![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/te/thumb/d/d8/%25E0%25B0%25B5%25E0%25B0%2582%25E0%25B0%25A6%25E0%25B1%2587%25E0%25B0%25AE%25E0%25B0%25BE%25E0%25B0%25A4%25E0%25B0%25B0%25E0%25B0%2582_%25E0%25B0%25B6%25E0%25B1%258D%25E0%25B0%25B0%25E0%25B1%2580%25E0%25B0%25A8%25E0%25B0%25BF%25E0%25B0%25B5%25E0%25B0%25BE%25E0%25B0%25B8%25E0%25B1%258D.jpg/640px-%25E0%25B0%25B5%25E0%25B0%2582%25E0%25B0%25A6%25E0%25B1%2587%25E0%25B0%25AE%25E0%25B0%25BE%25E0%25B0%25A4%25E0%25B0%25B0%25E0%25B0%2582_%25E0%25B0%25B6%25E0%25B1%258D%25E0%25B0%25B0%25E0%25B1%2580%25E0%25B0%25A8%25E0%25B0%25BF%25E0%25B0%25B5%25E0%25B0%25BE%25E0%25B0%25B8%25E0%25B1%258D.jpg&w=640&q=50)
వందేమాతరం శ్రీనివాస్
సంగీత దర్శకుడు / From Wikipedia, the free encyclopedia
వందేమాతరం శ్రీనివాస్ ప్రసిద్ధి చెందిన తెలుగు సినిమా గాయకుడు, గీత రచయిత, సంగీత దర్శకుడు. తెలుగు, తమిళ, కన్నడ, హిందీ భాషల్లో 250కి పైగా సినిమాలకు సంగీత దర్శకత్వం వహించాడు. సినిమాలకే కాక టీవీ సీరియళ్ళకు కూడా నేపథ్య సంగీతం అందించాడు. 9 నంది అవార్డులు, 9 సార్లు భరతముని పురస్కారాలు, 6 సార్లు మద్రాసు కళాసాగర్ అవార్డు, సాలూరి రాజేశ్వర రావు, ఎం. ఎస్. విశ్వనాథన్ స్మారక పురస్కారాలు అందుకున్నాడు.[1]
టి. కృష్ణ వందేమాతరం సినిమాలో వందేమాతర గీతం వరసమారుతున్నది అనే పాటతో నేపథ్య గాయకుడిగా పరిచయమయ్యాడు. ఈ పాటతో తన పేరులో వందేమాతరం వచ్చి చేరింది.[2] ఇతడు ప్రజా నాట్యమండలి లో గాయకుడిగా ఉంటూ తదనంతరం ప్రజా ఉద్యమాల దర్శకుడిగా ప్రఖ్యాతి పొందిన ఆర్.నారాయణమూర్తి సినిమాలతో వెలుగులోకొచ్చాడు. అతడి సినిమాలకే అత్యధికంగా సంగీతాన్ని అందించి, పలు గీతాలు రాయడం, పాడటం చేసాడు. అమ్ములు అనే చిత్రంలో హీరో పాత్రలో నటించాడు. విప్లవ చిత్రాలతో గుర్తింపు పొందిన శ్రీనివాస్, దేవుళ్ళు చిత్రంలో భక్తి పరమైన గీతాలను సృష్టించి ఆ చిత్రాన్ని విజయవంతం చేయడంలో ముఖ్య భూమిక పోషించారు.