From Wikipedia, the free encyclopedia
தாமஸ் குரூஸ் மாபோதர் IV (ஒலிப்பு: /ˈtɒməs ˈkruːz ˈmeɪpɒθər/; 1962 ஆம் ஆண்டு ஜூலை 3 ஆம் தேதி பிறந்தார்), தனது திரைப் பெயரான டாம் குரூஸ் மூலம் நன்கு பிரபலமாகியுள்ளார். இவர் ஒரு அமெரிக்க நடிகரும் திரைப்படத் தயாரிப்பாளரும் ஆவார். 2006 ஆம் ஆண்டில் போர்பஸ் பத்திரிக்கையானது அவரை உலகின் மிகுந்த செல்வாக்குள்ள பிரபலங்களில் ஒருவராக வரிசைப்படுத்தியிருந்தது.[1] அவர் அகாடெமி விருதுகளுக்கு மூன்று முறை பரிந்துரைக்கப்பட்டுள்ளார். மேலும் கோல்டன் குளோப் விருதுகளை மூன்று முறை வென்றிருக்கின்றார். நடிகருக்கான "தலைமுறை காவிய எக்ஸ் (Generation X) படமாகவும் வாழ்க்கைப் பணி உருவாக்கிய" படமென்றும் விவரிக்கப்பட்ட, 1983 ஆம் ஆண்டில் வெளிவந்த ரிஸ்கி பிசினஸ் (Risky Business) [2] திரைப்படத்தில் அவரது முதல் முதன்மைக் கதாபாத்திரம் அமைந்தது.[3] 1986 ஆம் ஆண்டில் வெளிவந்து மிகவும் பிரபலமாகி வசூல் ரீதியாக வெற்றியடைந்த டாப் கன் (Top Gun) திரைப்படத்தில் கப்பல் மாலுமி கதாபாத்திரத்தில் நாயகனாக நடித்தார். அதன் பின்னர் குரூஸ் தொடர்ந்து அது போன்ற வேடங்களிலேயே தொடர்ந்து நடித்தார். அவர் 1990கள் மற்றும் 2000களில் வெளிவந்த அதிரடிப்படங்களான மிஷன்: இம்பாசிபிள் (Mission: Impossible) தொடர் வரிசையில் உளவாளிப் பாத்திரத்தில் தொடர்ந்து நடித்தார். மேலும் இந்த மாதிரியான கதாநாயகன் பாத்திரங்களில் அவர், மாக்னோலியா (Magnolia) (1999) திரைப்படத்தில் பெண்களை வெறுக்கும் ஆண் தலைவன் மற்றும் மைக்கேல் மேன்னின் க்ரைம் திரில்லர் திரைப்படமான கொல்லட்டெரல் (2004) (Collateral) படத்தில் அமைதியாகவும் கணிப்புத்திறன் சமூக வெறுப்புக் கொண்ட கொலைகாரன் போன்ற இதர பிற வேடங்களிலும் நடித்துள்ளார்.
டாம் குரூஸ் | |
---|---|
on MTV Live in December 2008. | |
இயற் பெயர் | Thomas Cruise Mapother IV |
பிறப்பு | சூலை 3, 1962 நியூ யார்க், ஐக்கிய அமெரிக்கா |
தொழில் | Actor, producer |
நடிப்புக் காலம் | 1981–present |
துணைவர் | Mimi Rogers (1987–1990) Nicole Kidman (1990–2001) Katie Holmes (2006–present) |
வீட்டுத் துணைவர்(கள்) | Penélope Cruz (2001–2004) |
2005 ஆம் ஆண்டில் எட்வர்டு ஜே எப்ஸ்டெயின் என்ற ஹாலிவுட் பத்திரிகையாளர், பில்லியன் டாலரில் எடுக்கப்பட்ட திரைப்படத்திற்கு வெற்றி தேடித்தரக்கூடிய சில தயாரிப்பாளர்களில் ஒருவராக குரூஸ் உள்ளார் (ஜார்ஜ் லூகஸ், ஸ்டீவன் ஸ்பீல்பெர்க் மற்றும் ஜெர்ரி ப்ரூக்ஹேய்மர் ஆகியோர் அந்தத் தயாரிப்பாளர்களில் பட்டியலிலுள்ள மற்றவர்கள் ஆவர்).[4] 2005 ஆம் ஆண்டிலிருந்து, குரூஸ் மற்றும் பௌலா வாக்னெர் ஆகியோர் யுனைட்டேட் ஆர்ட்டிஸ்ட்ஸ் திரைப்பட ஸ்டுடியோவிற்கு [5] பொறுப்பேற்றனர். அதில் குரூஸ் தயாரிப்பாளர் மற்றும் நடிகராகவும் வாக்னெர் தலைமை நிர்வாக அதிகாரியாகவும் செயல்பட்டனர். சர்ச் ஆப் செயிண்டாலஜிக்கு குரூஸ்சின் சர்ச்சைக்குரிய ஆதரவும் பின்பற்றுதலும் நன்கு அறியப்பட்டது.[6]
குரூஸ் நியூயார்க்கின் சைரக்யூஸ்[7] நகரில் சிறப்புக் கல்வி ஆசிரியரான மேரி லீ (நேய் பெயிஃப்பர்) மற்றும் எலக்ட்ரிக்கல் பொறியாளரரான தாம்ஸ் குரூஸ் மாபோதர் III ஆகியோருக்கு மகனாகப் பிறந்தார்.[8] குரூஸின் பெற்றோர் குடும்பப்பெயர் (மாபோதர்) வேல்ஷாக இருந்தபோதிலும், அவரது தாத்தாவின் தந்தையான தாமஸ் ஓமாராவின் ஐரீஷ் மரபுப்படி அவரது வளர்ப்புத்தந்தையின் குடும்பப்பெயரை ஏற்றுக்கொண்டார், எனவே முதல் தாமஸ் குரூஸ் மாபோதர் ஏற்பட்டதாகத் தோன்றுகின்றது.[18] அவர் தந்தையாரின் கொள்ளுத் தாத்தாவின் பெற்றோர்களான வில்லியம் ரேய்பெர்ட் மற்றும் சார்லொட்டே லூயிஸ் வோல்கெர் ஆகியோரிடமிருந்து ஜெர்மன் மற்றும் ஆங்கில (English) குல மரபையும், அவரது தாய் மூலமாக ஜெர்மன் குல மரபையும் பெற்றிருக்கின்றார். டாம் குரூஸின் மூத்த சகோதரியான லீ அன்னே லூயிஸ்வில்லேயில் பிறந்திருந்தார். டாம் மற்றும் அவரது இளைய சகோதரி கேஸ் ஆகியோரைப் போன்றே, அவருக்கு மூத்த சகோதரி மரியனும் சைரகஸில் பிறந்திருந்தார்.[9]
குரூஸ் தனது மூன்றாவது, நான்காவது மற்றும் ஐந்தாம் வகுப்புகளை ராபர்ட் ஹோப்கின்ஸ் பப்ளிக் பள்ளியில் பயின்றார். மாபோதரின் குடும்பம் ஒட்டவா, ஆண்டரியோவின் பீகான் ஹில்லின் புறநகர் பகுதிக்கு குடிபெயர்ந்ததால் குரூஸிம் தந்தை கனடா ஆயுதப் படையின் ராணுவ ஆலோசகராகப் பொறுப்பேற்க முடிந்தது. அங்கு குரூஸ், கார்லேட்டன் கல்வி வாரியத்தைச் சேர்ந்த ஹென்ரி முன்றோ நடுநிலைப் பள்ளியில் தனது ஆறாம் வகுப்பை நிறைவு செய்தார்.[10] அங்கு படிக்கும்போது தடகள விளையாட்டில் சுறுசுறுப்பாக விளையாடிய அவர், பெரும்பாலும் எல்லா இரவுகளிலும் தள ஹாக்கி விளையாடிக் கொண்டிருந்தார். அவரது முன்னம்பல் உடைந்தாலும் கூட தன்னை ஒரு இரக்கமற்ற விளையாட்டு வீரராக காண்பித்துக் கொண்டிருந்தார். "பிரிடிஷ் புல் டாக்" விளையாடும் போது தனக்குப் புதிதாகக் கட்டப்பட்ட பல்லை இழந்தார், மேலும் அவருக்கு முழங்காலிலும் அடிபட்டது.[11] ஹென்றி முன்ரோவில் ஜார்ஜ் ஸ்டெயின்பர்க்கின் இளம் பயிற்சி பருவத்திய நாடகத்திலும் குரூஸ் பங்குபெற்றார்.[12] அவர் முதலில் IT என்ற அழைக்கப்பட்ட நாடகத்தில் பங்கேற்று நடித்தார். அதில் குரூஸ் மெக்கேல் டே வால் என்ற ஒருவர் "தீயவராகவும்" மற்றொருவர் "நல்லவராகவும்" இருக்கும் இணை முதன்மை பாத்திரத்தில் நடித்தார். அந்த நாடகம் பெரிதும் பாராட்டப் பெற்றது. அவர் தனது ஐந்து வகுப்புத் தோழர்களுடன் ஒட்டவா பகுதியில் உள்ள பல்வேறு பள்ளிகளுக்குச் சென்றும் அந்நாடகத்தை நிகழ்த்தினார். அந்நாடகம் ஒட்டவாவின் உள்ளூர் தொலைக்காட்சியிலும் ஒளிபரப்பட்டது.[13] அவர்கள் இருவரும் இயேசு கிறிஸ்து சூப்பர்ஸ்டார் என்ற நாடகத்திற்காகவும், அதே போன்று மார்சல் மார்சேயூ வகையான நடிப்புக்காகவும் தனிச்சிறப்பு பெற்றனர். இதுவே மேரி லீ மாபோதர், தனது மகனின் நடிப்பு இலட்சியத்தை வளர்ப்பதற்கு காரணமாக அமைந்தது. முன்னதாக நடைபெற்ற மதம்சார்ந்த உய்த்துணர்வால் பள்ளி முதல்வர் ஜிம் ப்ரௌனுக்கு ஏற்பட்ட வேறுபாட்டை குரூஸின் தாய் தீர்த்துவைத்து, அவரது அவரது நாடகம் கண்டிப்பாக நடைபெறச் செய்தார். மேலும் அவர் க்ளோசெஸ்டர் பிளேயர்ஸ் என்ற அமைப்பை நிறுவினார். அதில் குரூஸ் மற்றும் சில சிறுவர்களைக் கொண்ட திரையரங்குக் குழுவின் ஸ்டெயின்பெர்கின் வகுப்பிலிருந்த பிற மாணவர்களுடன் நாடங்கங்கள் நடிக்கப்பட்டன.
குரூஸிற்கு பன்னிரண்டு வயது இருந்தபோது, அவரது தாய் அவரையும் அவரது சகோதரி லீ அன்னேயையும் தன்னுடன் அழைத்துக்கொண்டு அவரது தந்தையைவிட்டு விலகினார்.[14] அவர்கள் சாப்பாட்டுக்கு டாமின் செய்தித்தாள் வினியோக வருமானம் உதவியாக இருந்தது. ஏழ்மைக்கு அருகாமையில் அவர்களது நீண்ட காலம் கழிந்தது. அவரது தாய் ஜேக் சவுத் என்ற பெயரையுடைய பிளாஸ்டிக் விற்பனைப் பிரதிநிதியை மணந்து கொண்டார்.
ஒட்டவாவைப் போன்றே லூயிஸ்வில்லே, கெண்டுக்கீ; வின்னேட்கா, இல்லினாய்ஸ் மற்றும் வேய்ன், நியூ ஜெர்சி உள்ளிட்ட நகரங்களில் டாம் குரூஸ் வாழ்ந்தார். இவை அனைத்திலும் சேர்த்து டாம் குரூஸ் மொத்தம் எட்டு ஆரம்பப் பள்ளிகளிலும் மூன்று உயர்நிலைப் பள்ளிகளிலும் பயின்றார். அவர் சின்சினாட்டியில் உள்ள பிரான்சிஸ்கன் தனியார் பள்ளியில் (தேவாலய ஊக்கத்தொகையில்) பயின்றார் மேலும் கத்தோலிக்க மதகுருவாக ஆவதைத் தனது ஆர்வமாக வைத்திருந்தார். பருவ வயதில் அவர் பல்கலைக்கழக அணிக்காக தடுப்பாட்டக்காரராக விளையாடினார். ஆனால் போட்டிக்கு முன்னதாக பீர் அருந்தியது கண்டுபிடிக்கப்பட்டதால் அவர் அணியிலிருந்து நீக்கப்பட்டார்.[15] குரூஸ் 1980 ஆம் ஆண்டு நியூ ஜெர்சியிலுள்ள கெலன் ரிட்ஜ் உயர்நிலைப் பள்ளியில் பட்டம் பெற்றார்.
குழந்தை பருவத்தில் பாலியல் வன்முறையால் தான் பாதிக்கப்பட்டிருந்ததாக டாம் குரூஸ் கூறியிருந்தார். அவருக்கு கற்றல் குறைபாடு நோய் இருந்ததும் பகுதி காரணமானது. ஏதாவது தவறு நடக்கும் பொழுது அவரது தந்தை தன்னிடம் மிகவும் கடுமையாக நடந்துகொண்டதாகத் தெரிவித்தார். அவரது தந்தை, "ஒரு கொடுமைக்காரனாகவும்" "ஒழுங்கற்ற பெருவணிகராக" இருந்ததாக பரேட் பத்திரிகை யில் அவர் கூறினார். தான் சிறு வயதிலேயே தந்தை மட்டுமில்லாமல் கடந்து வேறு சிலரும் நம்பமுடியாதவர்களும் இருந்தனர் என்று டாம் குரூஸ் கூறினார். மேலும் "என் தந்தையிடம் இருந்ததால் எனக்கு எல்லோருமே நல்லது செய்பவர்கள் என கருத இயலாது" என்றும் கூறினார். டாம் குரூஸ் பன்னிரெண்டு வருடங்களில் பதினைந்து பள்ளிகளுக்குச் சென்றிருக்கிறார். டாம் குரூஸ் தனது பன்னிரெண்டு வயதில் அவரது தந்தையின் பெயரைத் துறந்தார். மேலும் பள்ளியில் கொடுமைப்படுத்துதலுக்கும் ஆளானார்.
குரூஸ் முழங்கால் காயத்தால் தனது பள்ளியின் மல்யுத்த அணியில் இருந்து விலக்கப்பட்டதன் பின்னர் நடிக்கத் தொடங்கினார். காயம்பட்ட போது, அவரது பள்ளியின் தயாரிப்பில் உருவான கேய்ஸ் அண்ட் டோல்ஸ் (Guys and Dolls) என்ற படத்தில் முக்கியப் பத்திரத்திற்கு குரல் கொடுத்தார். அது வெற்றியடைந்ததால் மிகுந்த பாராட்டைப் பெற்றார். அதில் வெற்றியடைந்த பின்னர் தான் ஒரு நடிகராக வரவேண்டும் என்று முடிவெடுத்தார். அவரது உறவினர் வில்லியம் மாபோதரும் 'லாஸ்ட் என்ற தொலைக்காட்சித் தொடரில் ஏதன் ரோம் பாத்திரத்தில் நடித்தன் மூலம் ஒரு நடிகராக பிரபலமாக அறியப்பட்டார்.
1981 ஆம் ஆண்டில் வெளிவந்த, ப்ரூக் ஷீல்ட்ஸ் நடித்த நாடக/காதல் திரைப்படமான எண்ட்லெஸ் லவ் என்ற திரைப்படத்தில் சிறிய கதாபாத்திரத்தில் டாம் குரூஸ் நடித்தார். அதுவே அவரது முதல் திரைப்பாத்திரம் ஆகும். அதன் பிறகு அதே ஆண்டில் டாப்ஸ் திரைப்படத்தில் ஜார்ஜ் சி. ஸ்காட், டிமோதி ஹூட்டன் மற்றும் சீன் பென் ஆகியோருடன் மேலும் முக்கிய வேடத்தில் நடித்தார். இராணுவ துருப்புகளைப் பற்றியத் திரைப்படமான அது சுமாரான வெற்றியை பெற்றது. 1983 ஆம் ஆண்டில் வெளிவந்த பிரான்சிஸ் போர்டு கொப்போலாவின் தி அவுட்சைடர்ஸ் திரைப்படத்தில் தோன்றிய பல பதின் பருவத்தினர்களில் இவரும் ஒருவராக இருந்தார். இந்தத் திரைப்படத்தில் ராப் லோவ், மாட் தில்லன், பேட்ரிக் ஸ்வாய்ஸ் மற்றும் ரால்ப் மச்சியோ உள்ளிட்டோர் நடித்தனர். இவர்களில் இருவர் ப்ராட் பேக் திரைப்படத்திலும் நடித்தனர். அதே ஆண்டு டாம் குரூஸ் லாசின் இட் என்ற பதின் பருவக் நகைச்சுவைத் திரைப்படத்தில் தோன்றினார். டாம் குரூஸின் வெற்றியானது ரிஸ்கி பிசினஸ் வெளியான பிறகே வெளிப்பட்டது. அது டாம் குரூஸை ஒரு நட்சத்திர நடிகராக உயர உதவியது. திரைப்படத்தின் ஒரு காட்சியில், பாப் சேஜெரின் "ஓல்டு டைம் ராக் அண்ட் ரோல்" பாடலில் உள்ளாடையில் குரூஸின் உதட்டசைவு நடிப்பு, 1980கள் திரைப்படத்தில் மிகவும் பெரிதாகப் பேசப்பட்டது. "தலைமுறை காவிய எக்ஸ் படமாகவும் வாழ்க்கைப் பணி உருவாக்கிய" படமென்றும் அந்தத் திரைப்படம் விவரிக்கப்பட்டிருக்கின்றது.[3] உயர் நிலைப்பள்ளியின் கால்பந்து நாடகமாக இருந்த ஆல் தி ரைட் மூவ்ஸ் என்ற நாடகம் 1983 ஆம் ஆண்டில் அவரது நான்காவது திரைப்படமாக வெளியானது. குரூஸின் அடுத்த திரைப்படமாக, 1985 ஆம் ஆண்டின் கனவுருப் புனைவுத் திரைப்படமான ரிட்லீ ஸ்காட் இயக்கிய லிஜெண்ட் இருந்தது.
அதன் பின்னர், அடுத்து வரவிருந்த அமெரிக்க போர் விமானி திரைப்படத்தில் நடிப்பதற்கு தயாரிப்பாளர்கள் ஜெர்ரி ப்ரூக்ஹீமர் மற்றும் டான் சிம்ப்ஸன் ஆகியோரால் முதல் தேர்வாக டாம் குரூஸ் இருந்தார். முதலில் குரூஸ் அப்படத்தில் நடிக்க தெளிவாக மறுத்து விட்டார், அதன் பின்னர் கதையைத் திருத்தம் செய்ய உதவியதோடு திரைப்படத்தை உருவாக்கியும் கொடுத்தார். ப்ளூ ஏஞ்சல்ஸ் உடன் பறந்த பின்னர், டாம் குரூஸ் தனது மனதை மாற்றி அடுத்த திட்டத்தில் கவனம் செலுத்தினார். டாப் கன் (Top Gun) என்று பெயரிடப்பட்ட திரைப்படம் 1986 ஆம் ஆண்டு மே மாதத்தில் வெளிவந்தது. அது உலக அளவில் 354 மில்லியன் அமெரிக்க டாலர்களைப் பெற்று, அந்த ஆண்டின் மிக அதிக வசூலைப் பெற்ற திரைப்படமாக வந்தது. 1986 ஆம் ஆண்டில், அவர் மார்டின் ஸ்கோர்சேஸியின் திரைப்படமான தி கலர் ஆப் மணி என்ற படத்தில் அகாடமி விருதுகளின் சிறந்த நடிகருக்கான கௌரவ விருதைப் பெற்ற பால் நியூமேன்னுடன் இணைந்து நடித்தார். 1988 ஆம் ஆண்டில் குரூஸ், மென்மையான நாடக பாணியிலான கதையான காக்டெய்ல் (Cocktail) திரைப்படத்தில் நடித்தார். அத்திரைப்படம் அவருக்கும் பலதரப்பட்ட கருத்துரைகளைப் பெற்றுத் தந்தது. மேலும் அவர் 1989 ஆம் ஆண்டில் ரஸ்ஸீ விருத்துக்கான முதல் பரிந்துரையைப் பெற்றார். 1990 ஆம் ஆண்டு, ரெயின் மேன் திரைப்படம் வெளிவந்தது. டஸ்டின் ஹோப்மேனும் நடித்திருந்த அப்படத்தை பாரி லேவின்சன் இயக்கியிருந்தார். அந்தத் திரைப்படம் விமர்சகர்களால் பாராட்டப்பட்டு, எட்டு அகாடமி விருதுகளுக்குப் பரிந்துரைக்கப்பட்டது. அது சிறந்த திரைப்படம் மற்றும் சிறந்த நடிகர் (ஹோப்மேன்) உள்ளிட்ட நான்கு விருதுகளை வென்றது.
1990 ஆம் ஆண்டில் அதே போன்ற வெற்றியுடன் குரூஸ் வரவேற்கப்பட்டார், அப்பொழுது அவர் ஆலிவர் ஸ்டோனின் பார்ன் ஆன் தி ஃபோர்த் ஆப் ஜூலை (Born on the Fourth of July) திரைப்படத்திற்காக அகாடமி விருது பரிந்துரைகளைப் பெற்றார். அந்தத் திரைப்படமானது அதிகம் விற்பனையான பரபலேஜிக் சேவையாளரும் போர் எதிர்ப்பு நடவடிக்கையாளருமான ரோன் கோவிக்கின் சுயசரிதையை அடிப்படையாகக் கொண்ட திரைப்படமாகும். 1990 ஆம் ஆண்டில் டாம் குரூஸ் "கோல் டிரிக்கிள்" என்ற அதிவேக பந்தையக்கார் ஓட்டுநர் வேடத்தில் டோனி ஸ்காட்சின் டேஸ் ஆப் தண்டர் திரைப்படத்தில் நடித்தார். குரூஸின் அடுத்த திரைப்படமாக ரோன் ஹோவார்டின் ஃபார் அண்ட் அவே இருந்தது. அதில் அவர் நிக்கோல் கிட்மேனுடன் மீண்டும் இணைந்து நடித்தார். டேஸ் ஆப் தண்டர் திரைப்படத்திற்குப் பின்னர், அவர் இராணுவத் திரில்லர் படமான எ ப்யூ குட் மென் திரைப்படத்தில் ஜேக் நிகோல்சன் மற்றும் டெமி மூர் ஆகியோருடன் நடித்தார். இந்தத் திரைப்படம் நன்றாக ஓடியது. மேலும் டாம் குரூஸ் கோல்டன் குளோப் மற்றும் எம்டிவி (MTV) விருதுகளுக்கானப் பரிந்துரைகளைப் பெற்றார். அடுத்த ஆண்டு சிட்னி போலக்கின் தி பார்ம் திரைப்படத்தில் அவர் ஜெனி ஹாக்மேன் மற்றும் எட் ஹாரிசு ஆகியோருடன் இணைந்து நடித்தார். அது ஜான் க்ரிஷம் எழுதிய அதிகம் விற்பனையான புதினத்தை அடிப்படையாகக் கொண்டது. மேலும் அது மக்களின் விருப்ப விருதுகளில் மிகவும் பிடித்த நாடகத் திரைப்பட விருதை வென்றது.
1994 ஆம் ஆண்டில் பிராட் பிட், ஆண்டனியோ பெண்டெராஸ் மற்றும் கிறிஸ்டியன் ஸ்லாடர் ஆகியோருடன் டாம் குரூஸ் இணைந்து நெய்ல் ஜோர்டனின் இண்டர்வியூ வித் தி வம்பயர் திரைப்படத்தில் நடித்தார். இது அன்னே ரைஸ் எழுதிய நன்கு விற்பனையான புதினத்தை அடிப்படையாகக் கொண்ட நாடகப் பாணியிலான திகில் திரைப்படமாகும். திரைப்படம் நன்றாக ஓடியனாலும், ரைஸ் தனது முதல் விருப்பம் ரிவர் போனிக்ஸ்தான் என்று டாம் குரூஸை படத்தில் இடம்பெறச் செய்ததற்கு விமர்சித்துப் பேசியிருந்தார். 1996 ஆம் ஆண்டில், ப்ரையன் டே பால்மாவின் மிஷன்: இம்பாசிபிள் திரைப்படத்தில் டாம் குரூஸ் நடித்தார் (அப்படத்தை தயாரித்தும் இருந்தார்). 1960களின் TV தொடரின் மறுதயாரிப்பான அந்தத் திரைப்படம், உலக அளவில் 456 மில்லியன் அமெரிக்க டாலர்களுக்கும் மேலான வசூலைப் பெற்றது. அது அந்த ஆண்டின் அதிக வசூலான திரைப்படங்களில் மூன்றாவது ஆகும். அதே ஆண்டு அவர் ஜெர்ரி மாக்கையர் என்ற நகைச்சுவைத் திரைப்படத்தில் கதாநாயகனாக நடித்தார். அத்திரைப்படம், அவருக்கு சிறந்த நடிகருக்கான அகாடமி விருதுக்கான பரிந்துரையையும் விருதையும் பெற்றுத்தந்தது. அதே போன்று துணை நடிகர் கூபா குட்டிங், ஜூனியர். என்பவருக்கு சிறந்த துணை நடிகருக்கான அகாடமி விருதையும் பெற்றுத்தந்தது; அத்திரைப்படம் மொத்தமாக ஐந்து அகாடமி விருதுகளுக்குப் பரிந்துரைக்கப்பட்டது. அத்திரைப்படம் "ஷோ மி தி மணி!" என்ற அடைமொழியையும் உள்ளடக்கியது. இது பிரபல பண்பாடாகவும் மாறியது. 1999 ஆம் ஆண்டில் பாலுணர்வுத் திரில்லரான ஐஸ் வைடு சட் திரைப்படத்தில் டாம் குரூஸ் நடித்தார். இப்படத்திற்கான படப்பிடிப்பு நிறைவடைய இரண்டு ஆண்டுகள் ஆனது. மேலும் இப்படம் இயக்குனர் ஸ்டேன்லீ குப்ரிக்கின் கடைசிப் படமாகவும் இருந்தது. இது டாம் குரூஸ் தனது மனைவி நிக்கோல் கிட்மேன்னுடன் இணைந்து நடிக்கும் கடைசிப் படமாகவும் இருந்தது. ஆனால் இந்தப் படம், பாலியலுக்கான நேரடியான விளக்கத்தைக் கொண்டிருந்தது. மேலும் இது ஆழ்ந்த விஷயங்கள் சார்ந்த கதை சொல்லும் விதத்தில் நிறைய முரண்பாடுகளை ஏற்படுத்தியது. டாம் குரூஸ் பெண்களை குறிப்பாக வெறுக்கும் ஆண் தலைவனாக மங்கோலியா (1999) திரைப்படத்திலும் நடித்தார். இது அவருக்கு சிறந்த துணை நடிகருக்கான ஆஸ்கார் விருதுக்கான பரிந்துரையைப் பெற்றுத்தந்தது. அவர், அதிரடித் திகில் திரைப்படமான எண்ட் ஆப் டேஸ் (End of Days) படத்தில் அர்னால்டு ஸ்வார்ஸ்னேக்கர் முக்கிய பாத்திரத்தில் நடிப்பதாகக் கருதப்படுவதற்கு முன்னதாக ஜெரிக்கோ கேன் பாத்திரத்தில் நடிக்க எண்ணியிருந்தார்.
2000 ஆம் ஆண்டில் குரூஸ், மிஷன் இம்பாசிபிள் திரைப்படங்களின் இரண்டாவது தவணையாக வெளியான மிஷன்: இம்பாசிபிள் II திரைப்படத்தில் ஏதன் ஹண்ட் பாத்திரத்திற்குத் திரும்பினார். இந்தத் திரைப்படத்தை ஹாங்காங் இயக்குனர் ஜான் வூ இயக்கி, தனது கன் பூ வகையான முத்திரையைப் பதித்தார். மேலும் இத்திரைப்படம் பாக்ஸ் ஆபிஸில் தொடர்ச்சியான மிகப்பெரிய வெற்றியைத் தொடர்ந்தது. உலக முழுவதும் ஏறக்குறைய 547 மில்லியன் அமெரிக்க டாலர்களை வசூலித்து. அப்படம் அதன் முந்தைய வெளியீட்டைப் போலவே அந்த ஆண்டின் அதிக வசூலை ஈட்டிய திரைப்படங்களில் மூன்றாவதாக வந்தது. அடுத்த ஆண்டில் அப்ரே லாஸ் ஓஜாஸ் திரைப்படத்தின் மறுதயாரிப்பான வனில்லா ஸ்கை (Vanilla Sky) (2001) திரைப்படத்தில் காமரூன் டியாஸ் மற்றும் பெனிலோப் க்ரஸ் ஆகியோருடன் குரூஸ் நடித்தார். அத்திரைப்படம் மிகவும் பாராட்டப்பட்டு இன்னுமொரு பாக்ஸ் ஆபிஸ் வெற்றியை நிரூபித்தது. 2002 ஆம் ஆண்டில், உறுப்பு இடப் பிறழ்ச்சி உடையவன் பற்றிய அறிவியல் புதினத் திரில்லரான மைனாரிட்டி ரிப்போர்ட் திரைப்படத்தில் குரூஸ் நடித்தார். பிலிப் கே. டிக் எழுதிய அறிவியல் புதினச் சிறுகதையின் அடிப்படையிலான இத்திரைப்படத்தை ஸ்டீவன் ஸ்பீல்பெர்க் இயக்கினார். 2003 ஆம் ஆண்டில் அவர், எட்வர்டு ஸ்விக்கின் வரலாற்றுக் கதையான தி லாஸ்ட் சாமுராய் என்ற வெற்றிகரமான திரைப்படத்தில் நடித்தார்.
2004 ஆம் ஆண்டில் மைக்கேல் மேன்னின் க்ரைம் திரில்லர் திரைப்படமான கொலட்டெரல் படத்தில் சமுதாயத்தை எதிர்க்கும் ஒரு கொலைகாரன் பாத்திரம் மூலமாக, தனது தலைமுறையின் சிறந்த ஆண் என்ற பெயரிற்கு எதிரான பாத்திரத்தில் டாம் குரூஸ் நடித்தார். 2005 ஆம் ஆண்டில், ஸ்டீவன் ஸ்பீல்பெர்க்குடன் இணைந்து வார் ஆப் தி வேல்டுஸ் என்ற திரைப்படத்தில் டாம் குரூஸ் பணியாற்றினார். இத்திரைப்படம் உலக அளவில் 591.4 மில்லியன் அமெரிக்க டாலர் என்ற வசூலுடன் அந்த ஆண்டின் அதிக வசூலில் நான்காவது இடத்தைப் பெற்றது. அத்திரைப்படத்தின் பாக்ஸ் ஆபிஸ் வெற்றியில் வேறுபாடு இருந்தாலும், அது மூன்று ரஸ்ஸீ விருதுகளுக்கான பரிந்துரைகளைப் பெற்றது. அவற்றில் குரூஸ்க்கான பரிந்துரையும் ஒன்று. 2006 ஆம் ஆண்டில், அவர் மிஷன் இம்பாசிபிள் திரைப்படத் தொடரின் மூன்றாவது தவணையான மிஷன்: இம்பாசிபிள் III என்ற திரைப்படத்தில் தனது பாத்திரமான ஏதன் ஹண்டாக மீண்டும் நடித்தார். அப்படம் அதன் முந்தையவற்றை விடவும் அதிகமான பாராட்டு விமர்சனங்களைப் பெற்றது. மேலும் பாக்ஸ் ஆபிஸில் 400 மில்லியன் டாலர்கள் வசூலைத் தாண்டியது.[16] அவர் 2007 ஆம் ஆண்டில் லயன்ஸ் பார் லேம்ப்ஸ் என்ற திரைப்படத்தில் தோன்றினார். இப்படம் குரூஸின் 21 ஆண்டுகள் வெளிவந்த படங்கள் வரலாற்றில் உலக அளவில் 100 மில்லியன் டாலர்களைக் கூட தாண்டாத திரைப்படமானது.[17]
2008 ஆம் ஆண்டில் நகைச்சுவை ஹிட்டான டிரோபிக் தண்டர் (Tropic Thunder) திரைப்படத்தில் பென் ஸ்டில்லர் மற்றும் ஜேக் பிளாக் ஆகியோருடன் குரூஸ் தோன்றினார். இந்த நடிப்பு அவருக்கு கோல்டன் குளோப் விருதுக்கான பரிந்துரையைப் பெற்றுத்தந்தது. சமீபத்தில் 2008 ஆம் ஆண்டு செப்டம்பர் 25 அன்று வெளிவந்த டாம் குரூஸ் நடித்த விறுவிறுப்பான வால்கியர் (Valkyrie) என்ற வரலாற்றுத் திரைப்படத்தின் கதாபாத்திரம், பலவகையான விமர்சனங்களைப் பெற்றது.
டாம் குரூஸ் அவரது முன்னாள் முகவரான பௌலா வாக்னெருடன் இணைந்து 1993 ஆம் ஆண்டில் குரூஸ்/வாக்னெர் புரடக்சன்ஸ் நிறுவனத்தை உருவாக்கினார்.[5] மேலும் அந்நிறுவனம் டாம் குரூஸின் பல திரைப்படங்களை இணைத் தயாரிப்பு செய்தது.[18] டாம் குரூஸ் தயாரிப்பாளராகி, 1996 ஆம் ஆண்டில் முதல் திரைப்படமாக மிஷன்: இம்பாசிபிள் திரைப்படத்தைத் தயாரித்தார். 1997 ஆம் ஆண்டில் அவர் மிஷன்: இம்பாசிபிள் திரைப்படத்தில் தயாரிப்பாளராகப் பணியாற்றியதற்காக, பி.ஜி.ஏ (PGA) கோல்டன் லௌரெல் விருதுகள் விழாவில் திரையரங்கத் திரைப்படங்களில் மிகவும் நம்பிக்கையூட்டக் கூடிய தயாரிப்பாளருக்கான நோவா விருதை (பௌலா வாக்னெர் உடன் பகிர்ந்து) வென்றார்.
1998 ஆம் ஆண்டில் வெளிவந்த வித்தவுட் லிமிட்ஸ் என்ற திரைப்படம் பிரபல அமெரிக்க ஓட்டப்பந்தைய வீரர் ஸ்டீவ் ப்ரெபோண்டெய்ன் பற்றியதாக இருந்தது. அத்திரைப்படமானது ஒரு தயாரிப்பாளராக அவரது அடுத்த திட்டமாக இருந்தது. 2000 ஆம் ஆண்டில் டாம் குரூஸ் மீண்டும் தயாரிப்பாளராகத் திரும்பி, மிஷன் இம்பாசிபிள் தொடரில் தனதுப் பணியைத் தொடர்ந்தார். நிக்கோல் கிட்மேன் நடித்த தி அதர்ஸ் திரைப்படத்திற்கு தயாரிப்புப் நிர்வாகியாக பணியாற்றினார், அதே ஆண்டில் வனில்லா ஸ்கை திரைப்படத்தில் நடிகராகவும் தயாரிப்பாளராகவும் மீண்டும் பணியாற்றினார். அடுத்ததாக அவர் நார்க் , ஹிட்டிங் இட் ஹார்டு மற்றும் ஷட்டர்டு கிளாஸ் ஆகியவற்றில் பணியாற்றினார் (ஆனால் அத்திரைப்படங்களில் அவர் நடிக்கவில்லை). தி லாஸ்ட் சாமுராய் என்ற திரைப்படம் அவரது அடுத்த திட்டமாக இருந்தது. அதில் அவர் நடித்தும் இருந்தார். மேலும் அப்படத்திற்கு 2004 ஆம் ஆண்டின் பி.ஜி.ஏ (PGA) கோல்டன் லௌரெல் விருதுகள் விழாவில் 2004 ஆம் ஆண்டின் சிறந்த திரைப்படத் தயாரிப்பாளருக்கான விருதுக்கு அவரது பெயரும் இணைத்து பரிந்துரைக்கப்பட்டது. பின்னர் அவர் சஸ்பெக்ட் ஜீரோ , எலிசபெத்டவுன் மற்றும் ஆஸ்க் தி டஸ்ட் ஆகிய திரைப்படங்களில் பணியாற்றினார்.
டாம் குரூஸ் ஹாலிவுட்டில் பெரும்பாலான இலாபமளிக்கும் திரைப்படப் பேரங்களில் பேச்சுவார்த்தையை கையாண்டுள்ளார். மேலும் 2005 ஆம் ஆண்டில் எட்வர்டு ஜே எப்ஸ்டெயின் என்ற ஹாலிவுட்டின் பொருளாதார நிபுணர் அவரை, "ஹாலிவுட்டின் மிக வலிமையான செல்வம் மிகுந்த சக்திகளில் ஒருவர்" என்று வருணித்தார். எப்ஸ்டெயின், பில்லியன் டாலரில் எடுக்கப்பட்ட திரைப்படத்திற்கு உறுதியான வெற்றி தேடித்தரக்கூடிய சில தயாரிப்பாளர்களில் ஒருவராக டாம் குரூஸ் உள்ளார் (அந்தத் தயாரிப்பாளர்களில் மற்றவர்கள், ஜார்ஜ் லூகஸ், ஸ்டீவன் ஸ்பீல்பெர்க் மற்றும் ஜெர்ரி ப்ரூக்ஹேய்மர் ஆகியோர்) என்று குறிப்பிடுகிறார். மேலும் எப்ஸ்டெயின் கூறுகையில், டாம் குரூஸ் பற்றி பத்திரிக்கை சர்ச்சைகள் பற்றிய மக்களின் ஈடுபாடானது குரூஸின் வணிக ரீதியான தனிச் சிறப்பான துணிச்சல் மீதான முழுமையான பாராட்டுதல்களை கவனிக்கப்படாததாக ஆக்குகின்றது என்றும் வாதிடுகிறார்.[4]
டாம் குரூஸின் திரைப்படத் தயாரிப்பு நிறுவமனான குரூஸ்/வாக்னெர் புரடக்சன்ஸ், நியூயார்க் டைம்ஸ் பத்திரிகையில் எரிக் லார்சன் எழுதி அதிகம் விற்பனையான, சிகாகோ நகரின் உலகக் கொலம்பியப் பொருட்காட்சியில் நிஜ வாழ்க்கையின் தொடர் கொலைகாரனான எச். எச். ஹோல்ம்ஸ் பற்றிய கதையான தி டெவில் இன் தி வொய்ட் சிட்டி யின் அடிப்படையிலான திரைக்கதையை உருவாக்குவதாகக் கூறப்படுகின்றது. அந்தத் திட்டத்தை தயாரிக்கவும் செயலாட்சிக்கும் காத்ரின் பிகேலோ சேர்க்கப்பட்டிருக்கின்றார். அதே நேரத்தில், லியோனார்டோ டிகாப்ரியோவின் அப்பியன் வே என்ற தயாரிப்பு நிறுவனமும் ஹோல்ம்ஸ் மற்றும் உலகப் பொருட்காட்சி பற்றிய ஒரு திரைப்படத்தை உருவாக்குகின்றது, அதில் டிகாப்ரியோ நடிக்கிறார்.[19]
2006 ஆம் ஆண்டு ஆகஸ்ட் 22 அன்று பாரமவுண்ட் பிக்சர்ஸ், குரூஸ் உடனான தனது 14 ஆண்டுகளால உறவு முடிவடைவதாக அறிவித்தது. வால் ஸ்ட்ரீட் ஜெர்னல் பத்திரிக்கையில், வையாகாம் (பாராமவுண்ட்டின் தாய் நிறுவனம்) தலைவர் சம்னர் ரெட்ஸ்டோன், நடிகராகவும் தயாரிப்பாளராகவும் டாம் குரூஸ் கொண்டுள்ள மதிப்பிற்கு, அவரது பொது நடத்தை மற்றும் பார்வைகளால் பொருளாதாரப் பாதிப்பு ஏற்படுவதாக மேற்கோள்காட்டினார்.[20][21] பாராமவுண்டின் அறிவிப்பானது தயாரிப்பு நிறுவனம் தனியார் பங்கு நிறுவனங்களிலிருந்து வந்த மாற்று நிதியாதாரங்களினால் வசதி பெற்று தங்கள் நிறுவனத்தை கழற்றி விடுவதால், அதனை மறைத்து தனது முகத்தைக் காப்பற்றிக் கொள்ள இத்தகைய அறிவிப்பினை வெளியிட்டிருப்பதாக குரூஸ்/வாக்னெர் புரடக்சன்ஸ் நிறுவனம் கூறியது.[22] எட்வர்டு ஜே எப்ஸ்டெயின் போன்ற தொழில்துறை ஆய்வாளர்கள், அதற்கு உண்மையான காரணம் மிஷன்: இம்பாசிபிள் விற்பனையார்களிடமிருந்து வரும் டி.வி.டி (DVD) விற்பனையில் குரூஸ்/வாக்னெரின் மிகப்பெரிய பங்கைப் பிரித்துக்கொடுப்பதில் பாராமவுண்ட்டுக்கு ஏற்பட்ட மனக்குறையே இதற்கு உண்மையான காரணம் என்று கருத்து தெரிவித்தனர்.[23][24]
2006 ஆம் ஆண்டு நவம்பரில், டாம் குரூஸ் மற்றும் பௌலா வாக்னெர் இருவரும் யுனைட்டேட் ஆர்ட்டிஸ்ட்ஸ் திரைப்பட ஸ்டுடியோவை தாங்கள் எடுத்துக்கொண்டதாக அறிவித்தனர்.[5] யுனைட்டேட் ஆர்ட்டிஸ்ட்ஸ் திரைப்படங்களுக்கு டாம் குரூஸ் தயாரிப்பாளராகவும் நடிகராகவும் செயல்படுகிறார். வாக்னெர் UA க்கு தலைமை நிர்வாகியாகவும் பணியாற்றுகின்றார். அதன் தயாரிப்பானது 2007 ஆம் ஆண்டு வெளியான வால்கியர் திரைப்படத்துடன் தொடங்கியது. அத்திரைப்படமானது 1944 ஆம் ஆண்டு ஜூலை 20 அன்று அடோல்ஃப் ஹிட்லருக்கு எதிராக நடைபெற்ற படுகொலை முயற்சியின் அடிப்படையிலான விறுவிறுப்புத் திரைப்படமாகும். இந்தத் திரைப்படம் 2007 ஆம் ஆண்டு மார்ச் மாதத்தில் யுனைட்டெட் ஆர்ட்டிஸ்ட்ஸ் மூலம் கையகப்படுத்தப்பட்டது. 2007 ஆம் ஆண்டு மார்ச் 21 அன்று க்ளாஸ் வோன் ஸ்டௌபென்பெர்க் கதையின் முக்கிய நடிகராகக் கையெழுத்திட்டார். இச் ந்தத் திரைப்படத்திட்டம் டாம் குரூஸ் மற்றும் வாக்னெர் ஆகியோர் யுனைட்டேட் ஆர்ட்டிஸ்ட் நிறுவனத்தைத் தங்கள் கட்டுப்பாட்டுக்குள் கொண்டு வந்த பின்னர் தயாரிக்கும் இரண்டாவது தயாரிப்பாக இருக்க முடிவு செய்யப்பட்டது. முதலாவதாக, ராபர்ட் ரெட்போர்ட் இயக்கி ரெட்போர்ட், மேரில் ஸ்ட்ரீப் மற்றும் டாம் குரூஸ் நடித்த லயன்ஸ் பார் லேம்ப்ஸ் திரைப்படம் இருந்தது. லேம்ப்ஸ் திரைப்படம் 2007 ஆம் ஆண்டு நவம்பர் 9 அன்று வெளியானது.[25] தொடக்கத்தில் இத்திரைப்படம் ஏமாற்றமளிக்கும் பாக்ஸ் ஆபிஸ் வருமானத்தையும் குறைவான வரவேற்பையும் பெற்றது. 2008 ஆம் ஆண்டு ஆகஸ்டில், யுனைட்டேட் ஆர்ட்டிஸ்ட் நிறுவனத்துடனான தனது பொறுப்பில் இருந்து வாக்னெர் விலகினார்; டாம் குரூஸின் பங்குத் தொகையைக் கொண்டு, ஸ்டுடியோவில் தன்னுடையதையும் இணைத்து UA இல் அவரது 30 பங்கைத் தக்க வைத்திருக்கின்றார்.
1990, 1991 மற்றும் 1997 ஆம் ஆண்டுகளில், பீப்பிள் பத்திரிக்கை உலகின் மிகவும் அழகான 50 நபர்களில் ஒருவராக டாம் குரூஸை மதிப்பிட்டிருந்தது. 1995 ஆம் ஆண்டில், எம்பயர் பத்திரிகையானது திரைப்பட வரலாற்றில் 100 செகஸ் கவர்ச்சியுடைய நட்சத்திரங்களில் ஒருவராக மதிப்பிட்டிருந்தது. 1997 ஆம் ஆண்டில் கழித்து, அது அனைத்துக் கால திரை நட்சத்திரங்களிடையே பிரபலமான 5 நபர்களில் ஒருவராக மதிப்பிட்டிருந்தது. 2002 மற்றும் 2003 ஆம் ஆண்டில், பிரீமியர் பத்திரிகை அதன் ஆண்டு ஆற்றல் மிக்க 100 பேர் பட்டியலில் முதல் 20 பேரில் ஒருவராக மதிப்பிட்டது.[2]
2006 ஆம் ஆண்டில், பிரீமியர் பத்திரிகை டாம் குரூஸை ஹாலிவுட்டின் மிகவும் ஆற்றல்மிக்க நடிகராக மதிப்பிட்டது,[26] டாம் குரூஸ் அந்தப் பத்திரிகையின் 2006 ஆம் ஆண்டின் ஆற்றலாலர்கள் பட்டியலில் 13 வது இடத்திற்கு வந்தார். இதுவே ஒரு நடிகருக்குக் கொடுக்கப்பட்ட அதிகபட்ச மதிப்பு ஆகும்.[27]
2006 ஆம் ஆண்டு ஜூன் 16 அன்று, போர்ஃபஸ் பத்திரிகை 'பிரபலங்கள் 100' பட்டியலை வெளியிட்டது, இது மிகவும் ஆற்றல்மிக்க பிரபலங்களின் பட்டியல், இதில் குரூஸ் உயர்ந்த இடத்தில் இருந்தார். அந்தப் பட்டியலானது, வருமானம் (ஜூன் 2005 மற்றும் ஜூன் 2006 இடையேயானது), கூகுள் வழங்கிய வலைக் குறிப்புகள், லெக்ஸிஸ்நெக்ஸிஸ் (LexisNexis) மூலம் சேகரிக்கப்பட்ட பத்திரிகைச் செய்தித் தொகுப்புகள், தொலைக்காட்சி மற்றும் வானொலி குறிப்புகள் (பேக்டிவா வழங்கியது) மற்றும் 26 முக்கிய நுகர்வோர் பத்திரிகைகளில் அட்டையில் தோன்றிய எண்ணிக்கைகள் போன்றவற்றினைப் பயன்படுத்தி உருவாக்கப்பட்டது.
2006 ஆம் ஆண்டு ஆகஸ்ட் மாதம் நடைபெற்ற " USA டுடே/கால்-அப் கருத்துக்கணிப்பின்படி, அந்த நடிகரைப் "பிடிக்கவில்லை" என்று ஆய்வில் பங்குபெற்றோரில் பாதிப்பேர் பதிவுசெய்தனர். இதுவும் பாராமவுண்ட்டின் டாம் குரூஸ் உடனான தயாரிப்பு ஒப்பந்தத்தை புதுப்பிக்க இயலாததற்கு காரணமான "ஏற்கமுடியாத நடத்தை"[28] என்பதுடன் கூடுதல் காரணமாக மேற்கோளிடப்பட்டது. மேலும், சந்தை மதிப்பீடுகள் டாம் குரூஸின் Q மதிப்பு (இது பிரபலங்களின் பிரபல மதிப்பின் அளவீடாகும்) 40 சதவீதம் சரிந்ததாகக் அறிக்கை வெளியிட்டது. அது பிரபலங்களில் டாம் குரூஸை மக்கள் குறைந்தளவே தங்களது சிறந்த நண்பராக கருத விரும்புவதாக வெளிப்படுத்தியது. 2006 ஆம் ஆண்டு அக்டோபர் 10 தினத்தை ஜப்பானில் "டாம் குரூஸ் தினமாக" அறிவித்தனர்; பிற ஹாலிவுட் நடிகர்களை விடவும் அவர் ஜப்பானிற்கு அதிகமுறைப் பயணம் செய்துள்ளதால், அவர் ஒரு சிறப்பு தினத்தை விருதாகப் பெற்றார் என்று ஜப்பானிய நினைவு தினக் கழகம் கூறியது.[29]
டாம் குரூஸ் 1987 ஆம் ஆண்டு மே 9 அன்று மிமி ரோஜர்ஸ் என்பவரை மணந்தார்; அவர்கள் 1990 ஆம் ஆண்டு பிப்ரவரி 4 அன்று விவாகரத்துப் பெற்றனர்.[2] செயிண்டாலஜிக்கு டாம் குரூஸை அறிமுகப்படுத்தியது ரோஜர் தான் என்று பொதுவாக நம்பப்படுகின்றது.[30]
டாம் குரூஸ் நிக்கோல் கிட்மேனை அவர்கள் இணைந்து நடித்த டேஸ் ஆப் தண்டர் திரைப்படப் படப்பிடிப்புத் தளத்தில் சந்தித்தார். அந்த ஜோடி 1990 ஆம் ஆண்டு டிசம்பர் 24 அன்று திருமணம் செய்தது. அவரும் கிட்மேனும் இணைந்து இஸாபெல்லா ஜேன் (பிறப்பு, 1992 ஆம் ஆண்டு டிசம்பர் 22) மற்றும் கன்னார் ஆண்டனி (பிறப்பு, 1995 ஆம் ஆண்டு ஜனவரி 17) ஆகிய இரண்டு குழந்தைகளைத் தத்தெடுத்தனர்.[2] கிட்மேன் 2001 ஆம் ஆண்டு பிப்ரவரியில் மூன்று மாதம் கர்ப்பமாக இருந்தபொழுது இருவரும் பிரிந்தனர்; பின்னர் கிட்மேனின் கருக்கலைந்து விட்டது.[31]
அடுத்ததாக டாம்குரூஸ், தனது வனில்லா ஸ்கை திரைப்படத்தின் முதன்மை நடிகையான பெனெலோப் க்ரூஸ்ஸின் மீது காதல்வயப்பட்டு இணைத்துக் கொண்டார். மூன்றாண்டு உறவுக்குப் பிறகு அவர்களது உறவுவானது ஜனவரியில் முடிந்ததாக 2004 ஆம் ஆண்டில் மார்ச்சில் குரூஸ் அறிவித்தார்.[32]
2005 ஆம் ஆண்டு ஏப்ரலில், டாம் குரூஸ் நடிகை காடீ ஹோல்ம்ஸ் என்பவரைச் சந்திக்கத் தொடங்கினார். அதிகம் பிரபலப்படுத்தப்பட்ட அவர்களது சந்திப்பு தொடங்கிய குறைந்த நாட்களில் டாம்காட், பாரிஸ் நகரில் உள்ள ஈபிள் கோபுரத்தின் உச்சியில் வைத்து காடீ ஹோல்ம்ஸிடம் தனது திருமண ஆசையை வெளிப்படுத்தியதாக 2005 ஆம் ஆண்டு ஜூன் 17 அன்று டாம் குரூஸ் அறிவித்தார்.
2006 ஆம் ஆண்டு ஏப்ரல் 18 அன்று காடீ ஹோல்ம்ஸ் கலிபோர்னியாவின் சாண்டா மோனிகா நகரிலுள்ள செயிண்ட் ஜான்ஸ் ஹெல்த் சென்டரில் ஒரு பெண் குழந்தையைப் பெற்றெடுத்தார். அக்குழந்தைக்கு சூரி (Suri) என்று பெயரிட்டனர். அந்தப் பெயரானது "இளவரசி" என்பதற்கான ஹீப்ரூ வார்த்தையிலிருந்து அல்லது சிவப்பு ரோஜா என்று பொருளைத் தரும் பெர்சியன் வார்த்தையிலிருந்து எடுக்கப்பட்டதாக டாம் குரூஸ் கூறினார்.[33] (சாரா என்பதையும் காண்க. ) அக்குழந்தையே டாம் குரூஸ் மற்றும் ஹோல்ம்ஸ் ஆகிய இருவருக்கும் உயிரியல் ரீதியாக பிறந்த முதல் குழந்தை ஆகும்.[34] அந்த ஜோடி இத்தாலியின் பிராக்சியனோ நகரில் 2006 ஆம் ஆண்டு நவம்பர் 18 அன்று திருமணம் செய்தனர்.
டாம் குரூஸ் சர்ச் ஆப் செயிண்டாலஜியின் ஒரு வெளிப்படையான ஆதரவாளர். அவர் தனது முதல் மனைவி மிமி ரோஜர்ஸ் மூலமாக 1990 ஆம் ஆண்டிலிருந்து செயிண்டாலஜியில் பங்குபெறத் தொடங்கினார்.[35] செயிண்டாலஜி, குறிப்பாக எல். ரோன் ஹப்பார்டு கற்றல் தொழில்நுட்பம் தனது கற்றல் குறைபாட்டைப் போக்க உதவியது என்பதை டாம் குரூஸ் வெளிப்படையாகக் கூறினார்.[36] மக்களிடையே செயிண்டாலஜியை அறிமுகப்படுத்தக் கூடுதலாகப் பல்வேறு திட்டங்களை மேம்படுத்துவதோடு, ஐரோப்பாவில் ஒரு மதமாக செயிண்டாலஜி ஏற்றுக்கொள்ளப்பட டாம் குரூஸ் பிரச்சாரம் செய்திருக்கின்றார். பிரான்ஸ் மற்றும் ஜெர்மனி ஆகியவற்றின் சட்ட அமைப்புகள் செயிண்டாலஜியை முறையே சமய மரபாகவும் மற்றும் வர்த்தகமாகவும் கருதுவதால், அந்நாடுகளின் அரசியல்வாதிகளிடையே ஆதரவைச் சேகரித்தார். 2005 ஆம் ஆண்டில் அதிகாரிகளான நிக்கோலஸ் சர்கோசி மற்றும் ஜீன்-கிளவுடு கௌடின் ஆகியோரை டாம் குரூஸ் சந்தித்து ஆதரவு தேடினார் என்று பாரிஸ் நகரசபை வெளிப்படுத்தியத. மேலும் அவரை செயிண்டாலஜியின் பேச்சாளர் மற்றும் தீவிரவாதி என்று விவரித்து, அவருடன் மேற்கொண்டு தொடர்புகள் ஏற்படுத்துவதைத் தடைசெய்தது.[37][38] டாம் குரூஸ், நியூயார்ர்கின் 9/11 மீட்புப் பணியாளர்களுக்கான டவுண்டவுன் மெடிக்கல் நிறுவனத்திற்கு எல். ரோன் ஹப்பார்டுவின் சிகிக்சை முறையின் அடிப்படையிலான நச்சு வாயுவு சிகிச்சை வழங்குவதற்காக நன்கொடைகளை வசூலிக்க துணை நிறுவனராக மாறினார். இது மருத்துவத் தொழிலைக் கொண்டவர்களிடமிருந்தும் [39] தீயணைப்பு வீரர்களிடமிருந்தும் விமர்சனத்தைப் பெற்றது.[40] இந்த நடவடிக்கைக்காகவும் மற்றும் பிறவற்றிற்காகவும், 2004 ஆம் ஆண்டின் பிற்பாதியில் டேவிட் மிஸ்கவிக் குரூஸிற்கு செயிண்டாலஜியின் விடுதலை வீரர் பதக்கத்தை வழங்கி கௌரவித்தார்.
2005 ஆம் ஆண்டில் நடிகை ப்ரூக் ஷீல்ட்ஸ் தனது முதல் குழந்தை 2003 ஆம் ஆண்டில் பிறந்த பின்னர் குழந்தைப் பேறுக்குப் பின்னான உளச்சோர்விலிருந்து மீள்வதற்கு மனச் சோர்வு எதிர்ப்பு மருந்து கொண்ட பெட்டியில் (பரோக்ஸிடைன்) போதை மருந்தைப் பயன்படுத்தியது பற்றி டாம் குரூஸ் வெளிப்படையாக விமர்சித்த பிறகு அவர்களிடையே சர்ச்சை வெடித்தது. குரூஸ் ரசாயன ஏற்றத்தாழ்வு போன்ற ஒன்று இல்லை, மேலும் உளவியல் என்பது ஒரு வகையான போலி அறிவியல் ஆகும் என்று கருதினார். இந்தத் தலைப்பானது 2005 ஆம் ஆண்டு ஜூன் 24 அன்று தி டுடே ஷோ வில் மேட் லௌயருடன் ஒரு சூடான விவாதத்திற்கு வழிவகுத்தது.[41] க்ரூஸ்சின் விமர்சனம் மனச் சோர்வை மேலும் இறுக்கமடையச் செய்யும்[42][43] என்று மருத்துவ அதிகாரிகள் கூறினர். அவை "தாய்மார்களின் சேவைகளுக்கு இழுக்கு தேடித்தருவதாகும்"[44] என்று ஷீல்ட்ஸ்சும் கூறினார். 2006 ஆம் ஆண்டு ஆகஸ்டின் பிற்பகுதியில், டாம் குரூஸ் தனது கருத்துகளுக்காக ஷீல்ட்ஸ் இடம் தனிப்பட்ட முறையில் மன்னிப்புக் கோரினார்; "[இந்த மன்னிப்பு] என்பதை எனது மனம் எவ்வாறு திருப்பதிகரமாக உணர்ந்தது... என்னை தற்காத்துக் கொள்ள வேண்டியிருக்கும் என எப்போதும் நான் நினைத்ததில்லை, அவர் என்னிடம் ஆழமாக மன்னிப்புக் கோருவதைவிட என்னைச் சமாதானப்படுத்த முயன்றிருக்கலாம். நான் அதை ஏற்றுக்கொண்டும் விட்டேன்."டாம் குரூஸ் மற்றும் ஷீல்ட்ஸ் ஆகியோர் சமாதானமாகி விட்டதாகவும், மன அழுத்த குறைப்பு மருந்து எதிர்ப்புக்கான டாம் குரூஸின் நிலையில் மாற்றம் இல்லை என்றும் டாம் குரூஸின் செய்தித் தொடர்பாளர் தெரிவித்தார். டாம் குரூஸ் மற்றும் காடீ ஹோல்ம்ஸ் ஆகியோரது திருமணத்தில் ஷீல்ட்ஸ் விருந்தினராக இருந்தார்.
எண்டர்டெயின்மெண்ட் வீக்லி பேட்டியில் டாம் குரூஸ் கூறியது , உளவியல் "என்பது ஒரு நாசிச அறிவியல்", மேலும் மெத்தடான் உண்மையில் ஆரம்பத்தில் அடோல்பின் என்று அடோல்ஃப் ஹிட்லர் நினைவாக அழைக்கப்பட்டது, இது நகர்புற கட்டுக்கதை என நன்கு அறியப்படுகிற இட்டுக்கட்டு.[45] டேர் ஸ்பீகல் பத்திரிகையின் ஒரு பேட்டியில், "செயிண்டாலஜியில், உலகில் வெற்றிகரமான போதை மறுவாழ்வுத் திட்டத்தை நாங்கள் மட்டுமே வைத்துள்ளோம்" என்று டாம் குரூஸ் கூறினார். இது நார்கனான் என்றழைக்கப்படுகின்றது… இது குறிப்பிட்டகாலத்தில் உலகில் ஒரே ஒரு வெற்றிகரமான போதை மறுவாழ்வுத் திட்டம் என்பது திருப்திகரமாக நிரூபிக்கப்பட்டிருக்கின்றது. குறிப்பிட்ட காலப்பகுதியில், "நார்கனான் 70 சதவீதத்திற்கும் அதிகமான வெற்றி வீதத்தைக் கொண்டிருந்த போதிலும்,[46][47] அதன் தெளிவான எண்ணிக்கை பெரும்பாலும் ஐயத்திற்குரியதாகவே உள்ளது.[48] முதன்மை உளவியலின் மீதான எதிர்ப்புக்கு செயிண்டாலஜி நன்கு அறியப்பட்டதே ஆகும்.
2008 ஆம் ஆண்டு ஜனவரியில் டாம் குரூஸின் அடுத்து வரவிருக்கும் வாழ்க்கை வரலாறாக, ஆண்ட்ரூ மார்டன் எழுதிய டாம் குரூஸ்: அன் அனாத்தரைஸ்டு பயோகிராபி (Tom Cruise: An Unauthorized Biography) என்ற நூலை டெய்லி மெயில் (UK) அறிவித்தது. தேவாலயத்தில் "அதிகார வரிசையில் உள்ள பெயரைத் தவிர மற்றவற்றில் இரண்டாம் நிலையில் இருக்கிறார்" டாம் குரூஸ் என்று அந்த நூல் குறிப்பிடுகின்றது. இது செயிண்டாலஜியின் முன்னாள் ஊழியர் மார்க் ஹீட்லே அவர்களால் உறுதிப்படுத்தப்பட்டுள்ளது.[49] அன்ஆத்தரைஸ்டு பயோகிராபி முழுவதும் "சோர்வூட்டும் பழைய பொய்களைக் கூற முயன்றுள்ளது" அல்லது "நோயுள்ள பொருள்" என்று டாம் குரூஸின் வழக்கறிஞர் பெர்ட் பீல்ட்ஸ் கூறினார்.[50]
2008 ஆம் ஆண்டு ஜனவரி 15 அன்று, சர்ச் ஆப் செயிண்டாலஜி தயாரித்த டாம் குரூஸ் உடனான பேட்டி இணையத்தில் கசிந்து யூடியூப்பில் (YouTube) பதிவேற்றப்பட்டது. அந்த ஒளிப்பதிவில், டாம் குரூஸின் மிஷன் இம்பாசிபிள் திரைப்படங்களிலிருந்து இசை பின்புலத்தில் ஒலித்துக்கொண்டிருக்க குரூஸ் அவரின் பார்வையில் ஒரு செயிண்டாலஜிஸ்டாக இருப்பது என்றால் என்ன என்பது பற்றி விவாதிக்கின்றார்.[51][52] தி டைம்ஸ் பத்திரிகையின்படி, குரூஸ் "செயிண்டாலஜியின் நற்பண்புகளைப் பற்றி புகழ்கின்றார்" என்பதை வீடியோவில் பார்க்க முடிந்தது.[53] தி டெய்லி டெலிகிராப் பத்திரிகையானது, பேட்டியின் போது குரூஸ் "பைத்தியகாரத்தனமாகக் காணப்படுகின்றார்", மேலும் "செயிண்டாலஜியின் மீதான தனது அன்பைப் பொங்கிவழியச் செய்கிறார்" என்று உருவகப்படுத்தியுள்ளது.[54]
சர்ச் ஆப் செயிண்டாலஜி பாதுகாத்து வைத்திருந்த அந்த ஒளிப்பதிவு ஆவணம் யூடியூப்புக்குக் கசிந்தது. பின்னர் மற்ற வலைத்தளங்கள் அதை "திருட்டுத்தனமாக எடுத்து தொகுத்தன". அது செயிண்டாலஜி உறுப்பினர்களுக்காகத் தயாரிக்கப்பட்ட மூன்று மணிநேர ஒளிப்பதிவாகும்.[52][55] யூடியூப் வலைத்தளம் வழக்கு அச்சுறுத்தல் காரணமாக டாம் குரூஸின் ஒளிப்பதிவை அகற்றியது.[56] 2008 ஆம் ஆண்டு பிப்ரவரி 4 ஆம் தேதி நிலவரப்படி, Gawker.com வலைத்தளம் இன்னமும் அந்த ஒளிப்பதிவின் நகலை வைத்திருந்தது. மேலும் பிற தளங்கள் முழு ஒளிப்பதிவையும் பதிப்பித்துள்ளன.[56][57] சர்ச் ஆப் செயிண்டாலஜியின் வழக்கறிஞர்கள் அந்த ஒளிப்பதிவை அகற்றுமாறு கோருகின்ற கடிதத்தை Gawker.com வலைத்தளத்திற்கு அனுப்பினர். ஆனால் Gawker.com ஐச் சேர்ந்த நிக் டெண்டன் கூறியது: "இந்தச் செய்தி மதிப்புடையது, அதனால் இதனை அகற்ற மாட்டோம்."[58]
டாம் குரூஸ் ஹோல்ம்ஸிற்காக பலவிதமான உணர்ச்சிகளை ஊடகங்களில் வெளிக்காட்டியிருந்தார். அதில் மிகவும் குறிப்பிடத்தக்கது "இருக்கையிலிருந்து தாவிய நிகழ்ச்சி" (couch incident) எனப்படுகிற 2005 ஆம் ஆண்டு மே 23 அன்று பிரபலமான ஓபராய் வின்ப்ரே ஷோ நிகழ்வு ஆகும். டாம் குரூஸ் "அரங்கத்தைச் சுற்றிலும் குதித்து, ஓய்விருக்கையின் மீது துள்ளி, மண்டியிட்டு தனது புதிய தோழிக்கு தனது காதலைத் திரும்பத் திரும்ப வெளிப்படும்படி தெரிவித்தார்."[59] "ஜம்பிங் தி கோச்" என்ற சொற்றொடரானது, பின்னர் "ஜம்பிங் த ஷார்க்" என்றானது. இது ஒருவரின் மதிப்பைப் பெற பொது இடங்களில் அதிகபட்சமான தேவையற்ற விளையாட்டுத்தனத்தைக் கொண்டு "மிகவும் ஆழ்ந்த நிலைக்கு செல்லுதலை" குறிக்கப் பயன்படுகின்றது. இது மிகக்குறுகிய காலத்திற்கு மக்களால் விரும்பப்பட்டது. இது அமெரிக்க பேச்சு வழக்கிற்கான வரலாற்று அகராதி பதிப்பாளர்களால் 2005 ஆம் ஆண்டில் "ஆண்டின் பேச்சு வழக்கிற்கான வாக்கியமாகவும்" [60], உலகளாவிய மொழிக் கண்காணிப்பு குழு என்ற இலாபநோக்கற்ற குழுவால் அந்த ஆண்டின் சிறந்த வாக்கியங்களில் ஒன்றாகவும் தேர்ந்தெடுக்கப்பட்டது.[61]
2005 ஆம் ஆண்டின் "மிகவும் ஆச்சரியப்படுத்தும் தொலைக்காட்சி இயக்கங்கள்" பற்றிய E! இன் தரவரிசையில் அந்த "இருக்கையிலிருந்து தாவிய நிகழ்ச்சி" முதலாவதாகத் தேர்ந்தெடுக்கப்பட்டது.[62] மேலும் எண்ணற்ற நையாண்டிகளில், ஸ்கேரி மூவி 4 இன் முடிவுரை உட்பட பேமிலி கேய்யின் ஒரு பகுதியாகவும் இது இருந்தது.
2008 ஆம் ஆண்டு மே மாத தொடக்கத்தில், ஓபராய் வின்ப்ரே ஷோ வில் திரைப்படத் துறையில் தனது 25 ஆண்டுகளைக் கொண்டாட டாம் குரூஸ் மறுபடியும் தோன்றினார். அந்த நிகழ்ச்சி இரண்டு மணிநேர சிறப்பு ஒளிபரப்பாக இருந்தது. முதல் மணி நேரத்தில் ஓபராய் ஓர் நாளை டாம் குரூஸுடன் கொலராடோவின் டெல்லுரைடுவில் உள்ள டாம் க்ரூஸ் வீட்டில் மே 2 அன்று கழித்ததாக இருந்தது.
14 ஆண்டுகளாக இருந்த அவரது செய்தித்தொடர்பாளர் பாட் கிங்க்ஸ்லே 2004 ஆம் ஆண்டு மார்ச்சில் வெளியேறினார். பின்னர் செயிண்டாலஜிக்கான டாம் குரூஸின் மிகவும் திறந்த மனப்பான்மை வெளிப்பட்டது. அவரது சகோதரியும் சக செயிண்டாலஜிஸ்ட்டும் ஆன லீ அன்னே தேவெட்டியை பாட்கிங்ஸ்லேவிற்கு பதிலாகப் புதிய செய்தித் தொடர்பாளராக மாற்றினார். இவர் இந்தப் பதவியில் 2005 ஆம் ஆண்டு நவம்பர் வரையில் பணிபுரிந்தார்.[68] அவர் தனது தங்கையைப் பதவியிலிருந்து இறக்கி, அவருக்குப் பதிலாக ரோஜெர்ஸ் அண்ட் கோவன் செய்தித் தொடர்பு நிறுவனத்திலிருந்து வந்த நீண்ட அனுபவமுடைய செய்தித்தொடர்பாளர் பால் ப்ளோக்கை நியமித்தார். தேவெட்டி செய்தித்தொடர்பாளராக இருப்பதைவிட ஏழைகளுக்கு உதவும் திட்டங்களில் பணிபுரிவது நல்லது என்ற தனது முடிவை விளக்கினார்.இது போன்ற மறுகட்டமைப்பு செயிண்டாலஜி பற்றிய அவரது பார்வைகளின் மீதான செய்திப் பரப்பலை சுருக்கும் ஒரு நடவடிக்கையாகவே தோன்றுகின்றது. அதே போன்று காடீ ஹோல்ம்ஸ் உடனான அவரது உறவு பற்றிய செய்திகள் மக்களிடம் எதிர்மறையான விளைவுகளை ஏற்படுத்தின.[69][70]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.