilog ng Mekong, na kinabibilangan ng Battambang, Siemreap, at Serei Sophoan, na lahat ay may populasyong karamihang Khmer.
Pamahalaang panlalawigan
Ang lalawigan ay nahahati sa pitong distrito (amphoe). Ang mga ito ay nahahati pa sa 38 subdistrito (tambon) at 261 nayon (muban).
- Mueang Trat /məʊŋtrɑt/
- Khlong Yai /klɔŋjɑɪ/
- Khao Saming /kăo-sà-mĭŋ/
- Bo Rai bɔː rɑɪ/
- Laem Ngop /læmŋɔːb/
- Ko Kut gɔguːd/
- Ko Chang /gɔtʃɑːŋ/
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
