![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/Ambattur_lake_at_dry_season.jpg/640px-Ambattur_lake_at_dry_season.jpg&w=640&q=50)
அம்பத்தூர்
மிகப் பெரிய மற்றும் சிறிய தொழிற்சாலைகள் நிறைந்த குடியிருப்பு பகுதி. / From Wikipedia, the free encyclopedia
அம்பத்தூர் (Ambattur) இந்தியாவின், தமிழ்நாட்டின், சென்னையின் புறநகர்ப் பகுதிகளுள் ஒன்றாகும். இது சென்னை நகரத்தின் வடமேற்கு பகுதியில், அம்பத்தூர் வட்டத்தில் அமைந்துள்ள ஒரு நகரமும், நிர்வாகத் தலைமையிடமும் ஆகும். இது அண்ணா நகர், பாடி, முகப்பேர், நொளம்பூர், கள்ளிக்குப்பம், கொரட்டூர், அயப்பாக்கம், அத்திப்பட்டு மற்றும் உடையார்பாளையம் ஆகிய நகரங்களால் சூழப்பட்டுள்ளது. இது 45.99 சதுர கி.மீ. (17 சதுர மைல்) பரப்பளவைக் கொண்டுள்ளது. 2015 வெள்ளத்தின் போது சென்னையின் பெரும்பாலான பகுதிகள் தண்ணீரில் மூழ்கி சிக்கித் தவித்தபோது, சென்னை நகரத்தின் மற்ற பகுதிகளைப் போல அம்பத்தூர் அதிகம் வெள்ளத்தில் மூழ்கவில்லை.
அம்பத்தூர் | |
---|---|
![]() | |
ஆள்கூறுகள்: 13.114300°N 80.154800°E / 13.114300; 80.154800 | |
நாடு | ![]() |
மாநிலம் | ![]() |
மாவட்டம் | சென்னை |
புறநகர் | சென்னை |
மண்டலம் | மத்திய சென்னை |
வார்டு | 79-93 |
அரசு | |
• நிர்வாகம் | தமிழ்நாடு அரசு |
• ஆளுநர் | ஆர். என். ரவி[1] |
• முதலமைச்சர் | மு. க. ஸ்டாலின்[2] |
• மாவட்ட ஆட்சியர் | மருத்துவர். ஜெ. விஜய ராணி, இ. ஆ. ப |
பரப்பளவு | |
• மொத்தம் | 45.99 km2 (17.76 sq mi) |
ஏற்றம் | 44 m (144 ft) |
மக்கள்தொகை (2011) | |
• மொத்தம் | 4,66,205 |
• தரவரிசை | 100-ஆவது |
• அடர்த்தி | 10,000/km2 (26,000/sq mi) |
மொழிகள் | |
• அலுவல் | தமிழ் |
நேர வலயம் | ஒசநே+5:30 (இ.சீ.நே.) |
அஞ்சல் குறியீட்டு எண் | 600 053, 600 058, 600 062, 600 098 |
வாகனப் பதிவு | TN 13 |
தொடருந்து நிலையக் குறியீடு | ABU |
மக்களவைத் தொகுதி | திருப்பெரும்புதூர் |
சட்டமன்றத் தொகுதி | அம்பத்தூர் |
திட்டமிடல் நிறுவனம் | சென்னைப் பெருநகர் வளர்ச்சிக் குழுமம் |
சென்னை மாநகராட்சியின் ஏழாவது மண்டல அலுவலகம் அம்பத்தூரில் தான் உள்ளது. அம்பத்தூர் மண்டலத்தில் அம்பத்தூர், அம்பத்தூர் தொழிற்பேட்டை, பாடி, கொரட்டூர், கள்ளிக்குப்பம், புதூர், அண்ணா நகர் மேற்கு விரிவு, முகப்பேர், அத்திப்பட்டு மற்றும் உடையார்பாளையம் ஆகிய இடங்களும் அடங்கும்.