அக்னி பார்வை (திரைப்படம்)

அக்னி பார்வை (Agni Paarvai) என்பது 1992 இல் வெளியான குற்றவியல் சார்ந்த தமிழ் திரைப்படமாகும். இத்திரைப்படத்தை பி. மாதவன் இயக்கியிருந்தார். இத்திரைப்படத்தில் சு. திருநாவுக்கரசர், நிழல்கள் ரவி, சரண்யா பொன்வண்ணன், ராம்குமார், அஞ்சு ஆகியோர் முன்னணிக் கதாபாத்திரங்களில் நடித்திருந்தனர். இத்திரைப்படத்தை எஸ். செல்வரத்தினம் தயாரித்திருந்தார். இசைஞானி இளையராஜா இத்திரைப்படத்திற்கு இசையமைத்தார். 1992/பிப்ரவரி /7 ஆம் திகதி வெளியிடப்பட்டது.^[1][2]

அக்னி பார்வை
திரைப்பட சுவரிதழ்
இயக்கம்	பி. மாதவன்
தயாரிப்பு	எஸ். செல்வரத்னம்
திரைக்கதை	சு. திருநாவுக்கரசர்
இசை	இளையராஜா
நடிப்பு	சு. திருநாவுக்கரசர் நிழல்கள் ரவி சரண்யா பொன்வண்ணன் ராம்குமார் அஞ்சு கே. ஆர். விஜயா ராதா ரவி எஸ். எஸ். சந்திரன் சின்னி ஜெயந்த்
ஒளிப்பதிவு	ஆர். எச். அசோக்
படத்தொகுப்பு	ஸ்ரீனிவாஸ் கிருஷ்ணா
கலையகம்	பொன்மனம் பிலிம்ஸ்
வெளியீடு	பெப்ரவரி 7, 1992 (1992-02-07)
ஓட்டம்	130 நிமிடங்கள்
நாடு	இந்தியா
மொழி	தமிழ்

கதைச்சுருக்கம்

ராஜா (சு. திருநாவுக்கரசர்) ஒரு நேர்மையான காவல் அதிகாரி. அவர் புதிய திணைக்களம் ஒன்றிற்கு இடமாற்றம் பெற்று வருகின்றார். அவ்வூர் அவருக்கு புதிதாகும். அவ்வூரில் உள்ள அரசியல் வாதி இன்பசேகரன் (நிழல்கள் ரவி) அனைத்தையும் தனது கட்டுப்பாட்டின் கீழ் வைத்திருந்தான். இன்பசேகரனோ, ராஜாவை தன்பிடிக்குள் கொண்டுவர விரும்பியபோது ராஜாவோ அதனை நிராகரித்தான். அதேநேரம் சுந்தர் (ராம்குமார்) அமைச்சரின் மகளை காதலிக்க அவளோ அவனை முன்னர் ஒருமுறை கல்லூரியில் அவனிடம் தோற்றதிற்காக பழிவாங்குகிறாள். சுந்தர் ஏழைமாணவன் அவன் அதன்பின்னர் கல்லூரியில் இருந்து விரட்டப்பட்டான்.பின்னர் ஆட்டோ ஓட்டுனராக மாறுகிறான். அதன்பிறகு இன்பசேகரின் சகோதரன் ராஜாவின் சகோதரியை கொன்றுவிடுகிறான். அதற்காக ராஜா இன்பசேகரனை பழிவாங்குவதாக சபதம் எடுக்கிறான். அதன்பின்னர் ராஜா என்ன செய்கிறான் என்பது மீதிக்கதை.

நடிகர்கள்

• சு. திருநாவுக்கரசர் - காவல் ஆய்வாளர்
• நிழல்கள் ரவி - எம். எல். ஏ இன்பசேகரன்
• சரண்யா பொன்வண்ணன் - சீதா
• ராம்குமார் - சுந்தர்
• அஞ்சு - சாந்தி
• கே. ஆர். விஜயா - ராஜாவின் தாய்
• ராதாரவி - அமைச்சர் திருமூர்த்தி
• எஸ். எஸ். சந்திரன் - தேவராஜ்
• சின்னி ஜெயந்த்
• அமிர்தராஜ்
• டிஸ்கோ சாந்தி
• பூரணி
• தீபா
• எஸ். என். லட்சுமி
• வாசுகி - பாக்கியலட்சுமி
• சத்யபிரியா
• பேபி சத்யா
• மாஸ்டர் டிங்கு
• எஸ். செல்வரத்தினம்

இசை

இத்திரைப்படத்திற்கு இசைஞானி இளையராஜா இசையமைத்திருந்தார். இத்திரைப்படத்தின் இசை வெளியீடு 1992 ம் ஆண்டு நடைபெற்றது. இத்திரைப்படத்தின் பாடல்வரிகளை வாலி, கங்கை அமரன், புலமைப்பித்தன் மற்றும் குருவிக்கரம்பை சண்முகம் ஆகியோர் எழுதியுள்ளனர்.^[3][4]

இத்திரைப்பட பாடல்களை மலேசியா வாசுதேவன், சுவர்ணலதா, மனோ, கே. எஸ். சித்ரா, எஸ். ஜானகி ஆகியோர் பாடியுள்ளனர்.

மேற்கோள்கள்

1. "Agni Paarvai (1992) Tamil Movie". spicyonion.com. பார்க்கப்பட்ட நாள் 2014-04-17.
2. "Filmography of agni paarvai". cinesouth.com. Archived from the original on 7 April 2012. பார்க்கப்பட்ட நாள் 2014-04-17.
3. "Download Agni Paarvai by Ilaiyaraaja on Nokia Music". music.ovi.com. Archived from the original on 19 April 2014. பார்க்கப்பட்ட நாள் 2014-04-17.
4. "MusicIndiaOnline — Agni Paarvai(1992) Soundtrack". mio.to. Archived from the original on 2014-04-19. பார்க்கப்பட்ட நாள் 2014-04-17.