2022 లో వచ్చిన తెలుగు సినిమా From Wikipedia, the free encyclopedia
దర్జా 2022లో తెలుగులో విడుదలైన యాక్షన్ ఎంటర్టైనర్ సినిమా.[2] కామినేని శ్రీనివాస్ సమర్పణలో పీఎస్ఎస్ ఎంటర్టైన్మెంట్స్ బ్యానర్పై శివశంకర్ పైడిపాటి నిర్మించిన ఈ సినిమాకు సలీమ్ మాలిక్ దర్శకత్వం వహించాడు. సునీల్, అనసూయ, అక్సా ఖాన్ ప్రధాన పాత్రల్లో నటించిన ఈ సినిమా జులై 22న విడుదలైంది.[3]
దర్జా | |
---|---|
![]() | |
దర్శకత్వం | సలీమ్ మాలిక్ |
స్క్రీన్ ప్లే | సలీమ్ మాలిక్ |
కథ | నజీర్ |
నిర్మాత | శివశంకర్ పైడిపాటి |
తారాగణం | సునీల్ అనసూయ ఆమని అక్సాఖాన్ |
ఛాయాగ్రహణం | దర్శన్ |
కూర్పు | ఎం.ఆర్. వర్మ |
సంగీతం | రాప్ రాక్ షకీల్ |
నిర్మాణ సంస్థ | పీఎస్ఎస్ ఎంటర్టైన్మెంట్స్ |
విడుదల తేదీs | 22 జూలై 2022 (థియేటర్) 5 అక్టోబరు 2022 (ఓటీటీ)[1] |
దేశం | ![]() |
భాష | తెలుగు |
కనకం (అనసూయ) బందరులో లేడి డాన్. ఆమె పోలీస్ యంత్రాంగాన్ని సైతం తన రౌడీయిజంతో శాసిస్తు తన గుప్పెట్లో పెట్టుకుని చీప్ లిక్కర్ దందా సాగిస్తుంటుంది. బందరు పోర్టు కాంట్రాక్టు సొంతం చేసుకోవాలని పావులు కదుపుతుంది. ఈ సమయంలో కనకానికి ఏసీపీ శివ శంకర్ పైడిపాటి (సునీల్) అడ్డు వస్తాడు. కనకం అరాచకాలను ఏసీపీ శివ శంకర్ అడ్డుకున్నాడా? లేదా ? అనేదే మిగతా సినిమా కథ.[4]