Tarabbut n Iznẓarn (s tifinaɣ: ⵉⵣⵏⵥⴰⵔⵏ nɣ d ⵉⵣⵏⵥⴰⵔⵏ ⵉⴳⴳⵓⵜ) tga yat zɣ trubba timzwura lli ittyssanin ɣ tmazirt n Lmɣrib d yad ɣ tilli ittuyẓlayn ɣ yigr n uẓawan atrar amaziɣ wala amɣribi. Mac ur tgi yat, rad tt tfurnt mnnawt yaḍn fkint atig i uẓawan Amṛṛuki ɣ isggʷasn wis id sḍis d mraw ɣ uzgn iggʷran ɣ tsuta n 1900. Tirubba ad lli rad isbid tinmal n uẓawan ikkan immaɣ f watig n ufgan d tmagit d tdlsa n Lmɣrib n tigira n wufuɣ n isrdas n Fransa d Sblyun.
Iɣ ur igi wad amgrad lli tsiggilt, kcm s tasna n Aẓnẓar bac ad tẓrt akkʷ imgradn nna dar illa yism zun d wad !
| Iẓnẓarn | |
|---|---|
| ⵉⵥⵏⵥⴰⵔⵏ (taclḥit) | |
 Tarabbut n Iẓnẓarn ɣ yan unmuggar ɣ tmdint n Glmim usggwas n 2009. | |
| isfka | |
| Adɣar | Tamazirt n Sus |
| Tamazirt |  Lmɣrib |
| Tutlayt | Taclḥit |
| Anaw | Taẓnẓart |
| Tarabbut n | Umarg |
| Igmamn | |
| Isuln gis | Ɛabdlhadi Iggut Musṭafa Caṭir Mulay Ibrahim Ṭṭalbi Muḥammad Ḥanfi Ḥasan Biri Ɛabdrraḥman Barda |
| Kkantin gis | Ɛabdlɛaziz Xams Laḥsn Bufrtal |
Ssfld s imzgan nk(nm) : Iẓnẓarn s ugṛḍ n tiɣist taragmawit  |
D ur d mk lli ka tga yat ɣ tmzwura iskrn tamackut ad, maca mk lli tẓli tarmit nns aylliɣ akkʷ illa mad issaɣn i wanaw ad n umarg (amarg n trubba) taznẓaṛt.
Talalit
Nzḍaṛ ad nini mas tmnaway tlalit ns; iɣ nssn mas d tarmiwin zwarnin n trubba zun d Laqdam ad ifkan; d imuttutn dranin n tmtti tamɣribit mad yad ffaɣn iṛumiyn sɣ tmazirt. Azmz ann a ɣ d ggʷrant tiwtlin mqqurnin yiwin s yan wanaw n tudrt ittuṣkan f wufuɣ d uzwag. Timizar akkʷ illan bṛṛa n tmdint zun d idrarn nɣ izaɣarn ur yakkan tanyaft iggutn ur sul zḍarnt ad qqnnt isɣawsatn n willi gisnt illan. Yawi uya s ad nkkrn isufuɣn n twjiwin ar nn ttrusn, zun d kraygat imzdi, ɣ wakal yaḍn. Akal imzdi ad tga tmdint d isaragn nns uqjirn n tudrt. Ɣinn a ɣ nn nmaggarn nttni zwar, s tarwa nnsn ilmma, d imrdukkutn izdin d tmukrisin n tdlsa, win tpsikulujit, d win usɣawsa amtti. Imukrisn ad akkʷ kkand s tuggt nnsn asnara ur inmalan n tnbaḍt ur iɣin ad tasi, s tɣarast iɣdmn, timasayin lli s bdda ttini gant tinns.
Mnid n tmukrisin ad ittguduyn, d usyafa idran s uzwag d tikssaḍ nna d ittu yan ixf nns, tugna d tmagit; frkn tarwa n imzdaɣn ad imzwagn s mas d iqqan ad siggln s kra n tɣarast, tgit asnulfu nɣ tga tamaɣt, mas ttinin aylli isisn ɣ uguns nnsn, ig it taɣamarg, nɣ iga taguḍi nɣ tagrẓawt, nɣ as nnan uhu mnid wudm iqqjrn n tsrtit tamaddudt. Inmuggur d usyafa ad d tizi lliɣ d ffaɣnt trubba ɣ tsggiwin yaḍn ɣ umaḍal nɣ Lmɣrib, iddrn zun d anaw ad n waddad, ɣ gan The Beatles, Nas Lɣiwan d tiyyaḍ.
Ddaw uẓazu n ufrak d iẓttiwn n tudrt, sdan iɛzriyn ad s tmatarin mqqurnin kkusan ɣ umuɣ n umarg ttalsn nɣ mu sslidn ayt darsn zun d Aḥwac d Ṛṛaways, asin imassn d ufan ngr ifassn nnsn, gn it ɣ tayssi nɣ uhu, ssntin ar ttirirn, s wawal nnsn d izmuln zḍant tguḍiwin ɣ igʷnsiwn ittutn, ili nsn yuḍn d waddad nnsn mnid tamtti, mnid ixf d mnid timatarin yunfn igiwal nnsn.
Ɣ iɣladn llasnin n tmdinin mẓẓiynin n unẓul n Lmɣrib, kra n iɛzriyn ɣ ia Iggut Abdelhadi, Chater, Boufertel, Aziz Chamekh d wiyyaḍ swingmn ad skrn yat trabbut, ssaɣn as iznẓarn zun d iznẓarn n tafukt ffaɣn iss zikk n umarg n trubba ad snulfun, sgrawln amarg amaziɣ. Mad yad tunan tɣʷrit n umarg ɣ tswak n Dcayra d Inzggan, sffaɣnt tasffift izwarn ɣ usggwas n 1974.
Isggʷasn imzwura urarn zun d akkʷ imzwura tayri, taɣamarg, atiggn mqqurnin n tamtti ittnfruruyn mnid nnsn, flan d turarin sul nit mu ttalsn imarayn nns ittiggutn kraygat ass zun d :
- Wad ittmuddun ar ittka tiqbilin wa ɛla rbbi
- ad iyi tarat yan lḥrz i tayri tmlk anɣ
nɣ "wa zzin, anna s tnnit a illan" d "immi ḥnna ka f ṛbbiɣ tasa wala wul". Maca, ur ikki uzmz yat s iɣ ufan aɣaras tn yiwin s tagwit, d taẓit, d tnana iẓḍayn n imdukkutn n tudrt d yixf; kcmn s usarag yaḍn n umarg d iwaliwn yusin aṭṭan, tammara d tawda ittifsun kraygat ass ɣ wulawn, ɣ tswak ar ttiɣar tg astci ɣ idammn, ɣ tguriwin d tiyt n idinann. Tizwuri n isggʷasn 80 a ɣ nmaggarn taguri yad ẓḍun gis turarin ifkan timlsa idusn i tmagit n iznẓarn:
- Ur immut ulgʷmaḍ d is ka ikcm tillas
- A tafukt lli ɣ ar igmmr ka sul ur illan
- Ar nsmulluɣ azrg ur nmmut ur nsul
- Nttɣʷi zun tɣʷi tmmurɣi ɣ ignwan ikk lhif akal.
Tama n tdusi n tguri yusin tagudi d tmmara llid yad isaggwan ɣ tizi yan timatarin mqqurnin n usnulfu atrar ɣ umarg amaziɣ, tlla yat tɣarast n tiyt d uzawan iẓlin s trabbut ad. Maca, ur d sul msasan ayt trabbut yat tizi f kra n tɣawsiwin ur nssn, yawi uya s ad tyawskarnt snat trubba : Iznẓarn Abdelhadi, d Iznẓarn Camx. Mad yad tssufɣ kraygat yat gisnt tisfifin, ifaw mas d Iggut ad izḍarn ad ig inzgi ad ikkusu ism n Iznẓarn.
Tisfifin ilan atig
- Immi ḥnna
- Immi ḥnna ka f ṛbbiɣ tasa wala wul
- Nttat ad ittssun afud ar fllati ttntal
- S waddal nns ɣ uṣmmiḍ, wa tsmṣtr fllaɣ
- Tzḍa, tẓḍm, tagʷm ɣ lḥma wala aṣmmiḍ
- Tṣbr i taẓit n baba tcc fllas akuṛay
- Aḥ a baba, iɣ tssuggʷit immi, tuqqrt aɣ
- Ad ukan tffuɣ mnid nnk, tasi d akuṛay
- Aḥ a yan igan igigil mu tmmut innas
- Iɣama d babas, ig asmun i tmɣarin
- Iqqan d ad idl s iɣʷrban, issu k a akal
- Allah a rruḥ mra dd is ad tturit i lmayyit
- Ad sul inker ɣ usmḍal yanni nn arraw nns
- wa d laḥbab d lwalidayn iɣ as gguran
- Immi ḥnna ka f rbbi ɣ tasa wala wul
Iggut Ɛbdlhadi ɣ unmuggar - Izilliḍ
- Iggut umdlu ula izillḍ, igutn waggagn ula usmamn
- Iga d umdlu tillas, ig d unẓar imṭṭawn
- Aggagn d usman, Ṛṣaṣ, ijiwi iga takat
- Yut axyam bbint, yut man gis ufan
- Mmutn mddn s lɣdrt, igigiln ar ukan allan
- Amṭṭa iṛmi t umagus, yiliḥ mad tn ittrḥamn
- Aɣaras immnɛa issa s usnnan
- Anmuddu irufa ɣ tmazirt ɣ llan waman
- Is d is iggull wakal, ur rad sul ismɣay
- Niɣ d is d amud ad sul ur iran ad d nkkrn
- Ad tnt iḥṣn yan ur ta lluzzant iɣ ifrk
- Iɣ luzzant munnt labudd man iffal
- Ad tnt iḥṣn ljid ɣ lhul, iṣbr nit
- Aḥ, mla ur igi ṣsbr ur ad sar ijud
- Iɣ d itrm umalu tifawin is d ruḥnt?
- Aṛa d ad njud s wawal f uzmz ad nfasr t
- Ma f tga ṣṣabt amaẓuẓ, ig uzmam amadaɣ
- Igli wasif adrar, iḍalb lbḥr laman
- Iga d lhul ccbayk, ng nkkni islman
- Ig lɣdr anmyur, ig d laman abukaḍ
- Ig wuccn amksa, ig as d umksa amssaɣ
- Icca wuccn amksa, tg aɣ tili taɣuyyit
- Argaz iga t lmal, bulɛaql iga anwwac
- Ig wajbir lknz, ig ṭṭmɛ aɣaras
- Tillas
- Nga bu tfala, nuḍa nili ɣ uɣaras
- Kullu mad ilan awrz ar fllati ttakʷln
- A ɛmda n igḍaḍ iɣ nduy(?) mani tn yuman
- Ur immut ulgʷmaḍ, is ka ikcem tillas
- A Tafukt lli ɣ ar igmmer ad sul ur illan
- Ssm iffɣ algʷmaḍ ikcm k a anwwac
- Nga takniwin nhul tnnit iyi nniɣ ak
- Ajjat anɣ ad kʷn najj a tnaqṣt a takat
- Tillas ad nkka, tiyyaḍ ad nufa mdint aɣ
- Mamnk s ira ad yisfiw a immi warraw nnem
- Nufa d lḥya immut, nufa d laman izug
- Mamnk s ira ad tnjmt i tawdiwin a wul
- Lɛaql iga d lmizan ira ad as nsrs
- Lḥaqq d lbaḍl iggi nns ad tn ismkilil
- Lɛaql ar swingimn, sawln inin aɣ
- Lḥaqq imḍl t uqariḍ ig fllas ismgan
- Wanna yad igan izm gin fllasn tiḍaf
- Ar asn sɣaln iẓmmuẓẓal, asin asn laṭrt
- Ass nna tn ɣʷin, luḥn gisn tawda s ukuṛay
- Gin t inn ɣ iẓṭṭi n wuzzal, dumn fllas akrraf
- Mac izm walli t igan, ur issen tasergemt
- Xttad ijṛan a middn wakk wakk nɣ
- Yiwi d usmammi n middn taɣlaɣalt
- Trẓa aɣ tudrt, ittyagas lɛaql
- Iffu lḥal i wida aɣ ranin tifawt
- Nsugga isntaln, nsugga iɣarasn
- Yawi aɣ uswingm illiɣ aɣ tallilt (?)
- Ur nssin man azmz rad aɣ kmmlnt
- Isbayn aɣ d ṛbbi lmndaf ur ta yumẓ
- Afus ɣ ufus ad nfsi ikrrafn
Iselkamn nbrra
Isaɣuln
| Taẓuṛi tamaziɣt g Lmɣrib | ||||
|---|---|---|---|---|
| Aẓawan | Taṛṛwayṣit | Lḥajj Blɛid · Ɛumar Wahruc · Muḥmmad Albnsir · Muḥammad Abaɛmran · Ḥasan Arsmuk · Ḥmad Amntag · Saɛid Actuk | ||
| Taẓnẓaṛt | Iẓnẓaṛn · Iẓnẓaṛn Ɛbdlɛaziz Ccamx | |||
| Ṛṛuk amazigh (Rock amazigh) | Juba n Tuja | |||
| Fuzyun amaziɣ (Fusion) | Ɛli Fayq · Fulan Buḥsin | |||
| Aẓawan asɣun | Mbark u Lɛṛbi · Ɛmmuri Mbark | |||
| Tagruppit | Ajyal Sus · Ayt laman | |||
| imassn | Ribab · Luṭaṛ · Lbanju | |||
| Ssinima tamaziɣt | imssufaɣ | Aḥmad Badduj · Ɛbdlɛziz u Ssayḥ | ||
| inmuggarn | Anmuggar Agraɣlan Isni n Wurɣ n Usaru Amaziɣ n Ugadir · Anmuggar Anamur n Lfilm Amaziɣ n Warzazat | |||
| Ismdyatn | Lḥusin Brdawz · Ɛabdllaṭif Ɛaṭif · Muḥammad Abɛmran · Zzahya Zzahiri | |||
| Tanḍḍamt | Isaffn n umarg | |||
| Ahyyaḍ | Aḥwac · Lɛammt · Aḥidus · Aḥwac n taskiwin · Taḥidust · Tamawayt | |||
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
