தேவகோட்டை
தமிழ்நாடு சிவகங்கை மாவட்டத்தில் உள்ள ஒரு நகரம் From Wikipedia, the free encyclopedia
தேவகோட்டை (ஆங்கிலம்:Devakottai), இந்தியாவின் தமிழ்நாடு மாநிலத்தில் அமைந்துள்ள சிவகங்கை மாவட்டத்தில் இருக்கும் ஒரு நகராட்சி ஆகும்.செட்டிநாடு என்று அழைக்கப்படும் நாட்டுக்கோட்டை நகரத்தார் வசிக்கும் 76 ஊர்களில் தேவகோட்டையும் ஒன்று.
| தேவகோட்டை | |||||
| — முதல் நிலை நகராட்சி — | |||||
| ஆள்கூறு | 9°57′19″N 78°48′58″E | ||||
| நாடு |  இந்தியா | ||||
| மாநிலம் | தமிழ்நாடு | ||||
| மாவட்டம் | சிவகங்கை | ||||
| ஆளுநர் | ஆர். என். ரவி[1] | ||||
| முதலமைச்சர் | மு. க. ஸ்டாலின்[2] | ||||
| மாவட்ட ஆட்சியர் | ஆஷா அஜித், இ. ஆ. ப [3] | ||||
| மக்கள் தொகை | 51,865 (2011[update]) | ||||
| நேர வலயம் | இந்திய சீர் நேரம் (ஒ.ச.நே + 05:30) | ||||
|
குறியீடுகள்
| |||||
செட்டிநாட்டு வீடுகள் தேவகோட்டையின் சிறப்பு.இதன் அருகாமையில் உள்ள நகரம் காரைக்குடி ஆகும்.
இவ்வூரின் அமைவிடம் 9.95°N 78.82°E ஆகும்.[4] கடல் மட்டத்தில் இருந்து இவ்வூர் சராசரியாக 52 மீட்டர் (170 அடி) உயரத்தில் இருக்கின்றது. தொகுதி மறுசீர்திருத்தத்தின் மூலம் தேவகோட்டை தற்போது காரைக்குடி சட்டமன்ற தொகுதியின் கீழ் உள்ளது. சிவகங்கை நாடாளுமன்ற தொகுதியின் கீழ் வருகிறது.தேவகோட்டையில் மொத்தம் 16 ஊரணிகள் உள்ளன.காரைக்குடி இதன் அருகாமையில் உள்ள நகரமாகும்[சான்று தேவை]
திருச்சிராப்பள்ளி – இராமேசுவரம் தேசிய நெடுஞ்சாலையில் (NH-210) தேவகோட்டை அமைந்துள்ளதால், திருச்சியிலிருந்து இராமேசுவரம் செல்லும் அனைத்து பேருந்துகளும் இங்கே வந்து செல்கின்றன. தேவகோட்டைக்கு அருகில் உள்ள விமான நிலையம் 92 கி.மீ. தொலைவில் உள்ள மதுரை விமான நிலையமாகும். அருகில் உள்ள ரயில் நிலையம் சுமார் 10 கி.மீ. தொலைவில் உள்ளது - தேவகோட்டை சாலை ரயில் நிலையம். காரைக்குடி சந்திப்பு தொடருந்து நிலையம் 15 கீ. மீ தொலைவில் உள்ளது தேவகோட்டையில் இருந்து சென்னை, கோவை, திருச்சி, மதுரை உள்ளிட்ட தமிழ்நாட்டின் எல்லா முக்கிய நகரங்களுக்கும் பேருந்து வசதிகள் அடிக்கடி உள்ளன.
இந்திய 2001 கணக்கெடுப்பின்படி 40,846 மக்கள் இங்கு வசிக்கின்றார்கள்.[5] இவர்களில் 49% ஆண்கள், 51% பெண்கள் ஆவார்கள். தேவகோட்டை மக்களின் சராசரி கல்வியறிவு 80% ஆகும், இதில் ஆண்களின் கல்வியறிவு 85%, பெண்களின் கல்வியறிவு 75% ஆகும். இது இந்திய தேசிய சராசரி கல்வியறிவான 59.5% விட கூடியதே. தேவகோட்டை மக்கள் தொகையில் 10% ஆறு வயதுக்குட்பட்டோர் ஆவார்கள். இது நாட்டுக்கோட்டை நகரத்தார்கள் அதிக அளவில் வசிக்கும் ஊர்களில் ஒன்றாகும்.
சோழ நாட்டில் காவிரிபூபட்டினத்தில் நாட்டுக்கோட்டை நகரத்தார்கள் வாழ்ந்த ஊர்களில் ஒன்று தேவி கோட்டை அதன் நினைவாக பாண்டிய நாட்டில் இந்த ஊருக்கு தேவி கோட்டை என்று பெயர் வைத்தனர் என்று சொல்லப்படுகிறது. பின்னாளில் தேவி கோட்டை என்பது "தேவகோட்டை" என மருவியது.[6]
சுதந்திர போராட்ட காலத்தில் 1942-ஆம் ஆண்டு ஆகஸ்ட் மாதம் தேவகோட்டையில் பெரும் கிளர்சசி நடைபெற்றது. சுதந்திர போராட்ட வீரர்களால் தேவகோட்டை முனிசிப் நீதிமன்றம் தீ மூட்டப்பட்டது. இதை தொடர்ந்து தேவகோட்டை ஆர்ச் பகுதியில் ஆங்கிலேயர்களால் 100-க்கும் மேற்பட்ட மக்கள் சுட்டு வீழ்த்தப்பட்டனர். இந்த கொடூர சம்பவத்தினால் தேவகோட்டை "தமிழகத்தின் ஜாலீயன்வாலா பாக்" என்று அழைக்கப்படுகிறது.[7]
தேவகோட்டையில் அமைந்துள்ள பள்ளிகள்
- சைவப்பிரகாச வித்தியாசாலை.
- முத்தாத்தாள் பள்ளிக்கூடம்.
- என்.எஸ்.எம்.வி.பி.எஸ் மேல்நிலைப் பள்ளி.
- தே பிரித்தோ மேல்நிலைப்பள்ளி .
- வைரம் குரூப் மெட்ரிகுலேஷன் மேல்நிலைப் பள்ளி.
- ஸ்ரீ சேவுகன் அண்ணாமலை மெட்ரிகுலேஷன் பள்ளி.
- ஜமீந்தார் உயர்நிலைப் பள்ளி
- ஸ்ரீ இராமகிருஷ்ணா நடுநிலைப் பள்ளி
- லோட்டஸ் ஏ.என். வெங்கடாச்சலம் செட்டியார் ICSC பள்ளி
- புனித மரியன்னை பெண்கள் மேல்நிலைப் பள்ளி
- ஸ்ரீநிவாசா நடுநிலைப் பள்ளி
- சேர்மன் மாணிக்கம் செட்டியார் நடுநிலைப் பள்ளி
- பெத்தாள் ஆச்சி பெண்கள் மேல்நிலைப் பள்ளி
- புனித ஜான் பெண்கள் மேல்நிலைப் பள்ளி
- இன்பாண்ட் ஜீசஸ் மெட்ரிகுலேஷன் பள்ளி
- முருகானந்தா நடுநிலைப் பள்ளி
- புனித ஜோசப் மெட்ரிக் மேல்நிலைப் பள்ளி ராம்நகர்
- ஸ்ரீ சேவுகன் அண்ணாமலை கலை மற்றும் அறிவியல் கல்லூரி
- ஆனந்தா கலை மற்றும் அறிவியல் கல்லூரி
- சாந்தி நீகேசன் மகளிர் கலை மற்றும் அறிவியல் கல்லூரி- அமராவதி புதூர்
- ஸ்ரீ ராஜராஜன் பொறியியல் மற்றும் தொழில்நுட்பக் கல்லூரி, அமராவதி புதூர்
- புனித பவுல் கல்வியல் கல்லூரி
- புனித சேவியர் பாலிடெக்னிக் கல்லூரி
- வீர.லெ.சிந்நயச் செட்டியார், பெரும் புலவர், சைவ சித்தாந்த வித்தகர்.
- சின்ன அண்ணாமலை, சுதந்திர போராட்ட தியாகி, தமிழ் பண்ணை நிறுவனர்.
- அருசோ , பொற்கிழி கவிஞர்.
- தமிழ் வாணன் எழுத்தாளர், கல்கண்டு இதழ் மற்றும் மணிமேகலை பிரசுரம் நிறுவனர்.
- லேனா தமிழ்வாணன், எழுத்தாளர்.
- ரவி தமிழ்வாணன், மணிமேகலை பிரசுரம்.
- காந்தி நாவன்னா, காந்தியவாதி மற்றும் சுதந்திர போராட்ட தியாகி.
- சோம வள்ளியப்பன் பொருளாதார நிபுணர், எழுத்தாளர்.
- வசந்த் திரைப்பட இயக்குனர், இவர் பொருளாதார நிபுணர் திரு சோம.வள்ளியப்பன் அவர்களின் சகோதரர்.
- அரு.லெட்சுமணன், உச்ச நீதிமன்ற முன்னாள் நீதிபதி.
- மெ.கற்பக விநாயகம், உயர் நீநீதிமன்றம முன்னாள் நீதிபதி.
- ஹரி சேவுகன் செட்டி, அமெரிக்காவை சேர்ந்த ஜனநாயக கட்சியின் தேசிய ஊடக செயலாளர் மற்றும் முன்னாள் அமெரிக்க அதிபர் ஒபாமாவின் முதன்மை செய்தி தொடர்பாளர்.
- சொ.சொ.மீ. சுந்தரம், ஆன்மீக சொற்பொழிவாளர்.
தேவகோட்டை நகரில் உள்ள கோவில்கள்.
- நகரச் சிவன் கோவில்
- திண்ணஞ் செட்டி ஊருணி ஸ்ரீ கைலாச விநாயகர் கோவில்
- சிலம்பனி ஸ்ரீ சிதம்பர விநாயகர் கோவில்
- வெள்ளையன் ஊருணி ஸ்ரீ கலங்காத கண்ட விநாயகர் கோவில்
- கருதா ஊருணி ஸ்ரீ கைலாச விநாயகர் கோவில்
- கருதா ஊருணி ஸ்ரீ மெய்கண்ட விநாயகர் கோவில்
- வள்ளிசெட்டி ஊருணி விநாயகர் கோவில்
- இராம்நகர் அழ.சுப.பழ பிள்ளையார் கோவில்
- செல்லப்பச் செட்டியார் கோவில்
- தென் கலை பெருமாள் கோவில்
- வட கலை பெருமாள் கோவில்
- ஸ்ரீ கிருஷ்ணர் கோவில்
- பழைய கோட்டையம்மன் கோவில்
- நகரக் கோட்டையம்மன் கோவில்
- ஸ்ரீ சாய் பாபா மந்திர்
- சமயபுரம் மாரியம்மன் கோவில்
தேவகோட்டை அருகே உள்ள கோயில்கள்.
- இரவுசேரி சிவன் கோவில்
- வெளிமுத்தி சிவன் கோவில்
- கோட்டூர் சிவன் கோவில்
- கண்டதேவி சிவன் கோவில்
- கோட்டைவயல் சிவன் கோவில்
- எழுவங்கோட்டை சிவன் கோவில்
தமிழிசையை வளர்க்கும் நோக்கத்துடன் டி.ஆர்.அருணாச்சலம் மற்றும் சின்ன அண்ணாமலை முயற்சியில் ராஜா சர் அண்ணாமலை செட்டியார் நிதியுதவியுடன் இரண்டாவது தமிழிசை மாநாடு தேவகோட்டையில் 1941ஆம் ஆண்டு நடைபெற்றது.[8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
