![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/95/Spider-Man2.jpg/640px-Spider-Man2.jpg&w=640&q=50)
இசுபைடர் மேன் திரைப்படம்
கற்பனையான மார்வெல் காமிக்ஸ் கதாபாத்திரமான ஸ்பைடர் மேனின் திரைப்படத் தழுவல்கள் / From Wikipedia, the free encyclopedia
இசுபைடர் மேன் திரைப்படம் (இசுபைடர் மேன் திரைப்படம்) என்பது ஸ்டான் லீ மற்றும் ஸ்டீவ் டிட்கோ ஆகியோரால் உருவாக்கப்பட்டு மற்றும் மார்வெல் வரைகதை வெளியீடுகளில் இடம்பெற்ற வரைகதை புத்தக கற்பனையான மீநாயகன் கதாபாத்திரம் ஆகும். இந்த கதாபாத்திரம் பல மேடை நாடகங்கள் மற்றும் தொலைக்காட்சிக்காக தயாரிக்கப்பட்ட திரைப்படங்களில் தோன்றியுள்ளது.
![Thumb image](http://upload.wikimedia.org/wikipedia/commons/thumb/9/95/Spider-Man2.jpg/640px-Spider-Man2.jpg)
முதல் முதலில் 1977 ஆம் ஆண்டில் தொலைக்காட்சிக்காக தயாரிக்கப்பட்ட திரைப்படத்தில் நடிகர் 'நிக்கோலஸ் ஹம்மண்ட்' என்பவர் பீட்டர் பார்க்கர் / இசுபைடர் மேன் என்ற கதாபாத்திரத்தில் நடித்துள்ளார். மேலும் இரண்டு முறை இந்த கதாபாத்திரம் மூலம் வெவ்வேறு திரைப்படங்களிலும் தோன்றியுள்ளார். 1981 ஆம் ஆண்டில் ஜப்பான் மொழியில் ஜப்பான் டோய் நிறுவனம் 'இசுபைடர் மேன்' என்ற தொலைக்காட்சித் தொடரை உருவாக்கியது. 'ஷின்ஜி டோட் டக்குயா' என்பவர் யமாஷிரோ / ஸ்பைடர் மேன் என்ற கதாபாத்திரத்தில் நடித்துள்ளார். 1999 ஆம் ஆண்டளவில் சோனி பிக்சர்ஸ் நிறுவனம் இந்த கதாபாத்திரத்திற்கான திரைப்பட உரிமையைப் பெற்று 2014 வரை இரண்டு திரைப்படத் தொடர்களை உருவாக்கியது. நடிகர் தோபி மக்குயர் என்பவர் நடிப்பில் இசுபைடர்-மேன் (2002), இசுபைடர்-மேன் 2 (2004), இசுபைடர்-மேன் 3 (2007) மற்றும் நடிகர் ஆண்ட்ரூ கார்பீல்ட் நடிப்பில் தி அமேசிங் ஸ்பைடர்-மேன் (2012), தி அமேசிங் ஸ்பைடர்-மேன் 2 (2014) போன்ற திரைப்படங்கள் வெளியானது.
பிப்ரவரி 2015 இல் டிஸ்னி,[1] மார்வெல் ஸ்டுடியோஸ்[2][3] மற்றும் சோனி பிக்சர்ஸ் நிறுவனம் ஆகியவை இசுபைடர் மேன் திரைப்பட உரிமைகளைப் பகிர்ந்து கொள்ள ஓர் ஒப்பந்தம் செய்தன. இது ஸ்பைடர் மேனின் புதிய வாழ்க்கை முறையில் அறிமுகப்படுத்தப்பட்டு[4] மார்வெல் திரைப் பிரபஞ்சத்தில் ஒருங்கிணைக்கப்பட்டது.[5][6] இந்த ஒப்பந்தம் சோனி பிக்சர்ஸ் தனி இசுபைடர் மேன் படங்களின் சொந்த நிதி, விநியோகம் மற்றும் இறுதி ஆக்கபூர்வமான கட்டுப்பாட்டைக் கொண்டிருக்க அனுமதித்தது. மற்றும் வால்ட் டிஸ்னி ஸ்டுடியோஸ் மோஷன் பிக்சர்ஸ் இப்படங்களை விநியோகித்தது.
இந்த புதிய பதிப்பில் நடிகர் டாம் ஹாலண்ட் என்பவர் ஸ்பைடர் மேனாக சித்தரிக்கப்பட்டார்.[7] மேலும் இவர் நடிப்பில் கேப்டன் அமெரிக்கா: சிவில் வார் (2016)[8][9] முதல் இசுபைடர்-மேன்: பார் பிரம் ஹோம் (2019) வரை ஐந்து படங்களில் தோன்றியுள்ளார்.[10] செப்டம்பர் 2019 இல் டிஸ்னி மற்றும் சோனி நிறுவனங்கள் ஹாலண்டின் நடிப்பில் குறைந்தது இரண்டு தோற்றங்களை உருவாக்க ஒரு புதிய ஒப்பந்தத்தை மேற்கொண்டன: அவை தனி படம் மற்றொரு தனி படம் மற்றும் குழு படம் ஆகும்.
- நடிகர்கள்
- நிக்கோலஸ் ஹம்மண்ட் (1977-1981)
- தோபி மக்குயர் (2002-2007)
- ஆண்ட்ரூ கார்பீல்ட் (2012-2014)
- டாம் ஹாலண்ட் (2016-2021)
இயங்குபடம் செய்யப்பட்ட ஸ்பைடர் மேன் படத்திற்கான திட்டங்கள் சோனி நிறுவனத்தால் ஏப்ரல் 2015 இல் அதிகார பூர்வமாக அறிவிக்கப்பட்டன. அவை சோனி பிக்சர்ஸ் அனிமேஷன் நிறுவனத்திடமிருந்து 'இசுபைடர் மேன்: இன்டூ தி ஸ்பைடர்-வெர்சஸ்' (2018) என்ற படம் வெளியானது. இந்த படத்தில் நடிகர் ஷமீக் மூர் என்பவர் மைல்ஸ் மோரல்ஸ் / ஸ்பைடர் மேன் ஆகியோருக்கு குரல் கொடுத்துள்ளார். இது பீட்டர் பார்க்கரின் கதாபாத்திரத்தில் இருந்து வேறுபட்டு புதிய காதாபாத்திரமாக சித்தரிக்கப்பட்டது.
இசுபைடர் மேன் படங்கள் பொதுவாக நல்ல வரவேற்பைப் பெற்றன. உலகளாவிய பாக்ஸ் ஆபிஸில் அவை மொத்தமாக $6.3 பில்லியனை வசூலித்துள்ளன. 2019 ஆம் ஆண்டு வெளியான இசுபைடர்-மேன்: பார் பிரம் ஹோம் என்ற திரைப்படம் உலகளவில் 1 பில்லியன் டாலருக்கும் அதிகமான வசூல் செய்தது. இதுவே ஸ்பைடர் மேன் திரைப்படங்களில் அதிக வசூல் செய்த முதல் படமாகவும் மற்றும் சோனி நிறுவனத்தின் மிக அதிக வசூல் செய்த படமாகவும் திகழ்கிறது. 2018 ஆம் ஆண்டு வெளியான இன்டூ தி ஸ்பைடர்-வெர்சஸ் என்று இயங்குபடம் சிறந்த அசைவூட்டத் திரைப்படத்திற்கான அகாதமி விருதுதை வென்றுள்ளது என்பது குறிப்பிடத்தக்கது.