சுங்கை பூலோ
மலேசியா சிலாங்கூர் மாநிலத்தில் ஒரு நகரம் From Wikipedia, the free encyclopedia
சுங்கை பூலோ, (மலாய்: Sungai Buloh; ஆங்கிலம்: Sungai Buloh; சீனம்: 双溪毛糯); என்பது மலேசியா, சிலாங்கூர் மாநிலத்தில், பெட்டாலிங் மாவட்டத்தில் அமைந்து உள்ள ஒரு நகரம்.
சுங்கை பூலோ | |
|---|---|
| Sungai Buloh | |
 | |
  சுங்கை பூலோ தீபகற்ப மலேசியாவில் அமைவிடம் | |
| ஆள்கூறுகள்: 3°12′36″N 101°32′59″E | |
| நாடு |  மலேசியா |
| மாநிலம் |  சிலாங்கூர் |
| மாவட்டம் | பெட்டாலிங் மாவட்டம் |
| மக்கள்தொகை | |
| • மொத்தம் | 93,497 |
| நேர வலயம் | ஒசநே+8 (மலேசிய நேரம்) |
| • கோடை (பசேநே) | பயன்பாடு இல்லை |
| அஞ்சல் குறியீடு | 40160, 47000 |
| தொலைபேசி எண் | +603-60, +603-614, +603-615 |
| போக்குவரத்துப் பதிவெண்கள் | B |
கோலாலம்பூர் மாநகருக்குத் தென்மேற்கே 23 கி.மீ. தொலைவிலும்; பெட்டாலிங் ஜெயா நகரின் தென்மேற்கே 12 கி.மீ. (5 மைல்) தொலைவிலும் அமைந்து உள்ளது. அருகாமையில் உள்ள நகரங்கள் டாமன்சாரா, கெப்போங், குவாங் மற்றும் கோலா சிலாங்கூர்.
மலேசியாவின் மிகப்பெரிய தொழுநோய் மருத்துவமனைகளில் ஒன்றான (Sungai Buloh Leprosarium) இங்குதான் உள்ளது. 1930-ஆம் ஆண்டில் உருவாக்கப்பட்டது.[1]
1890-ஆம் ஆண்டுகளில் சுங்கை பூலோவில் இரயில் சேவைகள் தொடங்கி விட்டன. இருந்தாலும், சுங்கை பூலோவின் தோற்றம் மற்றும் குடியேற்றம் தொடர்பான தெளிவான வரலாற்று பதிவுகள் எதுவும் கிடைக்கவில்லை.
கோலா சிலாங்கூர் மாவட்டம் வழியாகப் பாயும் சுங்கை பூலோ நதியில் இருந்து சுங்கை பூலோ என்ற பெயர் வந்து இருக்கலாம். மலாய் மொழியில் சுங்கை (Sungai) என்றால் ஆறு. பூலோ (Buloh) என்றால் மூங்கில்.
1930-ஆம் ஆண்டுகளில் சுங்கை பூலோ தொழுநோய் மருத்துவமனை, உலக அளவில் பிரசித்தி பெற்று விளங்கியது. உலகிலேயே இரண்டாவது பெரிய தொழுநோய் ஆய்வு மையமாகவும் புகழ் பெற்று விளங்கியது.[2]
1926-ஆம் ஆண்டு மலாயாவில் தொழுநோயாளிகள் சட்டம் அமலுக்கு வந்தது. 1930 ஆம் ஆண்டில், சுங்கை பூலோ புக்கிட் லகோங் எனும் இடத்தில், மலாய்க்காரர்கள், சீனர்கள், இந்தியர்கள், யூரேசியர்கள் மற்றும் துருக்கியர்கள் அடங்கிய ஒரு குழுவினர் அங்கு ஒரு சமூகத்தை அமைத்தனர்.
நம்பிக்கையின் பள்ளத்தாக்கு
அந்த இடத்திற்கு நம்பிக்கையின் பள்ளத்தாக்கு (Leprosy Valley Of Hope) எனும் பெயரும் சூட்டப் பட்டது.[3] ஒரு காலக் கட்டத்தில் சுங்கை பூலோ தொழுநோய் மருத்துவமனையில் 2400 பேர் சிகிச்சை பெற்று இருக்கிறார்கள்.
1935-ஆம் ஆண்டில் சுங்கை பூலோ தொழு நோய் மருத்துவமனை, நோயாளிகள் மட்டுமே பயன்படுத்தக் கூடிய பணத்தாள்களை (Banknotes of the Sungei Buloh Settlement) அச்சிட்டு வெளியீடு செய்தது. அந்தக் காலத்தில் தொழு நோயாளிகளைப் பற்றி பொது மக்களிடம் ஒரு தவறான கருத்து நிலவி வந்தது.
மருத்துவமனை நோயாளிகளுக்காக பணத்தாள்கள்
ஏற்கனவே தொழு நோய் நோயாளிகள் அரசாங்கம் வெளியிட்ட பணத்தாள்களைப் பயன்படுத்தி வந்தார்கள். அந்தப் பணத்தாள்கள் மூலமாகத் தொழுநோய் கிருமிகள் பரவி வருவதாக வதந்திகள் கிளம்பின. அதனால் தொழு நோய் மருத்துவமனை நோயாளிகளுக்காக தனிப்பட்ட வகையில் பணத்தாள்களை அச்சிடப் பட்டன.
அந்த பணத்தாள்களில் தமிழ் மொழியும் இடம்பெற்று இருந்தது. தவிர ஆங்கிலம்; சீனம்; அரபு மொழிகளும் இடம்பெற்று இருந்தன.[4]
சுங்கை பூலோ, நான்கு நகராண்மைக் கழகங்களின் அதிகார வரம்பிற்கு உட்பட்டது:
- பெட்டாலிங் ஜெயா மாநகராட்சி (Petaling Jaya City Council, MBPJ)[6]
- கோலா சிலாங்கூர் நகராண்மைக் கழகம் (Kuala Selangor Municipal Council, MPKS)[8]
சிலாங்கூர்; பெட்டாலிங் மாவட்டம்; சுங்கை பூலோ வட்டாரத்தில் 2 தமிழ்ப்பள்ளிகள் உள்ளன. இரு பள்ளிகளிலும் 849 மாணவர்கள் பயில்கிறார்கள். 59 ஆசிரியர்கள் பணியாற்றுகிறார்கள்.
| பள்ளி எண் |
இடம் | பள்ளியின் பெயர் மலாய் |
பள்ளியின் பெயர் தமிழ் |
அஞ்சல் குறியீடு | வட்டாரம் | மாணவர்கள் | ஆசிரியர்கள் |
|---|---|---|---|---|---|---|---|
| BBD8456 | சுங்கை பூலோ | SJK(T) RRI Sungai Buloh[9] | ஆர்.ஆர்.ஐ. தமிழ்ப்பள்ளி | 47000 | சுங்கை பூலோ | 431 | 25 |
| BBD8457 | சுங்கை பூலோ | SJK(T) Saraswathy Sungai Buloh[10] | சரஸ்வதி தமிழ்ப்பள்ளி (சுங்கை பூலோ) | 47000 | சுங்கை பூலோ | 418 | 34 |
சுங்கை பூலோ சந்திப்பு
சுங்கை பூலோ இரயில் நிலையம்
சுங்கை பூலோ இரயில் நிலையம்
சுங்கை பூலோ மருத்துவமனை
சுங்கை பூலோவில் இருந்து தாமான் துன் டாக்டர் இஸ்மாயில்
_Northbound_View_2.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
