கவுன்ட்டி (ஐக்கிய அமெரிக்கா)

ஐக்கிய அமெரிக்க நாட்டில் கவுன்ட்டி எனக் குறிப்பிடப்படுவது மாநிலத்தின் கீழ் அடுத்த நிலையிலுள்ள நிர்வாகப் பிரிவு ஆகும். இந்தியாவில் மாவட்டம் எனக் குறிப்பிடப்படுவதற்கு இணையாகும். அமெரிக்காவின் 50 மாநிலங்களில் 48இல் கவுன்ட்டி எனக் குறிப்பிடப்படுகின்றன. லூசியானா இத்தகைய நிலப்பிரிவுகளை பாரிசுகள் என்றும் அலாஸ்கா கவுன்ட்டிகளை விடுத்து பரோக்கள் என்றும் அழைக்கின்றன.^[1] இவை இரண்டுமே கவுன்ட்டிக்கு இணையானவையே. ஐக்கிய அமெரிக்காவின் கணக்கெடுப்பு வாரியம் நாட்டின் அனைத்து கவுன்ட்டிகளையும் பட்டியலிட்டுள்ளது; ஏப்ரல் 2009இல் ஐக்கிய அமெரிக்காவின் மொத்த கவுன்ட்டிகளின் எண்ணிக்கை 3,481 ஆக இருந்தது.

மத்திய மேற்கு மற்றும் வடகிழக்கு மாநிலங்கள் கவுன்ட்டிகளை மேலும் நகரப்பகுதிகளாக அல்லது ஊர்களாகப் பிரிக்கின்றன. கவுன்ட்டியின் அரசும் நீதிமன்றங்களும் அமைந்துள்ள நகரம் கவுன்ட்டி சீட் எனப்படுகிறது.

சராசரியாக, ஐக்கிய அமெரிக்காவிலுள்ள ஓர் கவுன்ட்டியின் மக்கள்தொகை ஏறத்தாழ 100,000 ஆக உள்ளது. மிகக் கூடுதலான மக்கள்தொகை உள்ள கவுன்ட்டியாக இலாசு ஏஞ்செலசு கவுன்ட்டி, கலிபோர்னியா உள்ளது. ஏறத்தாழ 9.8 மில்லியன் மக்கள் இங்கு வாழ்கின்றனர். மிகவும் குறைவான மக்கள்தொகை உள்ள கவுன்ட்டியாக லவிங் கவுன்ட்டி, டெக்சாசு உள்ளது; இங்குள்ள 67 நபர்களே வாழ்கின்றனர்.

ஒவ்வொரு மாநிலத்திலும் உள்ள கவுன்ட்டிகளின் சராசரி எண்ணிக்கை 62 ஆகும். டெலவெயர் மாநிலத்தில் மிகவும் குறைவாக 3 கவுன்ட்டிகளே உள்ளன. டெக்சசில் மிகவும் கூடுதலாக 254 கவுன்ட்டிகள் உள்ளன.^[2]

ஒவ்வொரு மாநிலத்திலுமுள்ள கவுன்ட்டிகளின் எண்ணிக்கை:

254– டெக்சஸ் 159– சியார்சியா 134– வர்ஜீனியா [3] 120– கென்டக்கி 115– மிசூரி 105– கேன்சஸ் 102– இலினொய் 100– வட கரொலைனா 99– அயோவா 95– டென்னிசி

93– நெப்ராஸ்கா 92– இந்தியானா 88– ஒகையோ 87– மினசோட்டா 83– மிச்சிகன் 82– மிசிசிப்பி 77– ஓக்லகோமா 75– ஆர்கன்சா 72– விஸ்கொன்சின் 67– பென்சில்வேனியா

67– புளோரிடா [4] 67– அலபாமா 66– தெற்கு டகோட்டா 64– லூசியானா 64– கொலராடோ 62– நியூ யோர்க் மாநிலம் 58– கலிபோர்னியா 56– மொன்டானா 55– மேற்கு வர்ஜீனியா 53– வடக்கு டகோட்டா

46– தென் கரொலைனா 44– ஐடஹோ 39– வாஷிங்டன் 36– ஓரிகன் 33– நியூ மெக்சிகோ 29– யூட்டா 27– அலாஸ்கா 24– மேரிலாந்து 23– வயோமிங் 21– நியூ செர்சி

17– நெவாடா 16– மேய்ன் 15– அரிசோனா 14– வெர்மான்ட் 14– மாசச்சூசெட்ஸ் 10– நியூ ஹாம்சயர் 8– கனெடிகட் 5– றோட் தீவு 5– ஹவாய் 3– டெலவெயர்

^[1]

மேற்கோள்கள்

1. "An Overview of County Government". National Association of Counties. Archived from the original on 2008-07-08. பார்க்கப்பட்ட நாள் 2007-08-17.
2. "How Many Counties are in Your State?". Click and Learn. Archived from the original on 2007-02-16. பார்க்கப்பட்ட நாள் 2007-04-24.
3. http://www.virginiaplaces.org/vacount/index.html
4. http://www.stateofflorida.com/Portal/DesktopDefault.aspx?tabid=35

வெளி இணைப்புகள்

• Geographic Areas Reference Manual by the United States Census Bureau
• National Association of Counties
• U.S. County Formation Maps 1643-Present– Cumulative animated graphics.