![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Robert_Downey_Jr_2014_Comic_Con_%2528cropped%2529.jpg/640px-Robert_Downey_Jr_2014_Comic_Con_%2528cropped%2529.jpg&w=640&q=50)
ராபர்ட் டவுனி ஜூனியர்
From Wikipedia, the free encyclopedia
ராபர்ட் ஜான் டவுனி ஜூனியர் (ஆங்கில மொழி: Robert John Downey Jr.) (பிறப்பு: ஏப்ரல் 04, 1965)[1] என்பவர் அமெரிக்க நாட்டு நடிகர் மற்றும் திரைப்படத் தயாரிப்பாளர் ஆவார். இவர் இளவயதிலேயே திரைப்படங்களில் நடித்தவர். நடுத்தர வயதில் வணிக ரீதியான வெற்றியையும் மற்றும் போதைப்பொருள் பிரச்சனைகளையும் கொண்டதாக இவரது வாழ்க்கை வகைப்படுத்தப்பட்டுள்ளது. 2008 ஆம் ஆண்டில் உலகின் மிகவும் செல்வாக்கு மிக்க 100 நபர்களில் டவுனியை டைம் பத்திரிகை பெயரிட்டது.[2][3] மற்றும் 2013 முதல் 2015 வரை இவரை ஃபோர்ப்ஸ் இதழ் ஹாலிவுட்டின் அதிக சம்பளம் வாங்கும் நடிகராக பட்டியலிட்டது.[4] அவரது படங்கள் உலகளவில் $14.4 பில்லியன் டாலர்களை வசூலித்துள்ளன, இது டவுனியை எல்லா நேரத்திலும் அதிக வருமானம் ஈட்டிய நடிகராக ஆறாவது இடத்தில் உள்ளார்.[5]
ராபர்ட் டவுனி ஜூனியர் | |
---|---|
![]() | |
பிறப்பு | ராபர்ட் ஜான் டவுனி ஜூனியர் ஏப்ரல் 4, 1965 ( 1965 -04-04) (அகவை 59) மன்ஹாட்டன், நியூயோர்க், ஐக்கிய அமெரிக்கா |
பணி | நடிகர், திரைப்படத் தயாரிப்பாளர் |
செயற்பாட்டுக் காலம் | 1970–இன்றுவரை |
பெற்றோர் | ராபர்ட் டவுனி, ஜூனியர் |
வாழ்க்கைத் துணை | டெபோரா பால்கனர் (1992–2004), சூசன் டவுனி (2005–இன்றுவரை) |
பிள்ளைகள் | 3 |
இவர் தனது ஐந்து வயதில் ராபர்ட் டவுனி சீனியர் இயக்கிய 'பவுண்ட்' (1970) என்ற திரைப்படத்தின் மூலம் அறிமுகமானார். அதை தொடர்ந்து வெயிட் சயின்ஸ் (1985), லேஸ் தன் ஸிரோ (1987), போன்ற பல திரைப்படங்களில் வித்தியாசமான கதாபாத்திரங்களில் நடித்துள்ளார். 1992 ஆம் ஆண்டில் பிரபல நகைச்சுவையாளர் சார்லி சாப்ளின் வாழ்க்கை வரலாற்று திரைப்படமான 'சாப்ளின்'[6] என்ற திரைப்படத்தில் நடித்தார். இதற்காக சிறந்த நடிகருக்கான அகாடமி விருதுக்கு பரிந்துரைக்கப்பட்டார் மற்றும் பாஃப்டா விருதை வென்றார்.
போதைப்பொருள் குற்றச்சாட்டுக்கள் தொடர்பான கோர்கொரான் பொருள் துஷ்பிரயோகம் சிகிச்சையை தொடர்ந்து,[7][8] 'ஆலி மெக்பீலில்' என்ற தொலைக்காட்சி தொடரில் நடித்தார், இதற்காக இவர் கோல்டன் குளோப் விருதை வென்றார்; இருப்பினும் இரண்டு போதைப்பொருள் குற்றச்சாட்டுகளை அடுத்து, 2000 இன் பிற்பகுதியில் மற்றும் 2001 இன் ஆரம்பத்தில் இருந்து இவர் நீக்கப்பட்டார் மற்றும் அவரது கதாபாத்திரம் நிறுத்தப்பட்டது. அவர் நீதிமன்றம் உத்தரவிட்ட மருந்து சிகிச்சை திட்டத்தில் சிறிது காலம் தங்கியிருந்து சிகிச்சை பெற்று வந்தார். பின்னர் 2005 ஆம் ஆண்டு நகைச்சுவைத்திரைப்படமான 'கிஸ் கிஸ் பேங் பேங்' (2005), திரில்லர் படமான 'சோடியாக்'[9] (2007) மற்றும் அதிரடி நகைச்சுவை படமான டிராபிக் தண்டர் (2008) ஆகியவற்றில் நடித்தார். 2008 ஆம் ஆண்டு முதல் மார்வெல் ஸ்டுடியோ தயாரித்த மார்வெல் திரைப் பிரபஞ்சத் திரைப்படங்களான அயன் மேன் 1,[10] அயன் மேன் 2 (2009), தி அவேஞ்சர்ஸ் (2012),[11][12] அயன் மேன் 3 (2013),[13] அவேஞ்சர்ஸ்: ஏஜ் ஒப் உல்ட்ரோன் (2015), கேப்டன் அமெரிக்கா: சிவில் வார் (2016), இசுபைடர்-மேன்: ஹோம்கம்மிங் (2017), அவெஞ்சர்ஸ்: இன்பினிட்டி வார் (2018) மற்றும் அவெஞ்சர்ஸ்: எண்ட்கேம் (2019)[14] போன்ற திரைப்படங்களில் டோனி ஸ்டார்க் / அயன் மேன்[15][16] என்ற கதாபாத்திரத்தில் நடித்ததன் மூலம் மிகவும் புகழ் பெற்ற நடிகர் ஆனார்.[17]