இந்திய நடிகர் From Wikipedia, the free encyclopedia
கார்த்தி என்று அழைக்கப்படும் கார்த்திக் சிவகுமார் (25 மே 1977) என்பவர் தமிழ்நாட்டுத் திரைப்பட நடிகர் ஆவார். இவர் 2004 ஆம் ஆண்டு முதல் பருத்தி வீரன் (2007), ஆயிரத்தில் ஒருவன் (2010), மெட்ராஸ் (2014) போன்ற பல திரைப்படங்களில் நடித்ததன் மூலம் தமிழ்த் திரையுலகின் முன்னணி நடிகர்களில் ஒருவரானார். இவரின் நடிப்புத்திறனால் மூன்று தென்னிந்திய பிலிம்பேர் விருதுகள், எடிசன் விருதுகள், தமிழக அரசு திரைப்பட விருதுகள் போன்றவை வென்றுள்ளார்.மேலும் மணிரத்னம் இயக்கத்தில் வரலாற்றுக் காவியமான பாென்னியின் செல்வன் திரைப்படத்தில் "வந்தியத்தேவன்" கதாபாத்திரத்தில் நடித்துள்ளார்.
கார்த்தி 1977, மே 25 ஆம் நாளில் நடிகர் சிவகுமார், லட்சுமி ஆகியோர்க்கு சென்னையில் பிறந்தார். இவர் இயந்திரப் பொறியியல் பட்டப்படிப்பை படித்தார். பின்னர் முதுகலை வணிக மேலாண்மை படிப்பை படித்து முடித்தார். இவர் நடிகர் சூர்யாவின் தம்பியும் ஆவார்.
இவரது திருமணம் சின்னசாமி - ஜோதி மீனாட்சியின் மகள் ரஞ்சனியுடன், 3 சூலை 2011 அன்று கோயம்புத்தூரில் உள்ள கொடிசியா வளாகத்தில் நடைபெற்றது.[3] இவர்களுக்கு உமையாள் என்ற ஒரு மகள் உண்டு.
இவர் இயக்குநர் மணிரத்னத்திடம் ஆயுத எழுத்து என்ற திரைப்படத்தில் உதவி இயக்குநராகப் பணியாற்றினார். அதை தொடர்ந்து இயக்குநர் அமீர் இயக்கிய பருத்தி வீரன் என்ற திரைப்படத்தில் கதாநாயகனாக அறிமுகமானார். இந்த திரைப்படத்தில் இவருக்கு ஜோடியாக நடிகை பிரியாமணி நடித்துள்ளார். இந்த திரைப்படம் ஜூலை 2005 ஆம் ஆண்டு வெளியிடப்படுமென அறிவித்து நிதி பிரச்சனை காரணமாக சனவரி 2007 ஆம் ஆண்டு வெளியாகி வெற்றியை அடைந்தது. அதை தொடர்ந்து செல்வராகவன் இயக்கிய ஆயிரத்தில் ஒருவன் என்ற திரைப்படத்தில் நடித்தார். இந்த திரைப்படம் 3 வருட படப்பிடிப்புக்கு பிறகு 2010 ஆம் ஆண்டு வெளியானது.
| ஆண்டு | திரைப்படம் | பாத்திரம் | குறிப்புகள் |
|---|---|---|---|
| 2007 | பருத்தி வீரன் | பருத்தி வீரன் | சிறந்த தமிழ் நடிகருக்கான பிலிம்பேர் விருது தமிழக அரசு சிறந்த நடிகர் விருது விஜய் விருதுகள் (சிறந்த அறிமுக நடிகர்) |
| 2010 | ஆயிரத்தில் ஒருவன் | முத்து | பரிந்துரை : சிறந்த நடிகருக்கான பிலிம் பேர் விருது |
| பையா | சிவா | பரிந்துரை : சிறந்த நடிகருக்கான பிலிம் பேர் விருது | |
| நான் மகான் அல்ல | ஜீவா பிரகாசம் | பரிந்துரை : சிறந்த நடிகருக்கான பிலிம் பேர் விருது | |
| 2011 | சிறுத்தை | ரத்னவேல் பாண்டியன், ராக்கெட் ராஜா | |
| கோ | கார்த்திக் சிவகுமார் | (சிறப்பு தோற்றம்) | |
| 2012 | சகுனி | கமலக்கண்ணன் | |
| 2013 | அலெக்ஸ் பாண்டியன் | அலெக்ஸ் பாண்டியன் | |
| ஆல் இன் ஆல் அழகு ராஜா | அழகுராஜா | 2013 தீபாவளி வெளியிடு | |
| பிரியாணி | சுகன் | ||
| 2014 | மெட்ராஸ் | காளி | |
| 2015 | கொம்பன் | கொம்பையா பாண்டியன் | |
| 2016 | தோழா | சீனு | தமிழ்-தெலுங்கு இரு மொழித் திரைப்படம் |
| காஷ்மோரா | காஷ்மோரா, ராஜ் நாயக் | ||
| 2017 | காற்று வெளியிடை | வருண் சக்கரபாணி | |
| தீரன் அதிகாரம் ஒன்று | தீரன் திருமரன் | ||
| 2018 | கடைக்குட்டி சிங்கம் | குணசிங்கம் | |
| 2019 | தேவ் | தேவ் ராமலிங்கம் | |
| கைதி | தில்லி | ||
| தம்பி | விக்கி, சரவணன் | ||
| 2020 | சுல்தான் | அமிதாப் குமாரசாமி | |
| 2021 | பொன்னியின் செல்வன் | செப்டம்பர் இறுதியில் வெளியீடு | |
| 2022 | விருமன் | விருமன் | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
