From Wikipedia, the free encyclopedia
தென்னிந்திய பிலிம்பேர் விருதுகள் என்பது பிலிம்பேர் நிறுவனத்தால் ஆண்டுதோறும் வழங்கப்படும் பிலிம்பேர் விருதுகளின் தென்னிந்திய பிரிவாகும். தென்னிந்திய மொழித் திரைப்படங்களில் சிறப்பான திறமையை வெளிப்படுத்தும் திரைப்பட கலைஞர்களுக்கு இவ்விருது வழங்கப்படுகிறது. 1953ஆவது ஆண்டில் வெளியான திரைப்படங்களுக்கு 1954ஆம் ஆண்டு முதலாக இவ்விருது வழங்கப்பட்டு வருகிறது.[1] தொடக்க காலத்தில் தமிழ், தெலுங்கு மொழிகளுக்கு மட்டும் வழங்கப்பட்ட இவ்விருது 1967ஆம் ஆண்டு முதல் மலையாளம், மற்றும் 1970ஆம் ஆண்டு முதல் கன்னட மொழித் திரைப்படங்களுக்கும் வழங்கப்படுகிறது. ஒவ்வொரு மொழி திரைப்படத்துறைக்கும் தனித்தனியான விருதுகளும், அனைத்திற்கும் சேர்த்து பொதுவான விருதுகளும் வழங்கப்படுகின்றன. பொதுவாக இவ்விருது வழங்கும் விழாக்கள் சென்னை அல்லது ஐதராபாத்து நகரங்களில் நடைபெறுகின்றன.
| தென்னிந்திய பிலிம்பேர் விருதுகள் Filmfare Awards South | |
|---|---|
| தற்போதைய: 62ஆவது தென்னிந்திய பிலிம்பேர் விருதுகள் | |
 | |
| விளக்கம் | தென்னிந்திய மொழித் திரைப்படங்களில் சிறப்பான திறமையை வெளிப்படுத்துவதற்காக |
| நாடு | இந்தியா |
| வழங்குபவர் | பிலிம்பேர் |
| முதலில் வழங்கப்பட்டது | |
| இணையதளம் | http://awards.filmfare.com/ awards.filmfare.com |
| Television/radio coverage | |
| நெட்வொர்க் | |
இந்த விருது விழா முதன் முதலில் 1953 ஆம் ஆண்டில் பாலிவுட் பிலிம்பேர் விருதுகளுடன் இணைந்து சென்னையின் கலைவனார் அரங்கத்தில் நடைபெற்றது. பின்னர் விழா தனித்துவமான இசை அகாடமிக்கு மாற்றப்பட்டது.[2]
1953 இல் ஆரம்பத்தில் இந்தி திரையுலகை அங்கீகரித்து விருதுகள் வழங்கப்பட்டது. பின்னர் 1963 ஆம் ஆண்டில் விருதுகளுக்காக தமிழ், தெலுங்கு, பெங்காலி மற்றும் மராத்தி மொழிகளில் சிறந்த படத்தை தேர்வு செய்து விருதுகள் வழங்கப்பட்டன, மேலும் 1966 முதல் மலையாள படங்கள் சேர்க்கப்பட்டன. கன்னட திரைப்படங்கள் 1969 இல் நிகழ்வின் ஒரு பகுதியாக மாறியது. 1972 ஆம் ஆண்டில் அனைத்து தென்னிந்திய படங்களிலும் சிறந்த நடிகர், சிறந்த நடிகை மற்றும் சிறந்த இயக்குனர் பிரிவுகளுக்கு விருதுகள் வழங்கப்பட்டன. சிறப்பு விருதுகளுக்கான பிரிவுகள் 1980 களில் அறிமுகப்படுத்தப்பட்டன மற்றும் 1990 களில் சிறந்த இசை அமைப்பாளருக்கான விருது சேர்க்கப்பட்டது.
| விருது | கலைஞர் | பதிவு |
|---|---|---|
| பெரும்பாலாக விருது வென்றவர் | கமல்ஹாசன் | 19 விருதுகள் |
| பெரும்பாலாக விருதுக்கு பரிந்துரை செய்யப்பட்டவர் | ஸ்ரேயா கோஷல் | 44 பரிந்துரைகள் |
| பெரும்பாலான இயக்குனருக்கான விருதுகள் | கே. விஸ்வநாத், கே. பாலச்சந்தர் | 8 விருதுகள் |
| பெரும்பாலான இசை இயக்குனருக்கான விருதுகள் | ஏ. ஆர். ரகுமான் | 17 விருதுகள் |
| பெரும்பாலான நடிப்பு விருதுகள் - ஆண் | கமல்ஹாசன் | 16 விருதுகள் |
| பெரும்பாலான நடிப்பு விருதுகள் - பெண் | லட்சுமி | 7 விருதுகள் |
| பெரும்பாலான பின்னணி பாடகர் விருதுகள் - ஆண் | கார்த்திக் | 6 விருதுகள் |
| பெரும்பாலான பின்னணி பாடகர் விருதுகள் - பெண் | ஸ்ரேயா கோஷல் | 10 விருதுகள் |
2006 ஆம் ஆண்டு நிலவரப்படி, நான்கு திரைப்படத் துறையிலும் ஒவ்வொன்றிலும் மொத்தம் 10 பிரிவுகள் உள்ளன.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
