யூரோ 2016
From Wikipedia, the free encyclopedia
யூரோ 2016 (Euro 2016) எனப் பொதுவாக அழைக்கப்படும் 2016 யூஈஎஃப்ஏ ஐரோப்பிய கால்பந்தாட்ட வாகையாளர் போட்டி (2016 UEFA European Championship) என்பது ஐரோப்பிய கால்பந்து சங்கங்களின் ஒன்றியத்தினால் (யூஈஎஃப்ஏ) நான்காண்டுகளுக்கு ஒருமுறை நடத்தப்பெறும் ஐரோப்பிய நாடுகளுக்கிடையேயான ஆண்களுக்கான 15-வது ஐரோப்பிய கால்பந்தாட்டப் போட்டியாகும். இப்போட்டிகள் பிரான்சில் 2016 சூன் 10 முதல் சூலை 10 வரை நடைபெற்றது.[3][4] முந்தையப் போட்டியின் வாகையாளரான எசுப்பானிய அணி 2008, 2012 போட்டிகளில் வெற்றி பெற்றிருந்தது. ஆனால் 16வது சுற்றில் எசுப்பானியா இத்தாலியினால் தோற்கடிக்கப்பட்டு வெளியேறியது. பாரிசில் நடந்த இறுதிப் போட்டியில் மேலதிக நேரத்தில் 1-0 என்ற கணக்கில் போர்த்துகல் அணி பிரான்சை வென்று முதற்தடவையாக வாகையாளர் கோப்பையைக் கைப்பற்றியது.
Championnat d'Europe de football 2016 (பிரெஞ்சு) | |
---|---|
![]() Le Rendez-Vous | |
சுற்றுப்போட்டி விவரங்கள் | |
இடம்பெறும் நாடு | பிரான்சு |
நாட்கள் | 10 சூன் – 10 சூலை 2016 |
அணிகள் | 24 |
அரங்கு(கள்) | 10 (10 நகரங்களில்) |
இறுதி நிலைகள் | |
வாகையாளர் | ![]() |
இரண்டாம் இடம் | ![]() |
போட்டித் தரவுகள் | |
விளையாடிய ஆட்டங்கள் | 51 |
எடுக்கப்பட்ட கோல்கள் | 108 (2.12 /ஆட்டம்) |
பார்வையாளர்கள் | 24,27,303 (47,594/ஆட்டம்) |
அதிக கோல்கள் எடுத்தவர்(கள்) | ![]() |
சிறந்த இளம் ஆட்டக்காரர் | ![]() |
← 2012 2020 → | |
1996-ஆம் ஆண்டிலிருந்து 16 அணிகள் பங்குபெறும் போட்டித்தொடராக இருந்த இப்போட்டித்தொடரில் 2016-இல் இருந்து 24 அணிகள் பங்குபெறும் வண்ணம் போட்டியமைப்பு முதற்தடவையாக மாற்றியமைக்கப்பெற்றது.[5] புதிய போட்டியமைப்பின்படி, 24 அணிகளும் ஆறு குழுக்களாக, ஒவ்வொரு குழுவிலும் நான்கு அணிகளாகப் போட்டியிட்டன. குழுநிலையில் வெற்றி பெற்ற முதலிரண்டு அணிகளும், மூன்றாம் நிலையில் வந்த சிறந்த நான்கு அணிகளும் இறுதிச் சுற்றுகளில் போட்டியிட்டன.
இப்போட்டிகளை நடத்துவதற்கு பிரான்சு, இத்தாலி, துருக்கி ஆகிய நாடுகள் போட்டியிட்டன. இவற்றில் பிரான்சு 2010 மே 28 இல் தெரிவு செய்யப்பட்டது.[6][7] பிரான்சின் பொர்தோ, லான்சு, லீல், லியோன், மர்சேய், நீஸ், பாரிஸ், சான்-டெனி, சான்-ஏத்தியென், துலூஸ் ஆகிய 10 நகரங்களில் உள்ள 10 விளையாட்டரங்குகளில் போட்டிகள் இடம்பெற்றன. பிரான்சு ஏற்கனவே 1960, 1984 போட்டிகளை தனது நாட்டில் நடத்தியிருந்தது. பிரான்சு 1984, 2000 போட்டிகளில் யூரோ கோப்பையைக் கைப்பற்றியிருந்தது.
இப்போட்டித் தொடரில் வெற்றிபெற்றதன் மூலம் போர்த்துகல் அணி 2017-இல் உருசியாவில் நடைபெறவிருக்கும் பிபா கூட்டமைப்புக்களின் கோப்பைப் போட்டியில் விளையாட தகுதிபெற்றது.[8]