అనుష్క శెట్టి

అనుష్క శెట్టి (తుళు: ಅನುಷ್ಕ ಶೆಟ್ಟಿ) తెలుగు, తమిళ సినిమా నటీమణి. బెంగుళూరు నగరానికి చెందిన యోగా శిక్షకురాలు అనుష్క అసలు పేరు స్వీటీ శెట్టి. పూరీ జగన్నాధ్ దర్శకత్వంలో నాగార్జున నటించిన సూపర్ చిత్రం ద్వారా ఈమె సినీరంగంలో అడుగుపెట్టింది. ఆ తరువాత ఈమె విక్రమార్కుడు, లక్ష్యం వంటి విజయవంతమైన చిత్రాల ద్వారా తెలుగు చిత్రరంగంలో కథానాయికగా తన స్థానాన్ని పదిలపరచుకుంది. తమిళంలో మాధవన్ సరసన రెండు చిత్రం ద్వారా పరిచయమైంది. అదేవిదంగా బాహుబలి సినిమా ద్వారా భారతదేశంలో ప్రాముఖ్యత కలిగిన సినీతారగా గుర్తింపు తెచ్చుకుంది.

అనుష్క శెట్టి
జన్మ నామం	స్వీటి శెట్టి
జననం	(1980-11-07) 1980 నవంబరు 7 (వయసు 44) మంగుళూరు, కర్ణాటక.
క్రియాశీలక సంవత్సరాలు	2005—ప్రస్తుతం

వ్యక్తిగత జీవితం

మంగుళూరులో పుట్టిన అనుష్క పాఠశాల, కళాశాల విద్య అంతా బెంగుళూరులోనే జరిగింది. ఈమె మాతృభాష తుళు. కుటుంబ సభ్యులు ఈమెను స్వీటీ అని, సన్నిహిత స్నేహితులు టొమ్ములు అని పిలుస్తారు. బెంగుళూరు విశ్వవిద్యాలయానికి అనుసంధానంగా ఉన్న మౌంట్ కార్మెల్ కళాశాలనుండి బి.సి.ఏ పట్టా పొందింది. అయితే కంప్యూటర్ రంగంలో పనిచేసే ఉద్దేశ్యమేమీ లేదని, ఫిట్‌నెస్ రంగంలో పనిచెయ్యాలని ఈమె అభిలాష. ఈమె యోగా శిక్షణ కూడా ఇస్తుంది. ఈమె గురువు ఇటీవల భూమికా చావ్లాను పెళ్ళి చేసుకున్న ప్రఖ్యాత యోగా నిపుణుడు భరత్ ఠాకూర్.సినీ నటుడు నాగార్జున ఈమెను సినీరంగానికి పరిచయం చేశాడు.

అరుంధతి

కోడి రామకృష్ణ దర్శకత్వంలో ప్రముఖ నిర్మాత ఎమ్. శ్యామ్ ప్రసాద్ రెడ్డి నిర్మించిన అరుంధతి సినిమా ఈమె సినిమాలలో ఒక మైలురాయిగా నిలిచి ఈమెను ప్రఖ్యాత నటీమణిగా మార్చింది. ఈ చిత్రంలో అనుష్క అరుంధతి, జేజమ్మ పాత్రలను పోషించింది. 13 కోట్ల పెట్టుబడితో తీసిన ఈ చిత్రం అత్యద్భుత విజయాన్ని సాధించి 68 కోట్లను వసూలు చేసింది. అందులో 10 కోట్లు తమిళనాడు నుండే వసూలయ్యాయి. ఈ సినిమాను తమిళంలో కూడా డబ్బింగ్ చేసి విడుదల చేశారు. సినిమాలో అనుష్క నటనకు విమర్శకుల ప్రశంసలు అందుకున్నది.అనుష్క మొదటీ సినిమాతొనే తనలోని నటిని ఆవిష్కరింఛింది

సినిమా జీవితము

సంవత్సరం	సినిమా	సినిమాలో పాత్ర పేరు	భాష	ఇతర వివరాలు
2005	సూపర్	సాషా	తెలుగు	తొలి పరిచయం
2005	మహానంది	నందినీ	తెలుగు
2006	విక్రమార్కుడు	నీరజా గోస్వామి	తెలుగు
2006	అస్త్రం	అనూష	తెలుగు
2006	రెండు	జ్యోతి	తమిళం
2006	స్టాలిన్		తెలుగు	ప్రత్యేక నృత్యం
2007	లక్ష్యం	ఇందూ	తెలుగు
2007	డాన్	ప్రియా	తెలుగు
2008	ఒక్క మగాడు	భవానీ	తెలుగు
2008	స్వాగతం	శైలూ	తెలుగు
2008	బలాదూర్	భానుమతి	తెలుగు
2008	శౌర్యం	శ్వేతా	తెలుగు
2008	చింతకాయల రవి	సునీతా	తెలుగు
2008	కింగ్		తెలుగు	అతిధి పాత్రలో
2009	అరుంధతి	అరుంధతీ, జేజమ్మ	తెలుగు	ఫిలంఫేర్ తెలుగు ఉత్తమ నటీ బహుమతికి ఎంపిక Nandi Special Jury Award
2009	బిల్లా	మాయా	తెలుగు
2009	వేటకారన్	సుశీలా	తమిళం
2010	కేడి		తెలుగు	అతిధి పాత్రలో
2010	యముడు,సింగం	కావ్యా మహాలింగం	తెలుగు, తమిళం
2010	వేదం	సరోజా	తెలుగు	Filmfare Award for Best Actress - Telugu
2010	పంచాక్షరి	పంచాక్షరీ, హనీ	తెలుగు
2010	ఖలేజా	సుబ్బలక్ష్మీ	తెలుగు
2010	తకిట తకిట	Herself	తెలుగు	అతిథి పాత్రలో
2010	నాగవల్లి[1]	చంద్రముఖీ	తెలుగు	ఫిల్మ్‌ఫేర్ ఉత్తమ నటి – తెలుగు నటీ బహుమతికి ఎంపిక
2010	రగడ	శిరీషా	తెలుగు
2011	వానం	సరోజా	తమిళం
2011	దైవతిరుమగళ్	అనురాధా రాగునతాన్	తమిళం
2012	శకుని	అనుష్కా	తమిళం	అతిధి పాత్రలో
2012	తాండవం(సినిమా)	మీనాక్షీ	తమిళం
2012	ఢమరుకమ్	మహేశ్వరీ	తెలుగు
2013	అలెక్స్ పాండియన్		తమిళం
2013	మిర్చి (2013 సినిమా)	వెన్నెల	తెలుగు
2013	Brindavanomlo Nandakumaradu		తెలుగు
2013	సింగం 2	కావ్యా దురైసింగం	తమిళం
2013	ఇరణ్డాం ఉలగం (వర్ణ)	రమ్యా/వర్ణా	తమిళం	తెలుగులో అనువదించ బడినది
2014	లింగ		తెలుగు తమిళం
2015	ఎన్నై అఱిందాల్ (ఎంతవాడుగాని)	తేన్మోళి	తమిళం
2015	బాహుబలి:ద బిగినింగ్	దేవసేన	తెలుగు
2015	రుద్రమదేవి (సినిమా)	రుద్రమదేవి	తెలుగు తమిళం
2015	సైజ్ జీరొ ఇంజి ఇడుపళగి	సౌందర్యా(స్వీటి)	తెలుగు తమిళం	ద్విభాషా చిత్రం
2016	సోగ్గాడే చిన్నినాయనా	కృష్ణ కుమారి	తెలుగు	అతిది పాత్రలో
2016	ఊపిరి తొళా	నందిని	తెలుగు తమిళం	ద్విభాషా చిత్రం,అతిది పాత్రలో
2017	సింగం 3	కావ్యా	తమిళం
2017	ఓం నమో వేంకటేశాయ	కృష్ణమ్మ	తెలుగు
2017	బాహుబలి:ద కంక్లూజన్	దేవసేనా	తెలుగు తమిళం	ద్విభాషా చిత్రం
2018	భాగమతి	చంచలా, భాగమతి	తెలుగు తమిళం	ద్విభాషా చిత్రం
2019	సైరా నరసింహారెడ్డి	ఝాన్సీ మహారాణి లక్ష్మి భాయ్	తెలుగు తమిళం హిందీ మలయాళం	బహుభాషా చిత్రం, అతిథి పాత్రలో
2020	నిశ్శబ్దం[2]	సాక్షి	తెలుగు తమిళం ఆంగ్లం హిందీ మలయాళం	బహుభాషా చిత్రం
2023	మిస్ శెట్టి మిస్టర్ పోలిశెట్టి

మూలాలు

1. "Nagavalli — Movie Review". Oneindia Entertainment. Archived from the original on 22 అక్టోబరు 2012. Retrieved 9 June 2020.
2. "Nishabdham movie: Check out the Anushka's movie twitter review here". Moviezupp (in అమెరికన్ ఇంగ్లీష్). 2020-10-02. Archived from the original on 2020-10-13. Retrieved 2020-10-13.