Kaunti ya Turkana

Kaunti ya Turkana ni mojawapo ya kaunti za Kenya zilizopo baada ya katiba mpya ya Jamhuri ya Kenya kupatikana mwaka 2010.

Kaunti ya Turkana
Kaunti
Mto Turkwel ukiwa umekauka wakati wa ukame
Kaulimbiu: ""
Turkana County in Kenya.svg Kaunti ya Turkana katika Kenya
Coordinates: 3°09′N 35°21′E
Nchi	Kenya
Nambari	23
Ilianzishwa	Tarehe 4 Machi 2013
Ilitanguliwa na	Mkoa wa Bonde la Ufa
Mji mkuu	Lodwar
Miji mingine	Lokichogio, Kakuma, Lokichar
Serikali
Gavana	Jeremiah Napotikan
Naibu wa Gavana	Peter Lotethiro Emuria
Seneta	James Lomenen
Mwakilishi wa wanawake	Joyce Akai Emanikor
Bunge	Bunge la Kaunti ya Turkana
Wawakilishi Wadi	30
Maeneo bunge	6
Eneo
Jumla	km2 68 232.9 (sq mi 26 344.9)
Idadi ya Watu
Jumla	926,976
Msongamano	14
Majira ya Saa	Saa za Afrika Mashariki (UTC+3)
Tovuti turkana.go.ke

Wakati wa sensa ya mwaka 2019 wakazi walikuwa 926,976 katika eneo la km2 68,232.9 msongamano ukiwa hivyo wa watu 14 kwa kilometa mraba^[1].

Makao makuu yako Lodwar.

Jiografia

Kaunti ya Turkana ndio kaunti kubwa zaidi ikiwa na km² 71 597.8 (sq mi 27 644.1). Imepakana na Uhabeshi, Sudani Kusini (kaskazini), Uganda (magharibi), Pokot Magharibi, Baringo, Samburu (kusini) na Marsabit (mashariki).

Turkana ina safu za milima: Milima Loima, Milima Lorengippi, Milima Mogila, Milima Songot, Milima Kalapata, Milima Loriu, Milima Kailong’kol na Milima Silale. Safu hizo ni vyanzo vya maji. Vilima vya Tepes, Vilima vya Lokwanamoru, Vilima vya Lorionotom, Vilima vya Pelekech na Vilima vya Loima pia hupatikana katika Turkana^[2].

Tambarare za kaunti hupatikana katika sehemu kavu za kaunti.

Mto Tarach, Mto Kerio, Mto Kalapata, Mto Malimalite na Mto Turkwel ndio mito mikuu katika kaunti. Mito hii hupungua kiwango cha maji msimu wa kiangazi, na kukauka wakati wa ukame^[3]. Ziwa Turkana liko mashariki mwa kaunti. Limegawanywa kati ya Turkana, Marsabit na Uhabeshi. Katika maeneo karibu na ziwa, kuna chemchemi zilizopo. Chemchemi za Eliye ndio chemchemi maarufu na kivutio cha watalii^[2].

Hoteli ya Eliye Springs.

Turkana ina tabianchi kavu na nusu kavu. Kaunti hupata misimu miwili ya mvua: Aprili hadi Julai na Oktoba hadi Novemba^[2].

Utawala

Kaunti ya Turkana imegawanywa katika maeneo bunge yafuatayo^[4]:

Eneo bunge	Kata
Turkana Kaskazini	Kaeris, Lake zone, Lapur, Kaaleng/Kaikor, Kibish, Nakalale
Turkana Magharibi	Kakuma, Lopur, Letea, Songot, Kalobeyei, Lokichoggio, Nanaam
Turkana Kati	Kerio Delta, Kang'atotha, Kalokol, Lodwar Township, Kanamkemer
Loima	Kotaruk/Lobei, Turkwel, Loima, Lokiriama/Loren Gippi
Turkana Kusini	Kaputir, Katilu, Lobokat, Kalapata, Lokichar
Turkana Mashariki	Kapedo/Napeito M, Katilia, Lokori/Kochodin

Idadi ya wakazi katika kaunti ndogo (2019) [5]

• Kibish 36,769
• Loima 107,795
• Turkana Central 185,305
• Turkana East 138,526
• Turkana North 65,218
• Turkana South 153,736
• Turkana West 239,627

Tazama pia

• Orodha ya mito ya kaunti ya Turkana
• Wilaya ya Turkana