From Wikipedia, the free encyclopedia
గంగవరం ఓడరేవు (గంగవరం పోర్ట్) ఆంధ్రప్రదేశ్ రాష్ట్రం, విశాఖపట్నంలో ఉన్న ఓడరేవు.[1] దీనిని 2009 జూలైలో 21 మీటర్లు లోతుతో ప్రారంభించారు.[2] దీనిని గంగవరం పోర్ట్ లిమిటెడ్ నిర్వహిస్తుంది. ఇది ప్రత్యేక ప్రయోజన సంస్థ. ఈ సంస్థలో డివిఎస్ రాజు గ్రూప్ (59%), అదానీ పోర్ట్స్ (30%), ఆంధ్రప్రదేశ్ ప్రభుత్వం (11%) వాటాలను కలిగి ఉన్నాయి.
గంగవరం పోర్ట్ | |
---|---|
Location | |
Country | భారతదేశం |
Location | గంగవరం, విశాఖపట్నం |
Coordinates | 17°37′0″N 83°14′0″E |
Details | |
Opened | జులై 2009 |
Operated by | గంగవరం పోర్ట్ లిమిటెడ్ |
Owned by | Adani Ports & SEZ (89.6%) |
Size | 2,800 ఎకరాలు (11 కి.మీ2) |
No. of berths | 9 |
Statistics | |
Annual cargo tonnage | 18.04 million tonnes(2016-17) |
Website www.Gangavaram.com |
ఓడరేవు నిర్మాణం 2005 డిసెంబరులో ప్రారంభమైంది. వాణిజ్య కార్యకలాపాలు 2008 ఆగస్టులో ప్రారంభమయ్యాయి. ఈ నౌకాశ్రయాన్ని 2009 జూలై, 12 న అప్పటి ఆంధ్రప్రదేశ్ ముఖ్యమంత్రి వైయస్ రాజశేఖరరెడ్డి అధికారికంగా ప్రారంభించారు.
బొర్రమ్మ గెడ్డ నది సముద్రంలో కలిసే స్థానంలో ఈ ఓడరేవు ఉంది. గంగవరం, దిబ్బపాలెం గ్రామాల్లోని మత్స్యకారులు, ఓడరేవు నిర్మాణంతో ప్రత్యక్షంగా ప్రభావితమయ్యారు. యారాడ వద్ద ప్రత్యామ్నాయగా చిన్న వంతెననిర్మించాలని, ఉపశమనం, పునరావాసం క్రింద నష్టపరిహారం అందించాలని ప్రభుత్వపై వత్తిడి చేసారు.[3]
డివిఎస్ రాజు గ్రూప్ ఓడరేవు అభివృద్ధిలో రూ18.50 బిలియన్ నిధులను సమకూర్చింది.[1] మొదటి దశ అభివృద్ధికి అదనపు నిధులు సమకూర్చడానికి స్టేట్ బ్యాంక్ ఆఫ్ ఇండియాతో సహా 13 బ్యాంకుల కన్సార్టియం నుండి గంగవరం పోర్ట్ లిమిటెడ్ రూ.11.70 బిలియన్ సొమ్మును అప్పుగా పొందింది.
గంగవరం ఓడరేవు 31.5% వాటాను వార్బర్గ్ పిన్కస్ అనుబంధ సంస్థ విండి లేక్సైడ్ ఇన్వెస్ట్మెంట్ నుండి 1,954 కోట్ల డాలర్లకు (US $ 270 మిలియన్లు) 2021 మార్చి, 3 న అదానీ పోర్ట్స్ కొనుగోలు చేసినట్లు ప్రకటించింది.[4]
గంగవరం ఓడరేవులో డివిఎస్ రాజు గ్రూప్ నుండి 58.1% వాటాను, అదానీ పోర్ట్స్ ప్రకటించని మొత్తానికి పొందటానికి అవకాశం కలిగింది.[5]
గంగవరం పోర్ట్ లిమిటెడ్ మొదటి క్లయింట్, అంతకుముందు విశాఖపట్నం పోర్టును ఉపయోగించకున్న, వైజాగ్ స్టీల్ ప్లాంటును నడుపుతున్న రాష్ట్రీయ ఇస్పాట్ నిగమ్ లిమిటెడ్.[1] రైల్వే రవాణా ఖర్చులను తగ్గించడానికి, దిగుమతి చేసుకున్న ముడి పదార్థాలను నేరుగా వైజాగ్ స్టీల్ ప్లాంట్కు తీసుకెళ్లేందుకు కన్వేయర్లను నిర్మించాలని గంగవరం పోర్ట్ లిమిటెడ్ యోచిస్తోంది.
విశాఖపట్నం ఓడరేవును కలిగిఉన్న కేంద్ర ప్రభుత్వం, విశాఖపట్నం ఓడరేవు, గంగవరం ఓడరేవు ప్రైవేట్ ఆపరేటర్ మధ్య, విశాఖపట్నం నౌకాశ్రయం వ్యాపారం ప్రభావితం కాకుండా చూసుకోవటానికి జాయింట్ వెంచర్ ప్రతిపాదించింది. అయితే ఈ ప్రతిపాదనను అప్పటి ఆంధ్రప్రదేశ్ ముఖ్యమంత్రి ఎన్.చంద్రబాబు నాయుడు తిరస్కరించారు.
విశాఖపట్నం నౌకాశ్రయానికి ఇది పోటీదారుని కాదని, రెండూ ఒకదానికొకటి సహకరించుకుంటాయని ఓడరేవు ప్రారంభోత్సవంలో డివిఎస్ రాజు, విలేకరులతో మాట్లాడుతూ నొక్కి చెప్పాడు.[6]
గంగవరం ఓడరేవు 2,00,000 డిడబ్ల్యుటి వరకు సూపర్ కేప్ సైజు నాళాలను నిర్వహించగలదు. నాలుగు లేన్ల ఫ్లైఓవర్ నిర్ణాణానికి రాష్ట్ర ప్రభుత్వం గంగవరం ఓడరేవుకు రూ: 21 కోట్ల నిధులను కేటాయించింది.[7]
గంగవరం ఓడరేవు 2014-15లో 20.74 మిలియన్ టన్నుల సరుకు రవాణాను నిర్వహించగా, అంతకుముందు ఆర్థిక సంవత్సరంలో 15.81 మిలియన్ టన్నులు సరకు రవాణాను నిర్వహించింది.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.