నరేంద్ర మోదీ స్టేడియం (గతంలో మోటెరా స్టేడియం) అనేది భారతదేశంలోని అహ్మదాబాద్లోని సర్దార్ వల్లభ్భాయ్ పటేల్ స్పోర్ట్స్ కాంప్లెక్స్లో ఉన్న క్రికెట్ స్టేడియం. ఇది 1,32,000 మంది ప్రేక్షకులు కూర్చునే సామర్థ్యంతో ప్రపంచంలోనే అతిపెద్ద స్టేడియం.[1][2] ఇది గుజరాత్ క్రికెట్ అసోసియేషన్ యాజమాన్యంలో ఉంది. టెస్ట్, వన్ డే ఇంటర్నేషనల్, ట్వంటీ20 ఇంటర్నేషనల్, ఇండియన్ ప్రీమియర్ లీగ్ క్రికెట్ మ్యాచ్లకు ఆతిథ్యం ఇచ్చింది.[3]
1982 లో నిర్మించిన ఈ స్టేడియం పేరు సర్దార్ పటేల్ స్టేడియం అని ఉండేది. 2020 ఫిబ్రవరిలో భారత ప్రధాని నరేంద్ర మోడీ గౌరవార్థం స్టేడియం పేరును మార్చారు. దాని సామర్థ్యాన్ని పెంచడానికి, దాని సౌకర్యాలను ఆధునీకరించడానికి 2015 - 2020 మధ్య గణనీయంగా పునర్నిర్మాణాలు జరిగాయి. పునరుద్ధరించిన స్టేడియాన్ని రాష్ట్రపతి రామ్నాథ్ కోవింద్ 2020 ఫిబ్రవరి 24న ప్రారంభించాడు.
స్టేడియంలో 360-డిగ్రీల LED స్కోర్బోర్డ్, నాలుగు డ్రెస్సింగ్ రూమ్లు, ప్రాక్టీస్ గ్రౌండ్లు, ఇండోర్ క్రికెట్ అకాడమీ, అనేక హాస్పిటాలిటీ బాక్స్లు వంటి అత్యాధునిక సౌకర్యాలు ఉన్నాయి. గుజరాత్ క్రికెట్ అసోసియేషన్ (GCA) ప్రధాన కార్యాలయం ఇక్కడే ఉంది.
క్రికెట్తో పాటు, నరేంద్ర మోడీ స్టేడియం కచేరీలు, ప్రదర్శనలు వంటి ఇతర కార్యక్రమాలను నిర్వహించింది. ఇది అహ్మదాబాద్లో ఒక ప్రముఖ మైలురాయిగా మారింది. క్రికెట్ పట్ల భారతదేశ అభిరుచికి చిహ్నంగా మారింది.
ఈ స్టేడియం 63 ఎకరాల భూమిలో ఉంది. పాత స్టేడియంలోని ఒక ప్రవేశం ఉండగా, ఇందులో మూడు ప్రవేశాలున్నాయి. వీటిలో ఒకదానికి మెట్రో లైన్ ఉంది. ఇందులో ఒక్కొక్క దానిలో 25 మంది ఉండగలిగే 76 కార్పొరేట్ పెట్టెలు,[4] 55-గది క్లబ్హౌస్, ఒలింపిక్ సైజు స్విమ్మింగ్ పూల్,[4][5] నాలుగు డ్రెస్సింగ్ రూమ్లు ఉన్నాయి. క్రికెట్ గ్రౌండ్స్లో సాధారణ ఫ్లడ్లైట్లకు బదులుగా పైకప్పుపై LED లైట్లు పెట్టడం ఈ స్టేడియం. ఈ స్టేడియాన్ని స్తంభాలు లేకుండా నిర్మించారు. స్టేడియంలోని ఏ ప్రదేశం నుండి అయినా ప్రేక్షకులకు అడ్డంకులేమీ లేకుండా మైదానం మొత్తం కనిపిస్తుంది
ప్రధాన మైదానం కాకుండా, స్టేడియంలో అనేక ఇతర సౌకర్యాలు కూడా ఉన్నాయి. ఒలింపిక్-పరిమాణంలో స్విమ్మింగ్ పూల్, ఇండోర్ క్రికెట్ అకాడమీ, బ్యాడ్మింటన్, టెన్నిస్ కోర్టులు, స్క్వాష్ అరేనా, టేబుల్ టెన్నిస్ ప్రాంతం, 3D ప్రొజెక్టర్ థియేటరు, మూడు ప్రాక్టీస్ మైదానాలు, 50 గదులతో క్లబ్హౌస్ ఈ సౌకర్యాల్లో కొన్ని.[6] 3,000 కార్లు, 10,000 ద్విచక్ర వాహనాలు పట్టే పార్కింగ్ స్థలం ఉంది. స్టేడియంలో ఏకకాలంలో దాదాపు 60,000 మంది ప్రజలు వెళ్ళేందుకు వీలుగా రూపొందించిన భారీ ర్యాంప్ కూడా ఉంది.
స్టేడియం మొత్తం వైశాల్యం 32 ఫుట్బాల్ మైదానాలకు సమానం. ప్రధాన మైదానంలో 11 సెంటర్ పిచ్లు ఉన్న ప్రపంచంలోని ఏకైక క్రికెట్ స్టేడియం ఇది.[7]
భారతదేశంలో జరిగిన క్రికెట్ ప్రపంచ కప్లన్నిటి లోనూ సర్దార్ పటేల్ స్టేడియంలో వన్డే ఇంటర్నేషనల్ పోటీలు జరిగాయి
1987 క్రికెట్ ప్రపంచ కప్
|
v |
|
|
|
నవజ్యోత్ సింగ్ సిద్ధు 55(61) PW రాసన్ 46/2 |
భారతదేశం 7 వికెట్లతో గెలిచింది సర్దార్ పటేల్ స్టేడియం, మోతేరా, అహ్మదాబాదు అంపైర్లు: డేవిడ్ ఆర్చర్, డికీ బర్డ్ ప్లేయర్ ఆఫ్ ది మ్యాచ్: కపిల్ దేవ్ |
- భారత్ టాస్ గెలిచి ఫీల్డింగు ఎంచుకుంది
1996 క్రికెట్ ప్రపంచ కప్
|
v |
|
|
|
గ్రేం హిక్ 85(102) Dion Nash 26/3 |
- ఇంగ్లాండ్ టాస్ గెలిచి ఫీల్డింగు ఎంచుకుంది
2011 క్రికెట్ ప్రపంచ కప్
- ఆస్ట్రేలియా టాస్ గెలిచి బ్యాటింగు ఎంచుకుంది
|
v |
|
Brendan Taylor 44(57) Tim Southee 29/3 |
|
|
- జింబాబ్వే టాస్ గెలిచి బ్యాటింగు ఎంచుకుంది
పాత మైదానంలో (సర్దార్ పటేల్ స్టేడియంగా ఉన్నప్పుడు) ఇక్కడ జరిగిన కొన్ని ముఖ్యమైన సంఘటనలు
- మొదటి డే నైట్ టెస్ట్ మ్యాచ్ 2021 ఫిబ్రవరి 24న భారత్ vs ఇంగ్లాండ్ మధ్య జరిగింది [8]
- సునీల్ గవాస్కర్ 1986-87లో పాకిస్థాన్పై టెస్టు క్రికెట్లో 10,000 పరుగులు పూర్తి చేశాడు.[9]
- ఈ మైదానంలో జరిగిన తొలి మ్యాచ్లో ఒక ఇన్నింగ్స్లో 9 వికెట్లు తీసిన కపిల్ దేవ్, 1994లో సర్ రిచర్డ్ హ్యాడ్లీ రికార్డును అధిగమించేందుకు టెస్ట్ క్రికెట్లో తన 432వ వికెట్ను సాధించాడు [9]
- 1999 అక్టోబరులో, సచిన్ టెండూల్కర్ తన మొదటి టెస్ట్ మ్యాచ్లో న్యూజిలాండ్తో జరిగిన మ్యాచ్లో డబుల్ సెంచరీని సాధించాడు.
- సచిన్ టెండూల్కర్ 2009 నవంబరు 16న శ్రీలంకపై స్టేడియంలో తన 20 సంవత్సరాల అంతర్జాతీయ క్రికెట్ను పూర్తి చేసుకున్నాడు. అదే ఆటలో సచిన్ టెండూల్కర్ అంతర్జాతీయ క్రికెట్లో 30,000 పరుగుల మైలురాయిని చేరుకున్నాడు.
- 2011 క్రికెట్ ప్రపంచ కప్ సందర్భంగా ఆస్ట్రేలియాతో జరిగిన మ్యాచ్లో సచిన్ టెండూల్కర్ ఒక రోజు క్రికెట్లో 18,000 పరుగులు చేసిన తొలి క్రికెటర్గా నిలిచాడు.
- 2008లో దక్షిణాఫ్రికా పర్యటనలో భాగంగా భారత్తో జరిగిన రెండో టెస్టులో AB డివిలియర్స్ తన మొదటి డబుల్ సెంచరీని సాధించాడు.
ప్రస్తుత మైదానంలో
- గుజరాత్ టైటాన్స్, రాజస్థాన్ రాయల్స్ మధ్య IPL 2022 ఫైనల్. ఐపీఎల్లో చేరిన సంవత్సరమే టైటాన్స్ టోర్నమెంటు గెలుచుకుంది.[10] ఈ ఈవెంట్కు 1,04,859 మంది హాజరయ్యారు, ఇది స్టేడియం చరిత్రలో అత్యధికం.[11]
- IPL 2022 ఫైనల్లో జోస్ బట్లర్ 39 పరుగులు చేసి సీజన్లో మొత్తం 863 పరుగులతో సీజన్ను ముగించాడు, ఇది ఆ సమయంలో IPL చరిత్రలో రెండవ అత్యధికం.[12]
- IPL 2023 ఫైనల్ టైటాన్స్, చెన్నై సూపర్ కింగ్స్ మధ్య. అతని 250వ IPL మ్యాచ్లో, MS ధోని CSK వారి ఐదవ IPL విజయానికి సారథ్యం వహించాడు, అత్యధిక IPL ట్రోఫీలను ముంబై ఇండియన్స్తో సమం చేశాడు.[13]
- ఇదే పద్ధతిలో, IPL 2023 ఫైనల్లో శుభ్మాన్ గిల్ 39 పరుగులు చేసి బట్లర్ రికార్డును బద్దలు కొట్టాడు, సీజన్ను 890 పరుగులతో ముగించాడు, ఇది IPL చరిత్రలో రెండవ అత్యధికం.[14]
టెస్ట్ మ్యాచ్ రికార్డులు
- అత్యధిక ఇన్నింగ్స్ మొత్తం : శ్రీలంక 760/7d – భారత్ v శ్రీలంక, 2వ ఇన్నింగ్స్, 2009 నవంబరు 16
- అత్యల్ప ఇన్నింగ్స్ మొత్తం : భారత్ 76 – భారత్ v సౌతాఫ్రికా, 1వ ఇన్నింగ్స్, 2008 ఏప్రిల్ 3
- అత్యధిక వ్యక్తిగత స్కోరు : మహేల జయవర్ధనే 275 (435) (4సె-27 6సె-1) – శ్రీలంక v భారత్, 2009 నవంబరు 16
- అత్యుత్తమ బౌలింగ్ : (ఇన్నింగ్స్లో) కపిల్ దేవ్ 9/83 – భారత్ v వెస్టిండీస్, 1983 నవంబరు 12 (ఒక మ్యాచ్లో) అక్షర్ పటేల్ 11/70 – ఇండియా v ఇంగ్లాండ్, 2021 ఫిబ్రవరి 13
- అత్యధిక పరుగులు : రాహుల్ ద్రవిడ్ (భారత్) 771 పరుగులు (మ్యాట్: 7 ఇన్: 14 హెచ్ఎస్: 222 సగటు: 59.30 ఎస్ఆర్: 49.10 100సె-3 50సె-1), సచిన్ టెండూల్కర్ - 642 పరుగులు, వివిఎస్ లక్ష్మణ్ - 574 పరుగులు
- అత్యధిక వికెట్లు : అనిల్ కుంబ్లే (భారతదేశం) 36 వికెట్లు (మ్యాట్:7 పరుగులు:964 BBI:7/115 BBM: 10/233 Ave:26.77 Econ: 2.29 SR: 70.1 5W/I: 3 10W/M:1), హర్భజన్ సింగ్ - 29 వికెట్లు, కపిల్ దేవ్ - 14 వికెట్లు
వన్డే ఇంటర్నేషనల్ మ్యాచ్ రికార్డులు
- అత్యధిక మొత్తం : దక్షిణాఫ్రికా 365/2 – భారత్ v సౌతాఫ్రికా, 1వ ఇన్నింగ్స్, 2010 ఫిబ్రవరి 27
- అత్యల్ప మొత్తం : జింబాబ్వే 85 – జింబాబ్వే v వెస్టిండీస్, 1వ ఇన్నింగ్స్, 2006 అక్టోబరు 8
- అత్యధిక వ్యక్తిగత స్కోరు : సౌరవ్ గంగూలీ 144 (బంతులు: 152 4x8 6x6) – భారత్ v జింబాబ్వే, 2000 డిసెంబరు 5
- ఉత్తమ బౌలింగ్ : మిచెల్ జాన్సన్ 4/19 (9.2 ఓవర్లు) - ఆస్ట్రేలియా v జింబాబ్వే, 2011 ఫిబ్రవరి 21
- అత్యధిక పరుగులు : క్రిస్ గేల్ - 316 పరుగులు, సచిన్ టెండూల్కర్ - 215 పరుగులు
- అత్యధిక వికెట్లు : కపిల్ దేవ్ (భారత్) 10 వికెట్లు (మ్యాట్: 6 పరుగులు: 156 బెస్ట్: 3/26 సగటు: 15.60 ఎకాన్: 3.04), లసిత్ మలింగ – 7 వికెట్లు, క్రిస్ గేల్ - 6 వికెట్లు
"Final (N), Ahmedabad, May 29, 2022, Indian Premier League (Riyan Parag 15*, Obed McCoy 8*, Mohammed Shami 0/33) - Live, RR vs GT, Final, live score, 2022". ESPNcricinfo. Retrieved 2022-05-29.