![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/Strix_uralensis%252C_Kotka%252C_Finland_1.jpg/640px-Strix_uralensis%252C_Kotka%252C_Finland_1.jpg&w=640&q=50)
Kuwagong Ural
From Wikipedia, the free encyclopedia
Ang kuwagong Ural (Strix uralensis) ay isang may kalakihang panggabing kuwago. Kasapi ito sa pamilya ng totoong kuwago na Strigidae. Kasapi ang kuwagong Ural sa genus na Strix, na ito rin ang pinagmulan ng pangalan ng pamilya sa ilalim ng taksonomiya ni Linnaeus.[2] Tumutukoy ang parehong karaniwang pangalan at siyentipikong pangalan sa mga Bulubunduking Ural sa Rusya kung saan ang tipong muwestra ay nakolekta. Bagaman, may labis na malawak na distribusyon ang espesyeng na lumalagpas sa malayong kanluran hanggang sa Skandinabya, mabundok na silangang Europa, at, kalat-kalat, sa gitnang Europa sa ibayo ng Paleartiko marami sa Rusya hanggang sa malayong silangan sa Sakhalin at sa buong Hapon.[1][3] Maaring kabilang ang kuwagong Ural sa hanggang 15 sub-espesye, ngunit malamang na ang bilang ay maaring mas kaunti kung isasama ang klinal na baryasyon.[4]
Kuwagong Ural | |
---|---|
![]() | |
Katayuan ng pagpapanatili | |
Klasipikasyong pang-agham ![]() | |
Dominyo: | Eukaryota |
Kaharian: | Animalia |
Kalapian: | Chordata |
Hati: | Aves |
Orden: | Strigiformes |
Pamilya: | Strigidae |
Sari: | Strix |
Espesye: | S. uralensis |
Pangalang binomial | |
Strix uralensis Pallas, 1771 | |
![]() |
![Thumb image](http://upload.wikimedia.org/wikipedia/commons/thumb/2/2d/Strix_uralensis_uralensis_MHNT.ZOO.2010.11.158.4.jpg/640px-Strix_uralensis_uralensis_MHNT.ZOO.2010.11.158.4.jpg)
Tipikal na naiuugnay ang kuwagong gubat na ito sa napakalawak na gubat na taiga sa Eurosiberia, bagaman, sumasaklaw ito sa ibang mga uri ng gubat, kabilang ang mga pinaghalong gubat at templadong nalalagasang kagubatan.[4][5] Ang kuwagong Ural ay isang hayop na may pangkalahatang diyeta tulad ng maraming mga kasapi ng genus na Strix, ngunit kadalasan umaasa ito sa maliit na mga mamalya, lalo na sa maliit na mga rodentia tulad ng mga vole.[3][6] Sa usaping tumgkol sa gawi nila sa reproduktibo, humihilig ang mga kuwagong Ural sa masiglang pagsanggalang sa isang tinakdang teritoryo kung saan naroon ang kanilang likas na mga pugad kabilang ang mga kabidad ng puno at pinagputulan at mga pugad na orihinal na itinayo ng ibang mga ibon subalit ngayon, sa maraming mga bahagi ng saklaw ay umayon na sa mga kahong pugad na ginawa ng mga biyolohista at konserbasyonista.[7][8] Ang madalas na matagumpay na pagkaroon ng anak ay matibay na naiuugnay sa mga populasyon ng mga sisilain.[9] Sa pangkalahatan, tinuturing ang kuwagong Ural na isang matatag na espesye, na may katayuan sa pagpapanatili na "Pinakamaliit na Pag-alala" na espesye ayon sa IUCN.[1] Sa kabila ng ilang lokal na pagbaba at pagkalipol, natulungan ang kuwagong Ural sa gitnang Europa sa pamamagitan ng muling pagpapakilala.[10]