Aẓawan amaziɣ

Aẓawan amaziɣ^[1] (s Tfransist : la musique berbère; s Tasrɣint : الموسيقى الأمازيغية) iga yan wanaw iẓlin n uẓawan, illa wanaw ad g tmizar timaziɣin (n tmazɣa) ili ula g tmizar yaḍni da g llan tugt n inmudda^[2] imaziɣn, zun d ukan Franṣa, Spanya, Marikan, Kanaḍa, Israyil d kigan n tmizar yaḍni.

Akud nna nsawal f uẓawan amaziɣ, ha t ar nsawwal f yan yigr bahra imqqurn, ar nsawwal f uẓawan issmrasn tutlayt tamaziɣt n imassn imaziɣn, tamdyazt tamaziɣt, atg. Ɣ umaḍal n ɣassad nẓḍar ad nisan tirruyṣa, tagruppit g tmazirt n Sus; tamawayt, tahidust g tmazirt n ẓayyan, nzzdaṛ ula ad nsawl ula f uḥidus, aḥwac. Macc tidt^[3] tugr mayad, acku aẓawan amaziɣ ggutn gis wanawn.

Aẓawan amaziɣ issn g umzruy nns tugt n uzzigz d ussnfl, illa uẓawan aqqbur, azayku d uẓawan atrar. Ur ittyawssan man uzmz ad issnti uẓawan amaziɣ acku zugn warratn g yigr ad. Illa ma ittinin mas Lhaj Blɛid iga sg imzwwra da issntin g uẓawan amaziɣ macc iggut wawal.

"ẓ" tga tuffayt, illa mad as ittinin "Azawan", ar ttyara s yaẓ maci yaz

Tayyb Amgrud isawl f isaffn n umarg aclḥi, inna mas llan Mraw n isaffn g umarg aclḥi, llan imzrawn yaḍni nnan mas tlla uggar n 100 n wasif g umarg aclḥi :

Aḥuzi
Sidi Ḥmmu
Sidi Ḥmmu ittawlqqamn
Bu Salm
Tactukt nɣ Ajmag
Gmas n uḥuzi

Tga taṛṛwayṣit (nɣ Amarg n Ṛṛways) anaw da bahra ittyawssan dar iclḥin n Sus d ma srs izdin g tmnaḍin. Iẓli wanaw ad f wanawn yaḍni, iẓli g imassn ns, g uṭṭun n middn gis ittilin d wassaɣn nnsn, acku anaw ad nzzḍar a nini mas iga sg uẓawan aqqbur ikkad tusutin inɣuban n umzruy. Annay amzwaru n tiṛṛuysa illa f ufus n Lḥaj Blɛid acku nttan a isskcmn anaw ad s imassn n unyalkam (Lkaṣiṭ n lvidyu), macc izzḍar a ili urta ilul Lḥaj Blɛid.

ittyusmma wanaw ad tiṛṛuysa acku amɣar n trabbut ismas "Ṛṛays", ilin dis tugt n middn yaḍni (irgazn nɣ timɣarin). imassn n Ṛṛways ẓlin bahra, ar tturarn s Ribab, afus.

Lḥajj Blɛid, babas n tiṛṛuysa
Tawlaft taqqburt n Lḥajj Blɛid
Ɛumar Wahruc, yan sg inmɣurn n tiṛṛuysa
Ribab amass agjdan n Ṛṛways
Anaw yaḍni n Ribab

Imgradn lli sis iẓlin : Taẓnẓart

Anaw ad illa ula ntta dar iclḥin n Sus, ur igi kra uẓawan aqqbuṛ, acku ilul g isggasn n id samraw (1970) g tmnaḍt n Sus, ilul d trabbut n iẓnẓaṛn, iẓnẓaṛn Ccamx d tugt n trabbutin yaḍni. Anaw ad ila kra n imassn iẓlin ukan Lbanju.

Tarabbut n iẓnẓaṛn g usggas n 2009 g unmuggar n Glmim
Ɛbdlhadi Iggut, amɣar n taẓnẓaṛt, iwsi g ufus ns Lbanju

Tirubba nɣ Tagruppit^[5] tga ula nttat yan wanaw iẓlin uẓawan amaziɣ, assaɣ ns yuckad sg yat taguri tfransist : "Group" (Tarabbut); anaw ad ar bahra ittili g tmɣriw d tfugliwin n tawjiwin. nẓḍar ad nini mas anaw ad iga yan wanaw n uẓawan amaynu nɣ atrar.

Tagruppit ar gis ttilin kullu imassn n uẓawan Lbanju, Tallunt, Ribab... ar tigira.

Tamawayt^[6]^[7]^[8] tga yan wanaw n uẓawan iẓlin s tmnaḍt n waṭlas anammas nɣ nẓḍar a nini mas tlla g dar ayt Ẓayan. Anaw ad isti g tɣarast nns, d imassn nns. Inna umrzu g tadlsa tamaziɣt Juhn Mazl (Jean Mazel) mas Tamawayt tga tamatart n Waṭlas anammas.

Tamawayt g ils n imaziɣn dars anamk n "usmun, asmun, nɣ afgan nna d nmun". Nzzḍaṛ a nini mas Tamawayt tga yat tɣarast n tmdyazt tamaziɣt, ar gis ittili yan ufgan a itturarn. Ar bahra ittili g tmawayt afrak n tɣufi, aɣudi d umrrer.

Crifa Karsit, tanaẓuṛt imqqurn n tmawayt

Aḥidus^[9]^[10]^[11] (Aḥidus maci Taḥidust acku imzaray uḥidus f Taḥidust) iga yan wanaw iẓlin n uẓawan amaziɣ, illa wanaw ad g tmazirt n Ayt Ẓayan. Aḥidus g tizwiri iga yan wanaw n udraz (adraz) g waṭlas anammas, mass tusutin f tusutin iwrri iga yan wanaw g uẓawan. Aḥidus ar tetturar tarabbut n tmɣarin nɣ n irgazn. Aḥidus dars anamk n "ini tamdyazt nɣ tanḍḍamt s urar d adraz".

Aẓawan ad tyussant srs iɣrfan n Ayt Ɛmṛ d Ayt iccu d Ayt Ḥatm, g waṭlas anammas.

Aḥidus aqqbuṛ
Tarabbut n uḥidus, timɣarin d irgazn g yan unmuggar
Aḥidus
Anmɣuṛ, Lmaystṛu n uḥidus Mḥa u Lḥusayn Aciban
Aḥidus n Talsint
Aḥidus n Ṣfṛu
Aḥidus n Walmas.
Aḥidus n Ɛin Fndl.
Aḥidus n Ayt Ḥdiddu Imilcil.
Aḥidus n Ɛin lluḥ.
Aḥidus n Tasiwant.
Aḥidus n Ayt Bugmmaz

Taɣzzaft^[12]

Tuddma n uḥidus : Taɣzzaft (nɣ Tamhawct ) tga yat tɣarast g tmdyazt n uḥidus, ar ttili g tuddma n uḥidus, ar gis ittili yan umurig ifssusn s tɣarast n tamawayt.

Taḥidust^[13]

Ammas n uḥidus : imurig s tizzla ar ittili g wammas n uḥidus.

Tamsrrḥt^[14]

Tigira n uḥidus : Tga tamsrrḥt yan imurig ifssusn ar ittili g tigira n uḥidus.

G.T : Aḥidus iga adraz nɣ ahyyaḍ imunn d tmdyazt.

Taḥidust^[15]^[16]^[17] tga yan wanaw n uẓawan amaziɣ tmzaray nttat d uḥidus, acku taḥidust tga yat tɣarast g tmdyazt d yat tɣarast n imurig, ar gis tsmurig trabbut s tazzla, zɛma ar ttinin imurig s tazzla. Ahyyaḍ n taḥidust iga zun d ahyyaḍ n uḥidus macc mzarayn g imurig.

G.T : Taḥidust tga imurig s tazzla. (َAmdya n taḥidust^[18]^[19]^[20])

Imgradn lli sis iẓlin : Aḥwac

Aḥwac iga yan wanaw n uẓawan (nẓḍar ad t nsnmala ula g igr n tẓuṛi) nna s ittyussan ufgan amaziɣ g iffus n Lmɣrib (Aṭlas mẓẓin d waṭlas mqqurn), Aḥwac ar tetturar trabbut n uḥwac g ttilin irgazn d tmɣarin (nɣ timɣarin waḥdutnt nɣ irgazn waḥdutn). G uḥwac ar tturar trabbut s kigan n imassnn, macc ur bahra mzarayn d ur bahra ggudin, llan sin imassn a ittilin dima g uḥwac : Tallunt d Ganga, Ar tturarn ula s ifassn nsn.

Aḥwac gis ula nttan kigan n wanawn imzarayn, kraygat tamazirt nɣ kraygat tmnaḍt tla aḥwac nns iẓlin.

Yat twlaft n Uḥwac
Aḥwac n Tilwt
Aḥwac n Assa
Aḥwac n Tamanart
Aḥwac n Awluz.
Aḥwac n Tafrawt.
Aḥwac n Warzazat.
Aḥwac n Mirllft.
Aḥwac n Tajlt
Aḥwac n Tiznit
Aḥwac n Agdz
Aḥwac n Ayt Baɛmran.

Lɛammt^[21] ula nttat tga yan wanaw n uẓawan amaziɣ, trwas aḥwac d uḥidus acku ar tetturar tarabbut g llan mnnaw n middn, timɣarin, irgazn nɣ irgazn d timɣarin. Lɛammt twassn srs iɣrfan n waṭlas mqqurn zun d Infḍwak.

Lɛammt infḍwak Dmnat imi n ifri

Imgradn lli sis iẓlin : Tanḍḍamt

Tanḍḍamt^[22] tga yan wanaw n uẓawan amaziɣ illan g tmizar n kullu imaziɣn, imaziɣn darsn yat tɣarast iẓlin n tnḍḍamt nɣ tamdyazt. afgan da ittnḍamt annaɣ ns "anḍḍam", awal ns assaɣ ns "nnḍm".

G tnḍḍamt ur a gis ttilin imassn ula ahyyad (ccṭḥ), ar gis ittili ɣar awal. izzḍaṛ unḍḍam a ig yan nɣ sin middn da ittmraran awal ingratsn.

Aẓaman atrar nɣ aẓawan amaynu iga yan wanaw n uẓawan igan amaynu, iband g isggan ad imggura. Aẓawan atrar iband f ufus n tugt n inaẓuṛn ittarmn ad skcmn imassn itrarn g uẓawan amaziɣ zun d ukan : Ɛali Fayq, Juba n Tuja, tirabbutin n Rrap, Idir, Ɛmmuri Mbark ...

idir
Ɛmmuri Mbark

Ssnti : commencer
Azayku : classique
azzigz : évolution
Ẓli : être différent
uṭṭun : nombre
tamdyazt : poésie
aɣudi : souffrance
Amrrer : réjouissance
adraz : la danse
iɣrfan : tribus
imurig : chant
ahyyaḍ : danse en groupe
Tuddma : début
Tigira : la fin

imassn n unyalkam : وسائل التواصل

Asif n umarg
Acamuc
Ablaḍ
Asays
Amarg

Taẓuṛi Taɣrma Tadlsa Imaziɣn

[1] [1]
https://web.archive.org/web/20210103122850/https://tal.ircam.ma/dglai/lexieam.php

[2] [2]
https://web.archive.org/web/20210103122850/https://tal.ircam.ma/dglai/lexieam.php

[3] [3]
https://web.archive.org/web/20210103122850/https://tal.ircam.ma/dglai/lexieam.php

[4] [4]
'''Tayyb Amgrud''' : https://www.youtube.com/watch?v=dfXh2yCn0xg

[5] [5]
https://www.google.com/search?q=Tagruppit&oq=Tagruppit&aqs=chrome..69i57j0i13l6j69i60.2797j1j4&sourceid=chrome&ie=UTF-8

[6] [6]
https://fr.wikipedia.org/wiki/Tamawayt

[7] [7]
https://www.google.com/search?q=Tamawayt&oq=Tamawayt&aqs=chrome..69i57j0l2j0i30l2j69i60l3.2632j0j4&sourceid=chrome&ie=UTF-8

[8] [8]
https://www.youtube.com/results?search_query=Tamawayt

[9] [9]
Amzaray ingr Aḥidus d Taḥidust : https://www.youtube.com/watch?v=4hYUfPLZ8fg

[10] [10]
https://fr.wikipedia.org/wiki/Ahidous

[11] [11]
http://www.ich.gov.jo/sites/default/Afaylus/ldllt_lsymyyy.pdf

[12] [12]
http://www.ich.gov.jo/sites/default/Afaylus/ldllt_lsymyyy.pdf

[13] [13]
http://www.ich.gov.jo/sites/default/Afaylus/ldllt_lsymyyy.pdf

[14] [14]
http://www.ich.gov.jo/sites/default/Afaylus/ldllt_lsymyyy.pdf

[15] [15]
https://www.google.com/search?q=tahidoust&oq=Tahidoust&aqs=chrome.0.69i59j0l3j46j69i60l2j69i61.3125j0j4&sourceid=chrome&ie=UTF-8

[16] [16]
https://www.youtube.com/results?search_query=Tahidoust

[17] [17]
Aḥidus nɣ Taḥidust, ma igan amzaray : http://www.ich.gov.jo/sites/default/Afaylus/ldllt_lsymyyy.pdf

[18] [18]
Amdya n taḥidust 3 : https://www.youtube.com/watch?v=xmUXMrAcLzg

[19] [19]
Amdya n taḥidust 2 : https://www.youtube.com/watch?v=4xCIXXTDChU

[20] [20]
Amdya n taḥidust : https://www.youtube.com/watch?v=-S0k8ChL_UQ

[21] [21]
https://www.google.com/search?q=l3amt&sxsrf=ALeKk02fO7uXIXoO8dlkpVZZpUY9AUkzZg:1626431592390&source=lnms&tbm=isch&sa=X&ved=2ahUKEwj-78LqsefxAhUp5uAKHQ7qByIQ_AUoAXoECAEQAw&biw=1176&bih=579

[22] [22]
https://www.google.com/search?q=Tanddamt&sxsrf=ALeKk021dQiDYZZO32B3IaxOlfxY42VuJw:1626553817618&source=lnms&tbm=isch&sa=X&ved=2ahUKEwiW8IaU-erxAhWIHRQKHbpCC9EQ_AUoAXoECAEQAw&biw=1176&bih=579

[23] [23]
https://www.youtube.com/results?search_query=Tagroupit

[24] [24]
https://web.archive.org/web/20210103122850/https://tal.ircam.ma/dglai/lexieam.php

[1]

[2]

[3]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]