![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b9/Steve_Jobs_Headshot_2010-CROP.jpg/640px-Steve_Jobs_Headshot_2010-CROP.jpg&w=640&q=50)
ஸ்டீவ் ஜொப்ஸ்
அமெரிக்க தொழிலதிபர்; ஆப்பிள் நிறுவனத்தின் இணை நிறுவனர் (1955–2011) / From Wikipedia, the free encyclopedia
ஸ்டீவ் ஜொப்ஸ் (தமிழக வழக்கு: ஸ்டீவ் ஜாப்ஸ்) (Steve Jobs, பிறப்பு பெப்ரவரி 24, 1955- அக்டோபர் 5, 2011) ஆப்பிள் நிறுவனத்தின் தலைவரும் தலைமை ஆட்சியரும், கணினித் துறையின் குறிப்பிடத்தக்க ஓர் ஆளுமையாளரும் ஆவார். இவர் 1985 ஆம் ஆண்டில், அமெரிக்க நாட்டரசு, அவர்களின் குடியரசுத் தலைவரால் வழங்கிப் பெருமை செய்யும் அந்நாட்டின் தலையாய பரிசாகிய தொழில்நுட்பத்துக்கும் புதுமையாக்கத்துக்குமான பதக்கத்தை வென்றார்.
ஸ்டீவ் ஜொப்ஸ் | |
---|---|
![]() ஜொப்ஸ் 2010இல் ஐஃபோன் 4 வெளியிடுகையில் | |
பிறப்பு | ஸ்டீவன் போல் ஜொப்ஸ் (1955-02-24)பெப்ரவரி 24, 1955 [1] சான் பிரான்சிசிக்கோ, கலிபோர்னியா, ஐக்கிய அமெரிக்கா.[1] |
இறப்பு | அக்டோபர் 5, 2011(2011-10-05) (அகவை 56) பாலோ அல்டோ, கலிபோர்னியா[2] |
இருப்பிடம் | பாலோ ஆல்ட்டோ, கலிபோர்னியா, ஐக்கிய அமெரிக்கா.[3] |
தேசியம் | அமெரிக்கர் |
படித்த கல்வி நிறுவனங்கள் | Reed College (dropped out in 1972) |
பணி | தலைவர், ஆப்பிள் நிறுவனம்[4] |
ஊதியம் | US$1[5][6][7][8] |
சொத்து மதிப்பு | ![]() |
இயக்குநராக உள்ள நிறுவனங்கள் | வால்ட் டிசினி கம்பனி[10] |
சமயம் | பௌத்தம்[11] |
வாழ்க்கைத் துணை | லோரீன் பவல் (1991–இதுவரை) |
பிள்ளைகள் | 4 |
கையொப்பம் | ![]() |
ஸ்டீவ் ஜொப்ஸ், 1976 இல் ஆப்பிள் கம்பியூட்டர் நிறுவனத்தைத் தொடங்கியவர்களுள் ஒருவர். இவர் பிக்ஃசார் அசைபட நிறுவனத்தின் (Pixar Animation Studios) தலைமை ஆட்சியராகவும், வால்ட் டிசினி (Walt Disney) போன்ற பல நிறுவனங்களின் ஆட்சிப் பேராய இயக்குநர்களில் ஒருவராகவும் இருந்தார். ஆகத்து 24, 2011 அன்று உடல்நிலை காரணமாக தலைவர் பதவியிலிருந்து விலகினார். இவரையடுத்து டிம் குக் பொறுப்பேற்றார்.[12] 2011 ஆம் ஆண்டு அக்டோபர் 06 ஆம் திங்கள் அதிகாலை அவர் உயிரிழந்தார்.[13]
ஸ்டீவ் ஜொப்ஸ், 1970களின் பிற்பகுதியில் ஸ்டீவ் வோசினியாக் (Steve Wozniak), மார்க் மார்குலா (Mike Markkula) ஆகியோருடன் சேர்ந்து ஆப்பிள் நிறுவனத்தை நிறுவினார். 1980களின் முற்பகுதியில் ஆப்பிள் நிறுவனத்தின் திறம்மிக்க மாக்கிண்ட்டாசு (Macintosh) கணினியை அறிமுகப்படுத்தினார். நிறுவன உள்பிணக்குகளால் 1985 இல் ஆட்சிப் பேராயத்தாருடன் மோதி, ஆப்பிள் நிறுவனத்தில் இருந்து வெளியேறி உயர்கல்வி நிறுவனத் தேவையை முதன்மைப்படுத்தி நெக்ஸ்ட் (NeXT) என்னும் கணினித்தளம் நிறுவனத்தை உருவாக்கினார். ஆனால் 1996 இல் ஆப்பிள் நிறுவனம் நெக்ஃசிட்டு நிறுவனத்தை வாங்கிய பின், ஸ்டீவ் ஜாப்ஸ் தான் உடன் நின்று உருவாக்கிய ஆப்பிள் நிறுவனத்திலேயே சேர்ந்தார். அங்கு முதன்மை செயலாட்சியராக (CEO) 1997முதல் 2011 வரை நீடித்தார்.