eneo la kijiografia la bara la Guinea ya Ikweta From Wikipedia, the free encyclopedia
Río Muni (inaitwa pia Mbini kwa lugha ya Kifang, au Región Continental kwa Kihispania ) ni moja ya kanda mbili za Guinea ya Ikweta. Inajumuisha eneo la bara la nchi hiyo likiwa na kilomita za mraba 26,017.
Jina hilo limetokana na Mto Muni, ambako Wazungu wa kwanza waliofika hapa walijenga makazi.
Pwani la Río Muni ilikuwa chini ya Ureno iliyoikabidhi kwa
Hispania mnamo 1778 katika Mkataba wa El Pardo . Wahispania walikuwa na matumaini ya kununua watumwa kwa koloni za huko Marekani. Lakini walowezi wengi walikufa kwa homa ya manjano, na eneo hilo lilibaki bila walowezi.
Baadaye Wahispania walirudi na kuanzisha mashamba ya kakao pamoja na kuvuna mbao ambazo zilikuwa tasnia kuu. Río Muni, pamoja na Bioko, ikawa mkoa wa Guinea ya Kihispania mnamo 1959.
Mnamo mwaka wa 2015 Rio Muni ilikuwa na watu 885,015 ambao walikuwa 72% ya wakazi wote wa Guinea ya Ikweta. Lugha kuu zinazozungumzwa katika Río Muni ni Kifang cha Ntumu, ambacho kinazungumzwa kwenye kaskazini, na Kifang cha Okak, ambacho kinazungumzwa kusini. Kihispania kinatumiwa pia na wengi kama lugha ya pili na lugha ya mawasiliano.
Río Muni inajumuisha majimbo matano:
Jiji kubwa zaidi ni Bata, ambalo pia hutumika kama mji mkuu wa kiutawala wa mkoa. Miji mingine mikuu ni pamoja na Evinayong, Ebebiyín, Acalayong, Acurenam, Mongomo na Mbini .
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
