Bremen
From Wikipedia, the free encyclopedia
Bremen ni mji wenye bandari muhimu katika Ujerumani ya Kaskazini. Iko kando ya mto Weser takriban km 50 kabla haujaingia katika Bahari ya Kaskazini. Mto Weser unapanuka baada ya kupita mji kuwa na mdomo mpana sana kabla ya kuishia baharini hivyo meli zinaweza kufika hadi mjini.
![Thumb image](http://upload.wikimedia.org/wikipedia/commons/thumb/6/6d/Bremer_Musikanten.jpg/220px-Bremer_Musikanten.jpg)
Bremen | |
Mahali pa katika Ujerumani |
|
Majiranukta: 53°04′33″N 08°48′27″E | |
Nchi | Ujerumani |
---|---|
Jimbo | Bremen |
Idadi ya wakazi | |
- Wakazi kwa ujumla | 547,685 |
Tovuti: http://www.bremen.de/ |
![Thumb image](http://upload.wikimedia.org/wikipedia/commons/thumb/6/64/Bremen_Wappen%28Mittel%29.svg/80px-Bremen_Wappen%28Mittel%29.svg.png)
Mji una wakazi 546,000. Pamoja na eneo la jirani kuna watu milioni 2.37 katika mazingira ya Bremen.
Bremen ni dola-mji ikiwa moja ya majimbo 17 ya kujitawala ya Ujerumani. Jina rasmi ni „Mji huru wa Hanse wa Bremen“ (Freie Hansestadt Bremen). Hanse ilikuwa shirikisho la kimataifa la miji ya biashara iliyojitawala katika karne za kati. Kwa muda mrefu wa historia yake Bremen ilikuwa kama nchi ndogo ya kujitegemea hadi kujiunga na Dola la Ujerumani 1871. Jimbo la Bremen lina miji miwili ya Bremen yenyewe na Bremerhaven.
Wafanyabiashara wa Bremen waliwahi kuwa na biashara na nchi za nje kwa jahazi na meli zao tangu karne nyingi. Hata mawasiliano kati ya Afrika na Ujerumani yalipitia hasa Bremen na mji jirani wa Hamburg.