From Wikipedia, the free encyclopedia
Inzggan tga yat tiɣrmt illan gr Ugadir d Ayt Mllul, tg tamaẓunt n tmnbaḍt Inzggan–Ayt Mllul nna illan ɣ tmnaḍt tamssugurt n tsga n Sus–masst, skrn t iɣwwaɣn n Fransa tizi lliɣ d ɣuɣn s tmazirt. Stin t ɣ yat twrirt mẓẓiyn ikkan f iḍuṛan lli yas issutln afad ad tg accbaṛ n tiḍaf f imzdaɣn n waksimn d imsgginn. Imik ittiskar gis ubiru n lqqayd, ssuq n ttlaṭa, tiḥuna, s tgʷmma aylliɣ akk tkka f iḍuṛan lli aɣ adlli zdɣn middn zun d Tarrast, Lmẓaṛ, Takaḍ, Timṛṣit ...
| Ism amaddud | انزكان, Inezgane  |
|---|---|
| Ism ɣ tutlayt taẓuṛant | إنزكان, ⵉⵏⴻⵣⴳⴰⵏ |
| Tamazirt | Lmɣrib |
| Tamaẓunt n | Tamnbaḍt n Inzggan-Ayt Mllul |
| Asdɣr amssugur | Tamnbaḍt n Inzggan-Ayt Mllul |
| Ismlan ijɣrafiyn | |
Inzggan ur adlli ttiyskar afad ad tg tamdint mqqurn. Ar d ttagur zun d kra n tgzirt iɣ d fllas ingi wasif n Sus issutl as. Mrad is ur tattuy ur rad sar tg tamdint. Ɣassad tga tamdint, mqqar tmẓẓiy tugr tt taqqurt nns. Wanna rad isɣ urɣ, nnqqrt, timlsa ɣ Ugadir, ur ikki man i Inzggan.[1]
Tga Inzggan yat tammast n wassay bahra imqqurn. Ar gis ittmniggir uɣaras anamur amzwaru wiss 8 d wiss 10.
Inzggan iga anmuggar n tsbbabt nna akk imqqurn ɣ tsga n Sus–masst. Yan zɣ inmuggarn lli bahra ittwattasn middn bac ad sɣin kraygat taɣawsa. Illa gis wunuz s tbḍit ula s ugudi. Zdɣn gis uggar n 112 753 n imzdaɣn ɣ usiḍn usggʷas 2004. Iga wass n usinas ass imqqurn ɣ ugadaz. Mac amussu n tsbbabt illa ku yass ɣ Inzggan zɣ uzal ar diyiḍ.
Ar ittini usiḍn lli ittyuskar ɣ usggʷas n 2014 mas[2]:
Inmuggarn lli gis illan :
Gan Waksimn taqbilt illan ɣ wakal n inzggan. Nttni ad tt-nn ikkan ar skarn ssuq n ṭṭlata kraygat imalass ɣ Inzggan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
