From Wikipedia, the free encyclopedia
Clitoraid ni mradi usio na faida kibiashara ambao ulianzishwa na harakati za Raëlism/Raelian ili kupinga ukeketaji.
Mradi huu ulianzishwa kati ya mwaka 2005[1] au 2006.[2] Harakati hizi za Raeliani huona kwamba kuridhika kingono ni jambo chanya na Clitoraid walifadhili wanawake wa Afrika na walitaka kujenga hospitali huko Burkina Faso[3] ambapo wangepokea maelekezo ya awali kuhusu punyeto.[4] Clitoraid walipata ufadhili wa mradi huu wa kupinga ukeketaji,[5] ambao ulitangazwa katika AVN Adult Entertainment Expo huko Las Vegas.[1][6]
Mwaka 2010, katika kumtia moyo mtaalamu wa masuala ya mapenzi Betty Dodson, duka la San Fransisko linalosambaza vifaa vya kuchochea ashiki waliahidi kutoa msaada wa fedha kwa Clitoraid ikiwa ni pamoja na kuwaomba wateja kuchangia; kampuni iliiondoa ofa hiyo baada ya kupata upinzani kwamba juhudi hazikutumika ipaswavyo, hasa kutoka kwa Wanjiru Kamau-Rutenberg, profesa wa siasa katika chuo kikuu cha San Francisco.[2][7]
Mwaka 2013, Clitoraid walipendekeza wiki ya Mei 6–12 kama "Wiki ya kimataifa ya kutoa elimu dhidi ya ukeketaji".[8]
Kufunguliwa kwa Hospitali ya Kamkaso mwaka 2014 ama Hospitali ya Raha huko Bobo-Dioulasso kulicheleweshwa na wizara ya afya ya Burkina Faso.[9] Clitoraid walililaumu Kanisa Katoliki kwa hilo.[10]
Mwaka 2015, katika kujibu mzozo dhidi ya kutahiriwa kwa mvulana wa miaka 4 wa Marekani, Clitoraid walitoa taarifa kwa vyombo vya habari wakiwa upande wa mama ambaye hakutaka mtoto wake atahiriwe. Pia waliwataka Umoja wa mataifa kupiga marufuku jambo hili: "Kujeruhi mwili ni kunyume na haki ya msingi kwa watoto wote, na hatuwezi kuelewa kwamba nchi inayojiita imestaarabika kama Marekani kuhalalisha kutahiriwa kwa watoto wake wa kiume!"[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.