பேரியம் ஆக்சைடு
வேதிச் சேர்மம் / From Wikipedia, the free encyclopedia
பேரியம் ஆக்சைடு (Barium oxide) என்பது BaO என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். பேரியம் மோனாக்சைடு, பேரியம் புரோட்டக்சைடு, பேரியா போன்ற பெயர்களாலும் இதை அழைக்கலாம். வெண்மை நிறத்துடன் ஒரு நீருறிஞ்சும் தனிமமாகவும் எளிதில் தீப்பிடிக்காத சேர்மமாகவும் இது கருதப்படுகிறது. எத்தனால், நீர்த்த கனிம அமிலங்கள், காரங்கள் போன்றவற்றில் பேரியம் ஆக்சைடு கரைகிறது. அசிட்டோன் மற்றும் நீர்ம அமோனியா கரைசலில் பேரியம் ஆக்சைடு கரையாது. எண் கோண அமைப்பில் கனசதுரக் கட்டமைப்புடன் உள்ள இச்சேர்மம் நேர்மின் கதிர்க் குழாய்களில், கிரீடக் கண்ணாடிகளில் வினையூக்கியாகப் பயன்படுகிறது. இவ்வேதிப் பொருள் மனித சருமத்திற்கு தீங்கு விளைவிக்கிறது. மற்றும் அதிக அளவில் விழுங்கினால் உணவுப் பாதையெங்கும் எரிச்சல் ஏற்படுகிறது. பேரியம் ஆக்சைடு அதிக அளவு உட்கொள்ளப்பட்டால் மரணத்திற்கும் கூட வழிவகுக்கும்.
பெயர்கள் | |
---|---|
வேறு பெயர்கள்
பேரியம் மோனாக்சைடு பேரியம் புரோடாக்சைடு பேரியா | |
இனங்காட்டிகள் | |
1304-28-5 Y | |
ChemSpider | 56180 Y |
யேமல் -3D படிமங்கள் | Image |
பப்கெம் | 62392 |
வே.ந.வி.ப எண் | CQ9800000 |
| |
பண்புகள் | |
BaO | |
வாய்ப்பாட்டு எடை | 153.326 கி/மோல் |
தோற்றம் | வெண் திண்மம் |
அடர்த்தி | 5.72 கி/செ.மீ3, திண்மம் |
உருகுநிலை | 1,923 °C (3,493 °F; 2,196 K) |
கொதிநிலை | ~ 2,000 °C (3,630 °F; 2,270 K) |
3.48 கி/100 மி.லி (20 °செல்சியசு) 90.8 கி/100 மி.லி (100 °செல்சியசு) வினைபுரிந்து Ba(OH)2 உருவாகும். | |
கரைதிறன் | எத்தனால், நீர்த்த கனிம அமிலங்கள் மற்றும் காரங்கள் போன்றவற்றில் கரையும். அசிட்டோன் மற்றும் நீர்ம அமோனியா வில் கரையாது. |
-29.1•10−6 செ.மீ3/மோல் | |
கட்டமைப்பு | |
படிக அமைப்பு | கனசதுரம், cF8 |
புறவெளித் தொகுதி | Fm3m, No. 225 |
ஒருங்கிணைவு வடிவியல் |
எண்கோணம் |
வெப்பவேதியியல் | |
Std enthalpy of formation ΔfH |
−582 கிலோயூல்•மோல்−1[1] |
நியம மோலார் எந்திரோப்பி S |
70 யூல்•மோல்−1•கெல்வின்−1[1] |
தீங்குகள் | |
ஈயூ வகைப்பாடு | Xn |
R-சொற்றொடர்கள் | R20/22 |
S-சொற்றொடர்கள் | (S2), S28 |
தீப்பற்றும் வெப்பநிலை | தீப்பற்றாது |
தொடர்புடைய சேர்மங்கள் | |
ஏனைய எதிர் மின்னயனிகள் | பேரியம் ஐதராக்சைடு பேரியம் பெராக்சைடு |
ஏனைய நேர் மின்அயனிகள் | கால்சியம் ஆக்சைடு இசுட்ரோன்சியம் ஆக்சைடு |
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | |
பேரியம் கார்பனேட்டுடன் கற்கரியைச் சேர்த்து சூடாக்குவதன் மூலம் பேரியம் ஆக்சைடு தயாரிக்கப்படுகிறது. பேரியம் நைட்ரேட்டை வெப்பச் சிதைவு வினைக்கு உட்படுத்தியும் இதைத் தயாரிக்கலாம் [2].